أتفه من إنه يبقىٰ له عَداوات! أو حد صاحب مصلحة في قتلُه.. أتفه من إنه يبقىٰ له صَداقات! أو سيرته تيجي وحد يشتاق له.. -دخلت في عيني- :''D

بجد قلبي وجعني اوي 😢😢

قصيدة تقرير الوفاة من ديزان " سجن أسّ أربعة " للشاعر حسام إبراهيم
https://www.facebook.com/hosamibrahimm

إلقاء وهندسة صوتية : منّه كُردي
https://www.facebook.com/mennakordii

مكتوب في تقرير الوفاة الآتي :-

جسم الضحية سليم مافيهش خدوش ..
و مفيش آثار للضرب و التعذيب ..
سم الفيران في الدرج مأخدهوش ..
و مفيش سلاح للقتل في الدواليب ..

ساكن لوحده .. الناس مابتروحلوش ..
و مفيش صحاب بتزوره لما يغيب ..

كان عنده عَجَلة معوضاه أهله ..
و بيمشي دايما بيها جنب الحيط ..
في الجري حتى بيجري على مهله ..
و يخاف أوي م الزحمة والتخبيط ..
و ساعات يخاف عربية تندهله ..

أتفه من إنه يبقى له عداوات ..
أو حد صاحب مصلحة في قتله ..
أتفه من إنه يبقى له صداقات ..
أو سيرته تيجي و حد يشتاقله ..
مالهوش آثار أقدام ولا بصمات ..
مايحبش الأحلام ولا البطولات ..
ولا له مقولة هتبقى تاريخية ..
عاش الحياة بالظبط كما هيه ..
ماعملش ويا الخلق أي وعود ..

علشان كدا لما عملها و مات ..
لا لقينا عنده جروح ولا كدمات ..
كان جسمه سالم مية في المية ..
و كأنه لسه من مفيش مولود ..

قولنا ساعتها دي سكتة قلبية ..
و فتحنا 
لقينا قلبه مش موجود ..

تقرير الوفاة - حسام إبراهيم - منه كردي

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

Comments

Alhussien Raafat

Alhussien Raafat

wael ashraf

نُور 𓂆

Eman Magdi

saad El-din

shrouk hamza

Menna kordi

Menna kordi

SHOROUK NABIL