،،mo

كلمات : أحمد عُثمان
https://www.facebook.com/myt.7y

أداء : منة كردى
https://www.facebook.com/Kawkabmashy?ref=tn_tnmn

زاهد أنا
و لحد ما يشدو السما على جتتى
هفضل أعاود الانتحار
و ألضم مواتى ب ضحكتى
وأسمع غناوى الانتظار
وأشرب بواقى القهوة لما تغلى بين صوابعى
واقلع الليل من مكانه
ترتعد فيا الغناوى م القساوة
والعطشانين للمغربية الضامة تفاصيل كدبتك
يتسغربوا
إن السما مكفهاش كل المطر
دا القلب بقى اشبه بالزوابع 
عند طراطيف المحيطات اللى مليانه بشر
عجبى عاللى داق النومة على كتفى 
طاله الطريق قام هَرَب
من بعد دود الارض ما عضنى
ضربْ العصا مبدأ
فيا من عصيتم فهمونى 
اذا كان طريقكم مبيرتعشش
من نظرة الزيف للسما
واجب على الدراويش يملّو عينيهم الحاضره
ويرتعشو
على صراطك يابو الحواديت
يا موت واصل من الغيطة اللى بتضلم فى عز الضهر
لاخر سكة بتنور على العميان
يا حبة تأويلات تايهه ف قلب ميدان
عجزى فى صبرِك منتهاش
زاهد أنا زهده مجاش
ولا خد خبر
لما أنتظر 
كل الساعات إتأمموا
وجعى لوحده كان ضمير غايب اوى 
اما وجعك فعل امر 
و استحال م المعجزات
دا الزهد اشبه ب الوجع
اما الوجع 
ف طريق واشبه باللى فات
بتكسرى عضم الرصيف
بتغيرى ف صوت القمر 
بتلبشينى لما دمى بيرتعش
ف افرد عينيا فى الوطن
واركع لتأويل الزمان
لو كات عيونى ملونين 
كان الطريق هيحنلى 
رغم الشجن
لكن سمارى ازعجه 
ف أصر تغيير المكان

#
أحمد عثمان

تأويلات الزهد والوجع - منة كردى

كلمات : Mahmoud Taha
https://www.facebook.com/mahmoudtaha128?hc_location=timeline

أداء : منة كردى 
https://www.facebook.com/Kawkabmashy?ref=tn_tnmn



مع إنه شاطر فـ الحساب - منة كردى

من كلماتي : حسين أحمد 
غناء و ألحان صديقي : محمد سرور
[تسجيل]

أدين بدين حبك و أكفر بباقي القلوب
و عينيكي قبلة لصلاتي و لقلبي أنا المكروب
قصاد منهم بقف خاشع كما الصوفي كما المجذوب 

يدعي في صلاته لجل يدخل جنتك و يختفي مـ الدروب
و أستغفر بإسمك لتغفري ذنب الفراق المكتوب
و أسكن بمحرابك لأهرب مـ الغربة و الغروب

خايف لأكفر بدينك و أتوه بين القلوب !

محمد سرور - أدين بدين حبك

Lyrics : el sayed gaber - mario
www.facebook.com/ElSayedmgaber
follow : www.facebook.com/AFLTONSTORY
Vocal : menna kordi
https://www.facebook.com/Kawkabmashy?ref=tn_tnmn
اللي أعرفه
لما تتفارقوا ليه تودعوا بعض
لما أنتوا مش راجعين
لما تتواعدوا ليه بتنسوا بعض
مع أنكم فاكرين
كل شئ بينكم قريب،لكنه بعيد
ماقصدش أني تمام ولا حتي بالمظبوط
معرفش تقريباً ولا حتي بالتحديد
اللي أعرفه،..وموجود
لما نحل بنربط،ولما نحب بنسكت
وندور نعاند بعض
في المسرحيه نمثل،ومصدقين جداً
مع أننا بنكدب،ويمكن يكون عنداً
دايره وكاسات فاضيه،والكوبايات مليانه
محدش أستكفي ولا حد كفاها
قالوا الحياه مره
وأزاي نعيش بره وأحنا جواها
حلوا الضفاير،محدش وراها داير
أتعاملوا بـ المكيال،الدنيا أخد وعطا
عارفين في شئ ميال،والقرب ستر وغطا
مش كل الخمور مرٌه،ولا كل العتيق شربات
في حاجات ذاتها
ماتسئلش أيش معنا ذات 

اللى أعرفه _ منّة كُردى

معجزة ع الأرض_ رحمة الحداد

شيزوفرينيا، قصيدة بالعامية المصرية

شيزوفرنيا. Mixing

كلمات : حسن سرور 
https://www.facebook.com/Hasan.suror

أداء : منّة كُردى
https://www.facebook.com/Kawkabmashy?ref=tn_tnmn

موسيقى : مسلسل خاتم سيليمان

شُكر خاص لـ : أحمد فرحات _ ميرنا محمد

 
رسم الصورة بدون الوان,
 أبيض وأسود بِلا عنوان
 رتب كل مشاكل نفسه 
كتب المشهد بالتفصيل..
 الأوجاع هنا جنب الحيط, وانكساراته على البراويز , دقة قلبه نبرة غِيظ
 سّكن كُل مشاكل حلمه ;
 الأوهام ملهاش عناوين,
 والأحلام دي لناس تانيين.. 
حط حقايق مش موجودة.. 
قرر يبقى الحر العاتي ف أول طوبا 
وفكر مرة بعقل - آخر مرة -
 إيه راح يحصل لو هيموت وف شهر اتنين
 لو هيعاقب هذا العالم بجملة
 " آسف انا في التليين " 
لما كتير مثلا هـيقولوا ; 
الحُر العاقل بقى 100 مجنون 
مين راح يزعل لما هيسأل عنه فـ يوم 
ويرد سكوت مبقاش موجود

 علق صُوره وبتفاصيلها قرر يحكي..
 مرة البنت الحُب الطاهر 
أبدت ظاهر إن كلامها بيعشق صوته
 وان الخنقة في لحظة موتة تساوي دهور
 وان البسمة وشكل الدمعة فوق الوش وحلمه الواقع
, هما حياتها
 بس حقيقي الحلم فايتها  

أبدت مره إن كتير بيحاولوا يكونوا 
وان الصعب فـ يوم هتكونوا
 وان حاولوها غصبا عنها
حد يقول ازاي هتخونوا 
اصله عبيط قرر يعشقها 
وابتسامتها كتير صدقها 
وف احتضاراته, صدق موتة لجل حياتها
كل القصة والحدوتة 
إن البنت كتير موجودة 
بتعشق واحد مش موجود
 وبترسم من غير الوان 
نفس الرسمه والبرواز 
نفس الحلم الضايع أبدًا 
تفضل ترسم / ترسم / ترسم 
لحد أدان الفجر ما يدن 
لما الرسمة بتقدم جدا..
 لما المشهد راح يتلون
لما الصورة يا دوب تتكون 
الأوجاع هنا جنب الحيط
وانكساراته على البراويز 
دقة قلب ونبرة غِيظ
 سكن كل مشاكل حلمه 
بحيث تكون 
الأوهام ملهاش عناوين 
والأحلام دي لناس تانيين.





صورة بدون ألوان _ حسن سرور _ منة كردى

"كلمة "أنا بحبك عقد" || أحمد زكى || فيلم "إضحك الصورة تطلع حلوة

كلمات : شروق نبيل 
https://www.facebook.com/profile.php?id=100001492402355&ref=ts&fref=ts

أداء : خلود إيهاب ومنّة كردى
https://www.facebook.com/505a.koka?ref=ts&fref=ts

https://www.facebook.com/Kawkabmashy

الكلمات : 
ﺧﺎﻳﻔﺔ ﻳﺎﻣَّﻪ ..
ﺯﻱ ﺑﻴﺖ ﻭﺣﺪﺍﻧﻲ ﻭﺍﻗﻒ
ﻭﺳﻂ ﻏﻴﻂ ﺩﺧﺎﻥ ﻭﺿﻠﻤﺔ
ﻭﺳﻂ ﻏﺎﺑﺔ ﻣــِ ﺍﻷﻓﺎﻋﻲ
ﺯﻱ ﺣﻲّ ..
ﺣﻲّ ﻛﺎﻥ ﻣﻠﻴﺎﻥ ﻳﻔﺎﻋـَـﻪ 
ﻋﺠّﺰﻭﺍ ﻣـِ ﺍﻟﻮﺣﺪَﺓ ﻳﺎ ﺃﻣَّﻪ
ﺯﻱ ﺧﻮﻑ ﺍﻟﺒﻨﺖ ﻟﻤّﺎ
ﻋﺮّﻭﺍ ﺭﻭﺣﻬﻢ ﻣــِ ﺍﻟﺮﺟﻮﻟـَﺔ ﻭﺇﺳﺘﺒﺎﺣﻮﺍ ﺭﻭﺣﻬﺎ ﻟَﻤَّﺔ
ﻓﻲ ﺍﻟﻤﻴﺪﺍﻥ ﺍﻟﺰﺣﻤــﺔ ..
ﺧﺎﻳﻔﺔ
ﺯﻱ ﺃﻭﻝ ﻣﺮّﺓ ﺑﻤﺸﻲ
ﺯﻱ ﺃﻭﻝ ﺑﺼّﻪ ﻣﻨّﻪ ﺟﺖ ﻓــِ ﺭﻣﺸﻲ
ﺯﻱ ﻳﻮﻡ ﻣﺎ ﻟﻢّ ﺭﻭﺣﻪ ﻣﻦ ﺿﻠﻮﻋﻲ
ﺣَﻂ ﺃﻭﻝ ﺧﻴﻂ ﻓﻲ ﻧــَﻌﺸﻲ
ﺑﻌﺘﺮﺗﻨﻲ ﺍﻟﻮِﺣﺪﺓ ﻳﺎﻣَّﻪ
ﺯﻱ ﻣـَﻄﺮﺓ ..
ﺑﻌﺘﺮِﺗـﻬﺎ ﺳﺤﺎﺑﺔ ﺳﻤﺮﺍ ﻛﺎﺕ ﻣﺨﺎﺻﻤﺔ ﺳﺤﺎﺑﺔ ﺑﻴﻀﺎ
ﻭ ﺃﻣﺎ ﺟﺖّ ﺗﺼﺎﻟﺤﻬﺎ ﻳﺎﻣّﻪ ..
ﺑﻌﺘﺮَﺗﻨﻲ
ﺯﻱ ﺧﻮﻓﻚ ﻟﻤَﺎ ﻫـَﺪّ ﺍﻟﺤــُﺰﻥ ﻣـَـﺘﻨﻲ
ﻟﻤﺎ ﺷﻮﻓﺘﻲ ﺍﻟﻔـَـﻜﺮﺓ ﻣَﺮّﺓ ﺭﺍﻭﺩَﺗﻨﻲ
ﻋﻦ ﺟﻨﻮﺣﻲ ﻳَﻢ ﻣﻮﺗﻲ
ﻗﻴّﺪﻳﻨﻲ 
ﻗﻴّﺪﻳﻨﻲ إن ﺷﻮﻓﺘﻲ ﺻﻮﺗﻲ ﺗﺎﻧﻲ ﻏــَﻨّﻲ
ﻋﺮّﻓﻴﻨﻲ !
ﻫﻮّ ﻟﻴﻪ ﺍﻟﻠﻪ ﻧﺰﻋﻨﺎ ﻣـِ ﺍﻟﻨﻌﻴﻢ ﻟﻠﻐﺎﺑﺔ ﺩﻳّﺎ
ﺭﻏﻢ ﺇﻥ ﺍﻟﺨــُﻠﺪ ﻋُﻤــﺮﻩ ﻣﺎﻳﻮﻡ ﻏﻮﺍﻙِ
ﺣﺘﻲ ﺃﺑﻮﻳﺎ ﻣﺶ ﻣﻌﺎﻙِ
ﺷﺠﺮﺓ ﺍﻟﺘﻔﺎﺡ 
ﺑﻌﻴﺪﺓ ﻋﻦ ﺩﻳﺎﺭﻧـَﺎ
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..!
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..! ﺭُﺩّﻱ ..!
ﻟﻴﻪ ﺭﻣﺎﻧﺎ ﻭﺳﻂ ﺧــَﻠْﻖ
ﻳﺎﻛﻠﻮﺍ ﻗﻠﺐ ﺍﻟﺤـَﻲّ ﻳﺎﻣّﻪ ..!
ﺧﺎﻳﻔﺔ ﻣﻨﻬﻢ
ﻏﻤّﻲ ﻋﻴﻨﻲ ﺟﻮّﻩ ﺣﻀﻨﻚ
ﺩﺍﺭﻱ ﻛَﺴﺮﺓ ﺿﻬﺮﻱ ﺩﺍرﻱ
ﺇﺳﺘــُﺮﻳﻨﻲ
ﺧﺒّﻲ ﺭﻭﺣﻲ ﻣﻦ ﻛﻼﺑﻬﻢ
ﺩﺛّﺮﻳﻨﻲ
ﺩﺛّﺮﻳﻨﻲ
‫


خايفة يامّة _ منّة كردى _خلود ايهاب

كلمات : مصطفى فهمى زيادة
https://www.facebook.com/mostafa.f.ziad?ref=ts&fref=ts

أداء صوتى : منّة كُردى
https://www.facebook.com/Kawkabmashy

هندسة صوتية : منّة كُردى

الكلمات : 
كل الملايكة واقفين بسنارة
والطعم نجم
بيصيدوا ناس سهرانه م التفكير
علشان كده بليل توطي النجوم جدا
تصبح علي مد العروق
فتحت شباك شقتى من غير وضوء
وبدأت ارتجل الدعاء
يارب خلى الشبع من ابسط الاشياء
_يعني رجاءاً_
خلى اللى يلمس حد بيحبه....يشبع
خلى اللى يضحك ضحكة من قلبه....يشبع
ارشد نسيم تايه لشباك الغلابه
يسكن فى جوف عيل جعان....يشبع
جتت البشر تبقى سنابل قمح
بدل التراب
خلى الحصي عناقيد عنب
لو دبدب الطفل الرضيع تنزل رطب
أو حتى زمزم تنفجر تحتيه عيون
تسقى اللى ماتوا م العطب
يارب خلي الحب من ابسط الاشياء
نظرة مابين اتنين في اتوبيس المنيب
او بنت كعب جزمتها اتكسر
فاداها رجله تمشي بيها مجاز
كل البنات للولاد قصايد شعر
كل الولاد للبنات عكاز 
يارب 
اكتب على خد الغريب
(صاحب مكان)
اصل الشجر عمره ما فرق يوم ما بين الناس
ضلل على كل اللى عدى من هنا
اوجد ما بينه وبين رصيفه ..اُلفه
شيل الحرج بينهم
ياخد دفا منه ان شالله لو سُلفه
لو حن يوم للونس
قول للغريب
دبدب على راس القبور
صحي اللى ماتوا م الجفا
من بدء ادم حتى هذا الوقت
يلقى الاحبة اتجمعوا / آلاف آلاف
مش راح يشيلهم ننى عينك حتى لو برّقت
تلقاك شبهم فى الحنين للغيب
والغربة وسط الاهل والاصحاب
كانوا برضه بيلفوا القبور يمكن يلاقوا
للجنة باب
يا ميتين ناقصين دفا
مش عايز ابقى زيكوا 
واصبح وليف للارصفه
احكولى عن يأس اللى حب بفطرته
واحكولى عن يأس اللى حب بفلسفة


ابتهال _ منّة كردى_ مصطفى فهمى زيادة

صلاح بجاتو - قصيدة  "برضاك" 
من حفلة ساقية الصاوي |  16 فبراير 2016

تابعوا صلاح بجاتو علي السوشيال ميديا:
https://www.facebook.com/salahbagato
http://www.soundcloud.com/salahbagato
http://instagram.com/salahbagato

الموقع الرسمي:
www.salahbagato.com

برضاك

ميدلي 
في قلبي مكان + زي الشمس 
توزيع وهندسة صوتية - احمد علي 
#محمد_محسن
#رامي_جمال 

في قلبي مكان + زي الشمس - احمد محمد (cover)

نص: إسراء مقيدم
مونتاج: عمرو شاهين
ميكساج وآداء: زينب فرحات..صوت الونس
------------------------
عصافير جنة
عارف؟..الحياة كانت هتبقى ألطف بكتير لو كنا مراكب ورق,لو كنا بالخفة اننا نبوش مع أول لحظة حلوة تعدي علينا ونتحول لفرافيت 
ورق تتلاشى تماماً في صدق التجربة..مين اللي قال إن التلاشي وحش؟ التلاشي في الملح الخفيف أحسن من دوامات التجارب اللي بتسحبنا وبتخلينا نسحب معانا ناس كتير قوي للقاع,أنا بقيت بالخفة اللي تخليني ما ابصش ورايا,مابحاولش أتعلق بحاجة ولا بحد….عارف ميزة إن يبقى عندك ذاكرة مثقوبة وماتحاولش ترممها؟مابقيتش أتمسك بالحواديت اللي بتعدي عليا,بقيت بجمعهم كلهم وأول كل  تجربة جديدة أطيرهم زي ماكنت بطير الحمام 

 ومتهيألي المشاهد الجاية من عمري كلها هتكون في خفة حبات الدقيق الصغيرة لما بتعدي من فتحات الغربال وتنزل على السطح الرخام الأبيض..

أقولك على حاجة حلوة؟ تيجي نقطع كل ذكرياتنا ونطيرهم عصافير الجنة؟

مراكب ورق

إنتَ تستحق - نور عبدالرحمن

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

صورة بدون ألوان _ حسن سرور _ منة كردى

Menna kordi

Recent comments

Ahmed Khaled

user901751249

Ahmed Omran ✪

H ^_^

Related tracks