يارب المره دى تقيله و أنا مش حملها خالص فى إيه فـ الدنيا يتعاشله فى مين فـ الخلق يتعاشروا بناقص حُبهم .. ناقص يارب .. أنا عبد جاب أخره معدش أنا فيا شئ حاسس و نِفسِي أنتهي خالص

يوسف حسن <3 احساسه فظيييع

يارب المره دى تقيله و أنا مش حملها خالص فى إيه فـ الدنيا يتعاشله فى مين فـ الخلق يتعاشروا بناقص حُبهم .. ناقص يارب .. أنا عبد جاب أخره معدش أنا فيا شئ حاسس و نِفسِي أنتهي خالص :'(((

ال sound دا بيحكى تفاصيل حياتى بالظبط .. الناقص بس انى فعلا ارتاح زى ما هو ارتاح

منة كردى

خدني في حضنك ضمني لعنيك 
زي م قولت انه الحلاوة مفيش 
من دون ضلوعك لما تحاوطني 
امسك ايديا وعدي بحر و ريف 
عاوزاك معايا في فرحي وفي حزني
وياريت تكونلي بجد خير ونيس 
وانا هبقا مايسة في حبها الدافي 
بتلم شمل العيلة على كفك 
ف تلاقي ضفرك بس كان كافي 
متغيبش تاني عشان غيابك صعب 
وانا لسه ببكي ان غيبت عني في يوم
متغيبش تاني عشان لقاك "الطب"
مليان حلول ل حاجات عمرها م تهون 

خليني اشوفك بس لو تقدر
علشان بدونك زاد الزمن وزنه
بيعدي تقل و قهرة على قلبي 
علشان دقيقته بشهر من حزنه
يرضيك يدغدغ قلبي في غيابك 
من دون م صمغ شفاك يلملمني
قرب عليا عشان تطمني ❤️

من غير مبالغة الحب دا فضيحة 
ولا فيه شفيع ولا حد ينقذنا 
يكفيك تشم من الحبيب ريحة 
فتحس انك شوفت جنتنا 
واتاريك في نار الشوق بتتلوع
ولا حد عارف كيف ياخد بايديك
ودا مش عشان الحل مش موجود
لكن عشان /غير الحبيب والله م بيرضيك 

وانا غصب عني وغصب عنهم دوبت فيك 
طب هعمل ايه 
وانا جوا عينك بشبه المماليك
انت الملك على كل شيء فيا 
انت الوسيلة لغاية وقضية 
وانا نفسي الاقي طريقة لهروبي
وانا كنت ههرب وابقا حر طليق 
طب تعرف انت بس ايه هي !
والله لو تعرفها واعرفها 
ل اسيبها برضه واعيش في قفص البيك 

عصفور وعاشق قلبك المهجور 
حابب قضيبه عشان يدوب منك 
عصفور ولو كان القفص قلبك
هيقص ريشه ويبقى فيه علطول 
معذور حقيقي اللي يعيش حبك
معذور بجد وقلبي مش مغرور
هيقولها عادي برقة انا بحبك
ف بلاش بقسوة تلف بقا وتدور
و ياريت ف اول بس م تشوفني 
تجري عليا تضمني علطول❤️

طمني _ ندى ناجي

كلمات : Abdelrahman Mohamed‎‏‏
www.facebook.com/abdelrahman.mohamed86

أداء : منّة كُردى
www.facebook.com/Kawkabmashy?ref=tn_tnmn

امي
بلاش تبصيلي البصة اياها
و متحضنينيش
حضتنك بقى كما دش ساقع
في عز البرد
وانا مبقتش حمل البرد
امي انا اصبحت زي التراب ع الارض
بتبعتره الاقدام
ومن حبة هوا بيطير
لكنه باقي كما الايام .. كما المشاوير
امي انا كاسرني السؤال
وكاسرني زيف المعاني
امي .. متغنليش
مبقتش حمل الاغاني
صوتك الدافي معادش بيلصم
امي متتضخضيش
من من صفار وشي
وشيب شعري
امي انا مكسور
كما وزن القصيدة في شعري
امي انا تعبان من الوحدة ..
من الزحمة وكتر الناس
و انا قلبي ياما انداس
وياما لم .. من صحبة و اغراب
امي .. انا بس نفسي تفهمي
فرط الحنان بيعلم القسوة
فرط الحنين بيجلب الغربة
بيخلي قلب الواحد كما التربة
بتلم ناس ياما .. وتضم ناس ياما
في حضنها .. لكن رفاة
وااااه يامي ع الوجع
لو تحضني الاموات
اموات يا امي .. يشبهوني تمام
امي .. سبيني انا عايز انام
و بلاش تبصيلي البصة اياها

البصّة إياها _عبد الرحمن محمد _ منّة كُردى

تتجوزيني؟ 
من ديوان ضحكة طالبة التأشيرة 
كلمات : Mostafa Eltelwany
https://www.facebook.com/mostafa.eltelwany.5?hc_location=timeline

https://www.facebook.com/pages/%D9%85%D8%B5%D8%B7%D9%81%D9%89-%D8%A7%D9%84%D8%AA%D9%84%D9%88%D8%A7%D9%86%D9%8A/309842119043025

أداء : منّة كُردى
https://www.facebook.com/Kawkabmashy?ref=tn_tnmn

_ تتجوزيني ؟
 _خايفة تفارق زيهم 
 _طب توعديني ؟
_ الوعد للأحرار وبس
وانا قلبي مربوط بالوجع
يمكن يكون قُربَك ونَس
لكن أكيد بُعدك شقا
خايفة العشم يقلب مقَص
لأي فرصة ف اللُقا
_ لو تحضنيني!
_ مش عايزة آخد ع الدفا
مش عايزة أشرب ضحكتَك
تفضى كاساتي ف غُربتَك
أعطش وملقاش ضمِتَك.
_ لو تسأليني ..! , أصلي بحب الفضفضة, يمكن أغيَر نظرتِك, يلا أنكُشي فيا بضمير, يجوز نغيَر ما مَضى.
_ ازاي تنول ضحكة قبول من بنت خايفة من الوجع, قول لو جدع!
 ............_

تتجوزينى _ مُصطفى التلوانى _ منّة كُردى

كلمات : عمرو أبو زيد 
https://www.facebook.com/amr.a.zeed

من ديوان : نوفمبر شهر ملائم للموت

أداء : منّة كُردى
https://www.facebook.com/Kawkabmashy?ref=tn_tnmn

موسيقى : أنين الناى جلال الدين رومى 

الكلمات : 
يقول واحد من المرضى
لا مش هرضى
ومش ميت
سيبوني لبعد رمضان
أقلّه أموت وأنا مِعيَد
و يخبَط دمعه في الشمبر
مسبب دوشة في العنبر
فيصرخ فيه مريض تاني
بصوت ناصح لكن مكتوم
مافيش ملجأ من المحتوم
صراخك ده مالوش داعي
مادام كشف السفر مختوم
واسمك وقته متقيد
فموت راجل
ده أكرملك
عشان حتى التاريخ يكتب
ده عاش مذلول
ومات سيد
وبعدين هي دي عيشة؟
بذمة أهلك الموتى..
هتخسر ايه؟
هتخسرنا؟
ياعم بلاش تحسرنا
وحق سريرك الدايب
ماهتشوف دنيا غير بالموت
لولاش بس النظام خايب
وأجِل دوري للأخر
ماكنت فضلت فيها حي
ياريت كان دوري هو الجيّ
عشان ياكل شقايا الدود
ياريت الكشف يلمحني
فيمنحني أمل منشود
قوم افرد ضهرك المحني
عشان ماتمُتش غير مشدود
ولو خايف جحيم مثلا
ماهيش فارقة
دي نار ودي نار
وفجأة النُصح صوته يضيع
في صوت عاصف لدق الزار
وييجي اتنين تمارجية
ينادوا الميت المُختار
يجروه لعزرائيل بره
وقبل ما يخرجوا يشاوروا
بإيدتينهم على الناصح
يقولوا تعالى بالمرة
زحامكم أصله مش جيد
فيصرخ لأ ده مش دوري
ومش ميت
طب ألحق حتى رمضان
أقلّه أموت وأنا مِعيّد



أكذوبة الموت والراحة_ منة كُردى_عمرو أبو زيد

كلمات : يوسف حسن محمد 
https://www.facebook.com/Youshas.2014

أداء : منّة كُردى
https://www.facebook.com/Kawkabmashy

موسيقى : موسيقي - قهوة سادة عمار الشريعي
https://soundcloud.com/ahmed-frag-1/dmovwylc5nli
https://www.facebook.com/Kawkabmashlwa7do?ref_type=bookmark


الكلمات : 
كان قافل على نفسه الأوضه
كان خايف يظهر مـ الشباك
كان سايب بابه المتوارب
متوارب ..
ينده لو يحتاج ..
كان شاحب وشه
بلون أصفر
و ركود الدم فـ أطرافه ..
كان أكتر من أخر مره ..
و ملامح وشه تبان عاجزه
من قبل الحادثه دي كان أصغر
قبل أما يقولوا عشان يحيا
لازم هيضحي بأطرافه
أو الإ يموت بفساد فـ الدم ..
و الروح من جسمه هتتبخر
و بنرجع بالمشهد تانى
من داخل أوضته المقفوله
وشه المصفر المتغطي
باللحيه .. و زايد إصراره
ميشوفش الشمس ..
و يكمل عزله و يتأخر
و أما بيجي حد يصحيه
يصرخ و يقول دول قالوا معاق
و معاهم حق ..
لا أنا عارف أبص من الشباك
علشان ملمحش صحابى زمان
أو أشوفهم فى جيمات الكوره
و مشوفش الشمس أما بتطلع
و أفتكر المشي فـ عز الحر
نهجانى في يوم ما أطلع سلم
من تقل الشنطه على ضهري
و وصولي المدرسه متأخر ..
و الضحكه الساكنه فـ الصوره
صبحت صوره ..
و مش أكتر 

قفلت النور على نفسي
قفلت كمان بيبان قلبي
مسحت الذكري فـ خيالى
و قررت الهروب لـ سرير
بقيت قاعد بلوم نفسي
و إنى بحاجه للتخدير
الأقي من آلم رجلى ..
و وجع النظره فـ عيونهم
بإنى خلاص بقيت إسمي
و رسمي بكل تفاصيلي
صبحت - معاق -
و الأقي من وجع قلبي
و كسرة روحي من كربي
طلبت القرب من ربي
لإن أحلامى تقريباً ..
تقريباً ..
بقت موته عشان أرتاح
و مش أكتر ..
و أنا مش قادر أتعايش
ولا هقدر ..
مفيش أصحاب ولا عيله
و حالتى .. تزيدني فـ الشيله
يارب المره دى تقيله
و أنا مش حملها خالص
فى إيه فـ الدنيا يتعاشله
فى مين فـ الخلق يتعاشروا
بناقص حُبهم .. ناقص
يارب .. أنا عبد جاب أخره
معدش أنا فيا شئ حاسس
و نِفسِي أنتهي خالص
ينام من تانى كالعاده
و ضامم ركبته الباقيه
بإيده فى شكل وضع جنين
يحس فـ حضنه بالُآلفه ..
يحس فـ ضمته بحنين
مجاش من حد غير نفسه
ينام .. يقفل عينيه الإتنين
لأول مره من مده ..
بيفتح فيها ضُلف الشيش
و ميخافشي يشوف الشمس
ينام و عيونه مبتبكيش
و بسمه وشه مبتدبلش
ينام .. من تانى إنه يعيش
لكن روحه لفوق تصعد ..
و تعلن إنه راح و معاشش
و تعلن إن عاش مرتاحش
و تعلن إنه مات و إرتاح ..
لأخر مره مكتوبله ..
يشوف فيها ..
اللى كان مـ الشمس
عشان روحه دى كانت طير
و محبوسه ورا الجدران
و أول ما إتوجدله سبيل
طلعله مكان إعاقته جناح
و قرر موته .. بالطيران !


أبعاد الموت _ منّة كُردى_ يوسف حسن

Facebook Profile : https://www.facebook.com/hesham.galal.520

Facebook Page  :
https://www.facebook.com/Hesham.Galal.Poetry

Mixing And digital Mastering : Amr Gowaili

Facebook profile : https://www.facebook.com/AmrGowaili

Original Music SoundTrack By The Music Producer : Adel hakki
__________________
في آخر قاعة الأفراح 
فيه واحد جيّ بيراقب
ماهوش معروف ماهوش معزوم
وعينه جاية بتعاتب
بيبكي الضحك من برة 
ويضحك دمع من جوا
وقلبه بتتقتله ناره 
عشان متبانش آسراره 
فـ يبكي الضحك من برة
ويضحك دمع من جوا 
وتيجي عنيه 
على دبلة في إيد واحد على الكوشة
زمان اتمنى في مكانه يكون هوَ /ومنفعشي
فقرر يمشي نحيتهم .. وعاند خوفه / مرجعشي

وقرّب وأما قرّب خاب
سمع صوت الأغاني سراب 
ومدّ إيديه 
مكان ما أتمنى أنه يكون 
عريسها حاسّه مـ الأحباب و هَمّ عليه
بعد عنه كما المجنون 

وخافت هي مـ الفضحة 
ردور أفعالها مش واضحة
عريسها مال على ودانها 
سألها سؤاله طمّنها 
ده يقرب من طرف عمّك 
قالتله لاااا
ده يظهر حد من دمّك 

بعد عنهم كما المجنون 
رجع مطرح ما كان واقف 
في آخر قاعة الأفراح 
وباين إنه مش معزوم
لأنه بجد كان خايف
وباين أنه ملّو جراح
في آخر قاعة الأفراح

وشافت هي مـ الكوشة
مشاعره وهم بيدوبوا 
فـ يمسح دمعه مـ الخضّة
يشيل مناديله في جيوبه

ويلمس سلسلة فضّة 
زمان ساعت أساميهم 
يحايل قلبه لو يرضى 
يوصي إيده ترميهم 
وقلبه بتقتله ناره 
عشان متبانش آسراره

عنيها وهي في عيونه 
فيه واحد قاعدة بتخونه 
وهي جامبه في الكوشة
وقصة بورد مفروشة
وقصة بحب منهيّة 

في آخر قاعة الأفراح
فيه واحد مات من الغيرة 
ومن حبه اتسمع له آهااات
وحكمة "كل تأخيرة"
مابتصبرش واحد مات

في آخر قاعة الأفراح
فيه واحد 
كان ياريته ما راح .

هشام جلال _ "قاعة الأفراح"

كلمات : رامى وفا 
https://www.facebook.com/ramy.wafa?fref=nf

أداء صوتى : منّة كُردى
https://www.facebook.com/Kawkabmashy

Background : موسيقى بنتين من مصر

الكلمات : 

واحدة زيي تحب ليه ؟
و تحب مين ؟
و إزَّاي تحِب !
و إزَّاي تسلِّم قلبَها المقفول لقَلب 
أهلي لسَّه بيضغطوا .. 
و بيبنوا سور ورا سور 
و انا لسَّه عارفة أشوف النور .. 
و عارفة أشِب 
- سنِّك كِبر 
= حاضِر 
- هتعنِّسي 
= ماشي 
- فيكي العِبَر 
= حاضِر 
- و هتتنِسي 
= ماشي
بتستَهبِلي .. 
شاوريلي على عيب بس فيه 
يخلليكي رافضة تقبلي 
و عمَّالة تجري ورا حلمِك المجنون 
مُستقبَلي !
و مقدَرش أشوف مُستَقبلي 
لمرَّة أولى ف الصالون 
شايفاه زبون .. 
جاي يعاين البضاعة أو يدوقها 
واحدة زيي .. 
عُمرها حتَّى ما خدِّت أبسط حقوقها 
واحدة زيي .. 
كل يوم مرايِتها أتعس م اللي قبله ... 
و كل يوم ببعت رسايل .. 
للي مفروض إنِّي اقابله
واحدة زيي .. 
كفَّها متحَنِّي غُربة 
قلبَها متحَنِّي غربة 
جِسمها بتكره معالمُه 
و اللي آلمُه .. 
فيه خلايق لسَّه عايزين يشتروه .. 
شايفينه حَي و أرض صالحة تبقا تُربة
واحدة زيي 
بطَّلت تسمَع أغاني .. 
بطَّلت تكتِب معاني 
بطَّلِت كل الحاجات 
إلا الأرق 
لسَّه ليها اصحاب زمان 
بس ولا شيء مُشترَك 
بطَّلت بُكا ع الريق
بطلِّت تختار طريق 
سابت الحِلم البريء
و الأهم .. 
بقالها فَترة مبطَّلة تصديق 
أي حاجة .. و كل حاجة 
زي سكران تاه عشان 
ما شرِبش حاجة 
و لسَّه ماشي وسط الناس يقول 
كلُّه ... 
كلُّه كِدب 
واحدة زيي ..
تحب ليه ؟
و تحب مين ؟ 
و إزَّاي تحب !


واحدة زيّى _ رامى وفا _ منّة كُردى

كلمات : يوسف حسن 
https://www.facebook.com/Youshas.2014?ref=ts

أداء صوتى : منّة كُردى
https://www.facebook.com/Kawkabmashy

الكلمات : 
عصفور و غادر رحلة السرب الأخيره .. للسما 
حينها و بس عرِفت .. إن السما سماوات ..
كانت بترسم من دموعها .. ذكريات ..
و الدمعه كانت إبتسامه مُبهمه ..
حتي الرحيل .. 
أسبابه كانت مُبهمه .. 
إنك تغيب و تعود .. 
شئ من طبيعة البشر 
لكن تغيب متعودش .. 
كان شئ جديد و إنتشر ..
ضحكتها كانت قبلها ..
بتدفئ أكتر من شموس زارت نهار الشتا ..
و الدمعه كانت فى الكالوس .. 
بتدُل إن الدفا فى الأصل كان كدبه .. 
و إن اللى ساري فى الوريد من دَم 
مش دمها المعروف ..
الدمع غير مآلوف .. 
و الذكريات و الماضي 
سحبوا اللى باقي من خيوط النور ..
في ضحكتها ..
صوتها اللى كان بيجمِل الغنوه ..
كل الأغاني ساعتها .. نسيتها 
عشقتها وِحدتها .. و نبذها ليه الكل ؟!
كانت ساعتها وحدها بالفِعل ..
رجعت تدوق المُر من تانى هو المُر ..
و الضحكه كانت كإنقطاع الوحي 
الضِحك جوه منها تاني .. لم يمُر ..
و الدمع كان بيفيض .. فى عينيها بإنتظام 
فارقت .. و جوه عيونها باقي الدّمع
و العُمر ضحكه بتتسرق .. 
و السرقه كانت مش حرام ..
بس الحرام .. 
أو فى نظرهم 
كان حرام 
لما شدت حّبل من بين الحيطان و السقف 
و رسمت بطرفه شكل بالونه ..
كل البنات لعبتها بالونه .. 
إلا إنتى كنتي بتلعبي بالموت 
كل البيوت .. ضحكتها .. مسنونه
إلا إنتى كانت ضحكتك .. بتموت
عصفور مهاجر .. مّر وحده فوق كل البيوت .. 
ملمحش فى دنيته غير حّبل كان معقود 
و الحّبل كان عِشه اللى عاش و بناه
كان اعتقاده .. إن اللى جاي حياه ..
و مكنش يعرف إن اللى جاي مفيش 
صوت خّبط كان بشويش ..
مشهد لأوضه مـ السما السابعه 
ضِل عصفور كان بيسكُن حّبل مّرخي بفِعل سقف .. 
و إن هذا الطير أساساً فى فـ بيوتنا منه ألف ..
بس فى الأصل الحقيقه .. 
هي من موتها .. بريئه ..
و إنها مكَنتش طير .. و إنها كانت بشر .. بس روحها كات أخف !


جناحات _ منّة كُردى _ يوسف حسن

كلمات : شروق نبيل 
https://www.facebook.com/profile.php?id=100001492402355&ref=ts&fref=ts

أداء : خلود إيهاب ومنّة كردى
https://www.facebook.com/505a.koka?ref=ts&fref=ts

https://www.facebook.com/Kawkabmashy

الكلمات : 
ﺧﺎﻳﻔﺔ ﻳﺎﻣَّﻪ ..
ﺯﻱ ﺑﻴﺖ ﻭﺣﺪﺍﻧﻲ ﻭﺍﻗﻒ
ﻭﺳﻂ ﻏﻴﻂ ﺩﺧﺎﻥ ﻭﺿﻠﻤﺔ
ﻭﺳﻂ ﻏﺎﺑﺔ ﻣــِ ﺍﻷﻓﺎﻋﻲ
ﺯﻱ ﺣﻲّ ..
ﺣﻲّ ﻛﺎﻥ ﻣﻠﻴﺎﻥ ﻳﻔﺎﻋـَـﻪ 
ﻋﺠّﺰﻭﺍ ﻣـِ ﺍﻟﻮﺣﺪَﺓ ﻳﺎ ﺃﻣَّﻪ
ﺯﻱ ﺧﻮﻑ ﺍﻟﺒﻨﺖ ﻟﻤّﺎ
ﻋﺮّﻭﺍ ﺭﻭﺣﻬﻢ ﻣــِ ﺍﻟﺮﺟﻮﻟـَﺔ ﻭﺇﺳﺘﺒﺎﺣﻮﺍ ﺭﻭﺣﻬﺎ ﻟَﻤَّﺔ
ﻓﻲ ﺍﻟﻤﻴﺪﺍﻥ ﺍﻟﺰﺣﻤــﺔ ..
ﺧﺎﻳﻔﺔ
ﺯﻱ ﺃﻭﻝ ﻣﺮّﺓ ﺑﻤﺸﻲ
ﺯﻱ ﺃﻭﻝ ﺑﺼّﻪ ﻣﻨّﻪ ﺟﺖ ﻓــِ ﺭﻣﺸﻲ
ﺯﻱ ﻳﻮﻡ ﻣﺎ ﻟﻢّ ﺭﻭﺣﻪ ﻣﻦ ﺿﻠﻮﻋﻲ
ﺣَﻂ ﺃﻭﻝ ﺧﻴﻂ ﻓﻲ ﻧــَﻌﺸﻲ
ﺑﻌﺘﺮﺗﻨﻲ ﺍﻟﻮِﺣﺪﺓ ﻳﺎﻣَّﻪ
ﺯﻱ ﻣـَﻄﺮﺓ ..
ﺑﻌﺘﺮِﺗـﻬﺎ ﺳﺤﺎﺑﺔ ﺳﻤﺮﺍ ﻛﺎﺕ ﻣﺨﺎﺻﻤﺔ ﺳﺤﺎﺑﺔ ﺑﻴﻀﺎ
ﻭ ﺃﻣﺎ ﺟﺖّ ﺗﺼﺎﻟﺤﻬﺎ ﻳﺎﻣّﻪ ..
ﺑﻌﺘﺮَﺗﻨﻲ
ﺯﻱ ﺧﻮﻓﻚ ﻟﻤَﺎ ﻫـَﺪّ ﺍﻟﺤــُﺰﻥ ﻣـَـﺘﻨﻲ
ﻟﻤﺎ ﺷﻮﻓﺘﻲ ﺍﻟﻔـَـﻜﺮﺓ ﻣَﺮّﺓ ﺭﺍﻭﺩَﺗﻨﻲ
ﻋﻦ ﺟﻨﻮﺣﻲ ﻳَﻢ ﻣﻮﺗﻲ
ﻗﻴّﺪﻳﻨﻲ 
ﻗﻴّﺪﻳﻨﻲ إن ﺷﻮﻓﺘﻲ ﺻﻮﺗﻲ ﺗﺎﻧﻲ ﻏــَﻨّﻲ
ﻋﺮّﻓﻴﻨﻲ !
ﻫﻮّ ﻟﻴﻪ ﺍﻟﻠﻪ ﻧﺰﻋﻨﺎ ﻣـِ ﺍﻟﻨﻌﻴﻢ ﻟﻠﻐﺎﺑﺔ ﺩﻳّﺎ
ﺭﻏﻢ ﺇﻥ ﺍﻟﺨــُﻠﺪ ﻋُﻤــﺮﻩ ﻣﺎﻳﻮﻡ ﻏﻮﺍﻙِ
ﺣﺘﻲ ﺃﺑﻮﻳﺎ ﻣﺶ ﻣﻌﺎﻙِ
ﺷﺠﺮﺓ ﺍﻟﺘﻔﺎﺡ 
ﺑﻌﻴﺪﺓ ﻋﻦ ﺩﻳﺎﺭﻧـَﺎ
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..!
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..! ﺭُﺩّﻱ ..!
ﻟﻴﻪ ﺭﻣﺎﻧﺎ ﻭﺳﻂ ﺧــَﻠْﻖ
ﻳﺎﻛﻠﻮﺍ ﻗﻠﺐ ﺍﻟﺤـَﻲّ ﻳﺎﻣّﻪ ..!
ﺧﺎﻳﻔﺔ ﻣﻨﻬﻢ
ﻏﻤّﻲ ﻋﻴﻨﻲ ﺟﻮّﻩ ﺣﻀﻨﻚ
ﺩﺍﺭﻱ ﻛَﺴﺮﺓ ﺿﻬﺮﻱ ﺩﺍرﻱ
ﺇﺳﺘــُﺮﻳﻨﻲ
ﺧﺒّﻲ ﺭﻭﺣﻲ ﻣﻦ ﻛﻼﺑﻬﻢ
ﺩﺛّﺮﻳﻨﻲ
ﺩﺛّﺮﻳﻨﻲ
‫


خايفة يامّة _ منّة كردى _خلود ايهاب

بتحب البحر ؟
جداً بدليل
بعتبرٌه كمانجة و حضن بديل
او كرسي في صندوق السيما
او قيمه في دنيا مابتوافيش واحد قيمته

بتحب الحزن ؟
انا مابحبوش ؛ بس فهمتُه

أولجــه قصيده للشاعر ( أحمد إبراهيم )

مغرم... من حفل ساقية الصاوي

⁦⏹️⁩ ( رَحَّال ) لـ محمد خليفه ⁦⏹️⁩

قصيدة " إيجار قديم " من ديوان " فاطمه " للشاعر " أحمد فرج

https://www.facebook.com/ahmetfarag

أداء وهندسه صوتيه : منه كردي

https://www.facebook.com/mennakordii

إيجار قديم _ منه كردي _أحمد فرج


مشاهدة كليب اهوى بلدي

http://www.youtube.com/watch?v=wohkVPre5Vc

قهوة بلدي...هايدي mp3

هو انت فعلا شوفتها ؟؟
كلمتها ؟؟

لسه بردو كلامها هادي 
زي بحر بموج حنيّن
لما تحزن تبقي عادي
و صعب جدا لو تبيّن
 طب هي عرفت اني كاتب
فيها ييجي الف غنوة؟

 لسه حلوة؟؟

لسه بردو عيونها واسعه
شايله هم وامنيات؟
عين تمللي لبكره تسعي
عين تفكر ف اللي فات 
لسه نفس السماعات
شايله صوت فيروز معاها؟
لسه بتدندن وراها 
اعطني الناي و غني

طب حكيتلك حاجه عني؟؟

انها مثلا نسيتني
او في حلم تكون شافتني
كنت جاي مريض بشوقها
نظرة منها قوام شفتني 
لسه بتحب الكمانجه؟؟
لسه بتفكرها بيا؟؟
لما تحكي لعود بيحلم
يبقي صولو السيمفونية

تسريحتها هي هي؟

لسه بتداري بايديها
ضحكه طالعه بصوت عفيف  ؟
لسه بتمد الخطاوي
وتمشي أأمن ع الرصيف ؟

لسه  بتحب الخريف ؟؟

لسه الجرح الساكن فيها
بيخليها
تفضل شارده ف وسط اللمه
لسه عيونها بتضحك لما
تسمع اسمي و تسرح فيه

ساكت ليه؟

رد و قوللي قالتلك ايه؟

كلمة قالتها عليا تخلي 
قلبي الميت يصبح حي
رد عليا بكل هدوء

قاللي فرحها السبت الجاي

#هاني_خليفة

لسة حلوة - هاني خليفة من حفل ساقية الصاوي أكتوبر ٢٠١٩

قصيدة قبل الفيضان كتابة وأداء علي أحمد

تسجيل وهندسة صوتية || مصطفي وليد

قبل الفيضان || علي أحمد

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

أبعاد الموت _ منّة كُردى_ يوسف حسن

Menna kordi

Recent comments

hend atia

ᗰᗩᒪᗩK ఌ♥️👑

Ěmăŋ Âhmëđ

Basem Gomaa Darbala

Related tracks