مريم صالح شيد قصورك

على سبيل المجاملة شعر_ وائل فتحي_القاء|صفاء أبو صبيحة

يوم الرحيل- محمد منير Cover

شعر:  احمد حداد 
ألحان : محمد عزت

يالا اضحكي - فاطمة عادل

غناء : شمس عبد الناصر
الكورال : احمد عماد - احمد عادل - محمد خالد - شمس عبد الناصر - اميرة حسين - بسمة يحيى - احمد مدحت - طارق احمد - هنا علاء - احمد هيما - خالد زيكو - اسراء سامح - دعاء على - محمد رضا - شادى عبد الحى 
عزف : 
مهاب سامى : كيبورد
يوسف السقا : ناى 
زياد الرفاعى : طبلة 
ماريو صليب : دف 
لمياء عبد الحميد : انون 
مصطفى عثمان : كمان 

يا عزيز عينى - شمس عبد الناصر - ارابيسك

برومو ديوان " بوسه زرقا " لـ الشعار أحمد السعيد 
بمعرض الكتاب 2019

هندسه صوتيه : منه كردي

شارك ف العمل :
أحمد عبد الرحمن
حبيبة الزين
محمد السيد عزيز
محمد دهشان
مصطفى ناصر
منه كردي
ياسمين محمود

برومو ديوان " بوسه زرقا " لـ أحمد السعيد

الخواجة لامبو - عبد الرحمن الأبنودي

حورات المحبه مجمعه من مسلسل الخواجه عبد القادر

'خطاب المحبه نهائي'

مشاهد ماكملتش - رحلة في عنق الإزازة
شعر وإلقاء بسنت عبداللاه

رحلة في عنق الإزازة | بسنت عبداللاه

أسوان..
زوجي الغالي/ الأسطى حراجي العامل في السد العالي..
أما عن إن احنا بنتشوّق لك.. ف احنا بنتشوّق!..
والشوق في قلوبنا ناسس نسسان..
ولايمنعناش من شوقنا ليكم حتى قطع الخطابات!
يا سلام والله يا حراجي يا سلام
ليه؟! غايب ليك يوم ولا ست أيام!
دا احنا دخلنا في رابع شهر!
والأيام تقلانة عليا يا أبو عيد..
وحكاية الشوق دي لا في الإيد..
 ولا ليها مواعيد!
--
تصدِّق يا حراجي؟
إنت قريب مهما اتغرَّبت ومهما طوّحنا المشوار..
حِسَّك مالي الدار.. وسيرتك زايحة وخم جبلاية الفار..
وأنا مش مكسوفة من الورقة اللي بعتناها!
حسّينا حاجات فينا.. قلناها!
وإذا حسّينا تاني.. هانقول!
إن صرخ القول في الحاشية..
عمر الخشم الحر ما يقدر يقعد مقفول.
--
جواباتك.. بتبل الريق النشفان..
وتنوّر بيت مافهوش غير ست عيون..
وأنا لو حبّيت الدنيا من تاني يا حراجي..
برضه ما يغنيش عن رؤياك..
والقعدة معاك
أنا عندي غسيل توبك ع البير..
بالدنيا وفرح الدنيا..
وبالخلق؛ كبير وصغير
--
واحنا يا حراجي لسا مافرحناش..
لسا ماقعدناش مع بعضينا..
وماتكلّمناش..
لسا ما ضحكت لنا روح..
واتبلّ لنا ريق..
واتبعزقنا طريق!
تبقى ما أوحشها طريق يا حراجي..
ما أصعبها طريق!

حسينا حاجات فينا.. قلناها! - جوابات الأسطى حراجي

- م -
 
ماسبيرو أخطر م الرصاص والقصر
 ملّى عنيك بالدم.. قبل الطلوع قدام
 ما تسيبش جيشك تِقسمه الأعلام
 مش كل مين جنبك.. جواه بيهتف مصر
 
- ا -
 
الوقفة جنب النار.. بتقلل الدخان
 إهتف هتاف إبن المكان والظرف
 إضرب بعزمك.. أو ما تضربشي
 إرجع بضهرك.. أو ما تهربشي
 إمسك عصاية ثورتك م الطرف
 التاريخ ضمن الغنايم.. وبيكتبه الكسبان
 
ـ ن ـ
 
نقى دايماً طوب صغير حدفتك توصل بعيد
 نفترق ساعة المطاردات.. أربعات
 نشّن الباراشوت ناحية الصف العريض
 نجرى فجأة.. نردّ فجأة.. نص قوتنا المفاجأة
 ندّم اللى يعورك.. وإقطعله إيد
 
ـ ي ـ
 
يؤتَى الحِذر من مكمنُه
 يأتي الغبي باللص ثم يحلّفه
 يؤتَى الهتاف.. رَّجاً بمن يَهتِفه
 يؤتَى الجدع.. قلبا بما إتجَدعنُه
 
ـ ف ـ
 
فّرق ما بين الجرأة والقلب الحديد... والرمي جوا التهلكة
 فتش بإيد ع المستفيد.. وبإيد عن الصاحب الجدع
 فتّح إذا الناس غمضت.. غمّض إذا نظرك خدع
 فرّغ عياطك ع الصحاب.. دم وخميرة.. مش بكا
 
ـ س ـ
 
سمّي الحاجات دى باسمها.. الكدب.. والخوف... والخيانة
 سجادة المسامير.. تتحط ع الناصية.. غطّيها بالدخان.. ولّع قصادها كاوتش
 سدّ الطريق لورا علشان ما تترددش
 سيب باب لجيشهم يهربوا منه
 سلّم رايات الحلم لحد من سِنُّه
 سلّم قراركو لأكتر كفّ عرقانة
 
ـ ت ـ
 
تبّت يدا من ساب رفاق المعركة بطولهم
 تمن القضية اللي اندفع مبقاش يجوز يرجع
 تتعب تبص ف عين.. اصحابك الطايرة.. شوف مين من الآخر دفع.. لو زيهم.. إدفع
 تلت الرصاص نحو العدو.. تلتينه للخاين.. الطعنة جاية من هنا مش من هناك
 تعب النهار دة غير تعب بكرة.. الوقت مش دايما معاك
 تحتك فيه ناس عاوزة الأمل.. مش عاوزه؟.. سيبهولهم
 
ـ و ـ
 
وسّع الجبهة لو انتوا كتير.. وضّيقها لو إنتوا أقل
 ولع شماريخ وسطكوا أول ما تلقى الرتم قل
 وقّع لمض كل العواميد اللي كاشفة ناحيتك
 وّدي الإعاشة قبل ما تدوق لقمتك
 وجّب مع السكان وأهل المنطقة..
 حتى لو فاهمين غلط.. فيه ناس كتير متلخبطة..
 إكسب عدد.. وإكسب غطا
 وزع عيونك فوق وتحت.. وخاف من اللي يصوّرك
 وطّى وعينك باصّة فوق ع الطوب وإلا يعوّرك
 وقّف إذا سحبوك على شارع طويل
 وفّر بديل
 وافق على الهدنة إذا سحبوا الكلاب
 لو سابوا خليك انتا آخر حد ساب
 واحد بيفرق ف العدد جدا
 وعشان كده..
 أول ما تلقى إن الصفوف ناقصاك..
 وسّع مكانك... للي جاى وراك
 


المانيفستو - مصطفى ابراهيم

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

برومو ديوان " بوسه زرقا " لـ أحمد السعيد

Menna kordi

Recent comments

عبدالمجيدالعسيري

eldone habo

hesham hedeb

El_Doctor🤍♥️

Related tracks