منة كردى

كلمات : Abdelrahman Mohamed‎‏‏
www.facebook.com/abdelrahman.mohamed86

أداء : منّة كُردى
www.facebook.com/Kawkabmashy?ref=tn_tnmn

امي
بلاش تبصيلي البصة اياها
و متحضنينيش
حضتنك بقى كما دش ساقع
في عز البرد
وانا مبقتش حمل البرد
امي انا اصبحت زي التراب ع الارض
بتبعتره الاقدام
ومن حبة هوا بيطير
لكنه باقي كما الايام .. كما المشاوير
امي انا كاسرني السؤال
وكاسرني زيف المعاني
امي .. متغنليش
مبقتش حمل الاغاني
صوتك الدافي معادش بيلصم
امي متتضخضيش
من من صفار وشي
وشيب شعري
امي انا مكسور
كما وزن القصيدة في شعري
امي انا تعبان من الوحدة ..
من الزحمة وكتر الناس
و انا قلبي ياما انداس
وياما لم .. من صحبة و اغراب
امي .. انا بس نفسي تفهمي
فرط الحنان بيعلم القسوة
فرط الحنين بيجلب الغربة
بيخلي قلب الواحد كما التربة
بتلم ناس ياما .. وتضم ناس ياما
في حضنها .. لكن رفاة
وااااه يامي ع الوجع
لو تحضني الاموات
اموات يا امي .. يشبهوني تمام
امي .. سبيني انا عايز انام
و بلاش تبصيلي البصة اياها

البصّة إياها _عبد الرحمن محمد _ منّة كُردى

تتجوزيني؟ 
من ديوان ضحكة طالبة التأشيرة 
كلمات : Mostafa Eltelwany
https://www.facebook.com/mostafa.eltelwany.5?hc_location=timeline

https://www.facebook.com/pages/%D9%85%D8%B5%D8%B7%D9%81%D9%89-%D8%A7%D9%84%D8%AA%D9%84%D9%88%D8%A7%D9%86%D9%8A/309842119043025

أداء : منّة كُردى
https://www.facebook.com/Kawkabmashy?ref=tn_tnmn

_ تتجوزيني ؟
 _خايفة تفارق زيهم 
 _طب توعديني ؟
_ الوعد للأحرار وبس
وانا قلبي مربوط بالوجع
يمكن يكون قُربَك ونَس
لكن أكيد بُعدك شقا
خايفة العشم يقلب مقَص
لأي فرصة ف اللُقا
_ لو تحضنيني!
_ مش عايزة آخد ع الدفا
مش عايزة أشرب ضحكتَك
تفضى كاساتي ف غُربتَك
أعطش وملقاش ضمِتَك.
_ لو تسأليني ..! , أصلي بحب الفضفضة, يمكن أغيَر نظرتِك, يلا أنكُشي فيا بضمير, يجوز نغيَر ما مَضى.
_ ازاي تنول ضحكة قبول من بنت خايفة من الوجع, قول لو جدع!
 ............_

تتجوزينى _ مُصطفى التلوانى _ منّة كُردى

كلمات : عمرو أبو زيد 
https://www.facebook.com/amr.a.zeed

من ديوان : نوفمبر شهر ملائم للموت

أداء : منّة كُردى
https://www.facebook.com/Kawkabmashy?ref=tn_tnmn

موسيقى : أنين الناى جلال الدين رومى 

الكلمات : 
يقول واحد من المرضى
لا مش هرضى
ومش ميت
سيبوني لبعد رمضان
أقلّه أموت وأنا مِعيَد
و يخبَط دمعه في الشمبر
مسبب دوشة في العنبر
فيصرخ فيه مريض تاني
بصوت ناصح لكن مكتوم
مافيش ملجأ من المحتوم
صراخك ده مالوش داعي
مادام كشف السفر مختوم
واسمك وقته متقيد
فموت راجل
ده أكرملك
عشان حتى التاريخ يكتب
ده عاش مذلول
ومات سيد
وبعدين هي دي عيشة؟
بذمة أهلك الموتى..
هتخسر ايه؟
هتخسرنا؟
ياعم بلاش تحسرنا
وحق سريرك الدايب
ماهتشوف دنيا غير بالموت
لولاش بس النظام خايب
وأجِل دوري للأخر
ماكنت فضلت فيها حي
ياريت كان دوري هو الجيّ
عشان ياكل شقايا الدود
ياريت الكشف يلمحني
فيمنحني أمل منشود
قوم افرد ضهرك المحني
عشان ماتمُتش غير مشدود
ولو خايف جحيم مثلا
ماهيش فارقة
دي نار ودي نار
وفجأة النُصح صوته يضيع
في صوت عاصف لدق الزار
وييجي اتنين تمارجية
ينادوا الميت المُختار
يجروه لعزرائيل بره
وقبل ما يخرجوا يشاوروا
بإيدتينهم على الناصح
يقولوا تعالى بالمرة
زحامكم أصله مش جيد
فيصرخ لأ ده مش دوري
ومش ميت
طب ألحق حتى رمضان
أقلّه أموت وأنا مِعيّد



أكذوبة الموت والراحة_ منة كُردى_عمرو أبو زيد

كلمات : دينا صادق
https://www.facebook.com/dina.sadek.35?fref=ufi

أداء : منّة كردى
https://www.facebook.com/Kawkabmashy

من ديوان : زحمة فى الملكوت 
معرض الكتاب 2015


الكلمات : 

يا بحر ساكت ع الحكاوى 
و بتجرح الصمت العميق 
يا بحر عاكس للسما 
واقف على شطك غريق 
سامع غنايا و تبتسم 
و تقولى مالك ؟!
تضغط بموجك ع الوجع 
فأشهق أوى ..
و أرسم جروحى على رمالك 
ألقاك تحن ..
تبعتلى ريح 
تهدينى صبرك المريح 
دا البت زينة 
و الواد مليح 
و الحضن جواهم شفا 
ياللى فى عشقك مسرفة 
ياللى فى شوقك مسرفة 
يا مخلفة ..
جوا الأماكن نبض حى 
وجعك دليل يهتادوا بيه 
و بريق عيونك ألف ضى

يا بحر حىّ _ دينا صادق_منّة كردى

كلمات : رامى وفا 
https://www.facebook.com/ramy.wafa?fref=nf

أداء صوتى : منّة كُردى
https://www.facebook.com/Kawkabmashy

Background : موسيقى بنتين من مصر

الكلمات : 

واحدة زيي تحب ليه ؟
و تحب مين ؟
و إزَّاي تحِب !
و إزَّاي تسلِّم قلبَها المقفول لقَلب 
أهلي لسَّه بيضغطوا .. 
و بيبنوا سور ورا سور 
و انا لسَّه عارفة أشوف النور .. 
و عارفة أشِب 
- سنِّك كِبر 
= حاضِر 
- هتعنِّسي 
= ماشي 
- فيكي العِبَر 
= حاضِر 
- و هتتنِسي 
= ماشي
بتستَهبِلي .. 
شاوريلي على عيب بس فيه 
يخلليكي رافضة تقبلي 
و عمَّالة تجري ورا حلمِك المجنون 
مُستقبَلي !
و مقدَرش أشوف مُستَقبلي 
لمرَّة أولى ف الصالون 
شايفاه زبون .. 
جاي يعاين البضاعة أو يدوقها 
واحدة زيي .. 
عُمرها حتَّى ما خدِّت أبسط حقوقها 
واحدة زيي .. 
كل يوم مرايِتها أتعس م اللي قبله ... 
و كل يوم ببعت رسايل .. 
للي مفروض إنِّي اقابله
واحدة زيي .. 
كفَّها متحَنِّي غُربة 
قلبَها متحَنِّي غربة 
جِسمها بتكره معالمُه 
و اللي آلمُه .. 
فيه خلايق لسَّه عايزين يشتروه .. 
شايفينه حَي و أرض صالحة تبقا تُربة
واحدة زيي 
بطَّلت تسمَع أغاني .. 
بطَّلت تكتِب معاني 
بطَّلِت كل الحاجات 
إلا الأرق 
لسَّه ليها اصحاب زمان 
بس ولا شيء مُشترَك 
بطَّلت بُكا ع الريق
بطلِّت تختار طريق 
سابت الحِلم البريء
و الأهم .. 
بقالها فَترة مبطَّلة تصديق 
أي حاجة .. و كل حاجة 
زي سكران تاه عشان 
ما شرِبش حاجة 
و لسَّه ماشي وسط الناس يقول 
كلُّه ... 
كلُّه كِدب 
واحدة زيي ..
تحب ليه ؟
و تحب مين ؟ 
و إزَّاي تحب !


واحدة زيّى _ رامى وفا _ منّة كُردى

مايكل عادل - فوبيا الأمل

كلمات : شروق نبيل 
https://www.facebook.com/profile.php?id=100001492402355&ref=ts&fref=ts

أداء : خلود إيهاب ومنّة كردى
https://www.facebook.com/505a.koka?ref=ts&fref=ts

https://www.facebook.com/Kawkabmashy

الكلمات : 
ﺧﺎﻳﻔﺔ ﻳﺎﻣَّﻪ ..
ﺯﻱ ﺑﻴﺖ ﻭﺣﺪﺍﻧﻲ ﻭﺍﻗﻒ
ﻭﺳﻂ ﻏﻴﻂ ﺩﺧﺎﻥ ﻭﺿﻠﻤﺔ
ﻭﺳﻂ ﻏﺎﺑﺔ ﻣــِ ﺍﻷﻓﺎﻋﻲ
ﺯﻱ ﺣﻲّ ..
ﺣﻲّ ﻛﺎﻥ ﻣﻠﻴﺎﻥ ﻳﻔﺎﻋـَـﻪ 
ﻋﺠّﺰﻭﺍ ﻣـِ ﺍﻟﻮﺣﺪَﺓ ﻳﺎ ﺃﻣَّﻪ
ﺯﻱ ﺧﻮﻑ ﺍﻟﺒﻨﺖ ﻟﻤّﺎ
ﻋﺮّﻭﺍ ﺭﻭﺣﻬﻢ ﻣــِ ﺍﻟﺮﺟﻮﻟـَﺔ ﻭﺇﺳﺘﺒﺎﺣﻮﺍ ﺭﻭﺣﻬﺎ ﻟَﻤَّﺔ
ﻓﻲ ﺍﻟﻤﻴﺪﺍﻥ ﺍﻟﺰﺣﻤــﺔ ..
ﺧﺎﻳﻔﺔ
ﺯﻱ ﺃﻭﻝ ﻣﺮّﺓ ﺑﻤﺸﻲ
ﺯﻱ ﺃﻭﻝ ﺑﺼّﻪ ﻣﻨّﻪ ﺟﺖ ﻓــِ ﺭﻣﺸﻲ
ﺯﻱ ﻳﻮﻡ ﻣﺎ ﻟﻢّ ﺭﻭﺣﻪ ﻣﻦ ﺿﻠﻮﻋﻲ
ﺣَﻂ ﺃﻭﻝ ﺧﻴﻂ ﻓﻲ ﻧــَﻌﺸﻲ
ﺑﻌﺘﺮﺗﻨﻲ ﺍﻟﻮِﺣﺪﺓ ﻳﺎﻣَّﻪ
ﺯﻱ ﻣـَﻄﺮﺓ ..
ﺑﻌﺘﺮِﺗـﻬﺎ ﺳﺤﺎﺑﺔ ﺳﻤﺮﺍ ﻛﺎﺕ ﻣﺨﺎﺻﻤﺔ ﺳﺤﺎﺑﺔ ﺑﻴﻀﺎ
ﻭ ﺃﻣﺎ ﺟﺖّ ﺗﺼﺎﻟﺤﻬﺎ ﻳﺎﻣّﻪ ..
ﺑﻌﺘﺮَﺗﻨﻲ
ﺯﻱ ﺧﻮﻓﻚ ﻟﻤَﺎ ﻫـَﺪّ ﺍﻟﺤــُﺰﻥ ﻣـَـﺘﻨﻲ
ﻟﻤﺎ ﺷﻮﻓﺘﻲ ﺍﻟﻔـَـﻜﺮﺓ ﻣَﺮّﺓ ﺭﺍﻭﺩَﺗﻨﻲ
ﻋﻦ ﺟﻨﻮﺣﻲ ﻳَﻢ ﻣﻮﺗﻲ
ﻗﻴّﺪﻳﻨﻲ 
ﻗﻴّﺪﻳﻨﻲ إن ﺷﻮﻓﺘﻲ ﺻﻮﺗﻲ ﺗﺎﻧﻲ ﻏــَﻨّﻲ
ﻋﺮّﻓﻴﻨﻲ !
ﻫﻮّ ﻟﻴﻪ ﺍﻟﻠﻪ ﻧﺰﻋﻨﺎ ﻣـِ ﺍﻟﻨﻌﻴﻢ ﻟﻠﻐﺎﺑﺔ ﺩﻳّﺎ
ﺭﻏﻢ ﺇﻥ ﺍﻟﺨــُﻠﺪ ﻋُﻤــﺮﻩ ﻣﺎﻳﻮﻡ ﻏﻮﺍﻙِ
ﺣﺘﻲ ﺃﺑﻮﻳﺎ ﻣﺶ ﻣﻌﺎﻙِ
ﺷﺠﺮﺓ ﺍﻟﺘﻔﺎﺡ 
ﺑﻌﻴﺪﺓ ﻋﻦ ﺩﻳﺎﺭﻧـَﺎ
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..!
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..! ﺭُﺩّﻱ ..!
ﻟﻴﻪ ﺭﻣﺎﻧﺎ ﻭﺳﻂ ﺧــَﻠْﻖ
ﻳﺎﻛﻠﻮﺍ ﻗﻠﺐ ﺍﻟﺤـَﻲّ ﻳﺎﻣّﻪ ..!
ﺧﺎﻳﻔﺔ ﻣﻨﻬﻢ
ﻏﻤّﻲ ﻋﻴﻨﻲ ﺟﻮّﻩ ﺣﻀﻨﻚ
ﺩﺍﺭﻱ ﻛَﺴﺮﺓ ﺿﻬﺮﻱ ﺩﺍرﻱ
ﺇﺳﺘــُﺮﻳﻨﻲ
ﺧﺒّﻲ ﺭﻭﺣﻲ ﻣﻦ ﻛﻼﺑﻬﻢ
ﺩﺛّﺮﻳﻨﻲ
ﺩﺛّﺮﻳﻨﻲ
‫


خايفة يامّة _ منّة كردى _خلود ايهاب

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. كان من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كلمات : احمد النجار
عناء والحان : يحيي نديم 

~~

https://www.facebook.com/hamdy.alghetany

عمدان نور - Gazaga - نص ونص

فيلم تسجيلى .. 
قصيدة بالعامية المصرية .. 

كلمات الشاعر : محمد عبدالله حموده
Fb : https://www.facebook.com/mhmdabdalla774
موسيقى ومكساج : أسامه أشرف الدروانى .. 
fb :https://www.facebook.com/OsamaVO

فيلم تسجيلى - محمد عبدالله حموده

⁦⏹️⁩ ( رَحَّال ) لـ محمد خليفه ⁦⏹️⁩

فُرِجَت يارب 
ومن وسع
كل الحاجات صبحت تمام
مافيش ما يدعو للزعل 
أو للملل
قلبي اللي كان ب يدق مات 
وبقيت عايشها من سكات
والناس كمان
 بقو زي كل المخلوقات
الروح بقت اسمي واخف
والكره جَف 
مبقاش في خوف
وبدأت اشوف
وابعت رسايل مبهجة
لكل من وطأ البسيطة
والليلة سيقاني القصيدة 
اقول كم
يا كل ال عاشقي الوحدة
وب يسمو الونس زيطة
وحابسين اللي حبوّهم
في برواز حلو ع الحيطة
وخايفين من مرار بكرة
ف كرهوا حتي ريحة البن
وجمعوا الذكري ب الذكري
وصنعوا جوا منهم خُن
إلي اللي ب يسمعوا قنديل 
وب يحبوا السهر والليل
ولمّا يتوهوا بيحنّوا 
ف ب يلاقوا  في ذِكره سبيل
إلي اللي عايشها ب يفكر
إليك هذا الكلام ب بلاش
"في حاجات ب تعيش ب الموت أكتر
وحاجات بتموت لمّا بتتعاش"

"فُرجَت يا رب " مصعب عبد النعيم

في الأيام الصعبة وانا شحط
بفتكر الأيام الصعبة وانا عيّل
و بقول عديتهم و انت قليّل
مش هتعديهم دلوقت؟
و لو الأيام غير الأيام..
و الدنيا غير الدنيا..
انتا كمان دلوقتي زمانك واحد تاني..
او واحد تالت
انا بكبر..
و العالم بيقول لي أكبر وانا ساكت
بيقول لي كل ده عادي
و ان انا بكبر ف معادي
و مفيش شيء يستدعي الأزمة
و الحزن الفاضي ملوش لازمة
و بص لغيرك..
حطّيت نفسي ف جزمة غيري
بس لقيتني ف نفس الجزمة
و لقيتني بنفس القلب
و لقيت العالم كله بيجري حواليا من نفس الكلب
و لقيتني ف بحر الخايفين
تايه و وحيد
مش لاحق اراجع مع نفسي انا مين
خايف من بكره و خايف أتغيّر
.....

شعر - مصطفى ابراهيم
صوت - عبدالله رشدان

انا بكبر - مصطفى إبراهيم - بصوتي

في ممر الفئران📖

غنا بيتقال بكذا نوتة

رضا محمد..شايف طشاش

احمد جابر نص  " سامحيني يا أمي "

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

يا بحر حىّ _ دينا صادق_منّة كردى

Menna kordi

Recent comments

hend atia

FdaFeDdOo

Hend Kishta

ŚpĕĈíał Ğïrł-xƥ ĐÖdo

Related tracks