Prod. By @abuali_5hunna

Lyrics: يوماً ما .. ما رح إستاء ع دم الأفاعي بس قص عشب الفناء ما رح إرثي العقارب بس وقّف الوقت ذوّب الزمن حط الكحل ع عين الشمس أوقف ع خيالن داء،
يوماً ما .. مافي سبب بعد لحفر القبور  خبّي الكفن شم عطر العفن أطمر شرور عجبيني ميّة ذهب ماني سائل مدد كامش زرد جنون مروّض التعب،
يوماً ما بتشوف إسمي بأول السطر بتزور جسمي بالصخر  منحوت وجهي عالقمر يذوب بزقي بالمطر تموت تبكي من القهر و الإيد بمدّا إلك و عروقي لعيونك بصر،
وعد رح تنكتب كلماتي بالكتب كالآتي من السابق بتسابق لجامع السحب و تنحكى حكاية كفاحي من القطب للقطب كيد النذل و الوغد الواشي و بارز الشهب،
يوماً ما رح كون حاكم القاضي إزرع حكمة بستان لعقل إنسان راضي و تشهد مخطوطاتي على الرف القارّي بالمكتبة بين كتب نزار جبران و إيليا أبو ماضي،
يوماً ما رح شوف بعيون الفراشة و الروح تسبح بالكون و ما تفهم عليي الشرنقة العقل للقلب شاشة و الإيد ما رح تكون عم تهد حيطان المتاهة بشاكوش و مطرقة،
يوماً ما رح تركع تحت صباطي وقتا رح ذكرك بالخياسة و قديشك كنت واطي ما رح رد الخساسة بالنجاسة لو كنت عاطي حالك الأهمّيّة بإنّك تسحب احتياطي،
الجار المسدس بالجرار أو الحضن بالوزار مش لرد الإعتبار بس لما الوضع مناسب لتوجّهلي إعتذار رح يحكي ب١٦ بار لتحس بالإحتقار،
ما عاد ينزف القلم إضغط ع جرحه .. ما مات اللي عم يرعف ليبني صرحه .. معات قرينة العقل تحمي النفس لو ما الأمس بيخزّق الحلم و الزمن بيصلّحه،
رح كوّن كون و كون النجوم تسبح بعيون ألماس و لؤلؤ بين الجفون بالبؤبؤ و الوقت يبطؤ الروس تطؤطؤ و تصوم بس تسمع ألبوم زئبق و يمون صوتي ع نبضك .. الهموم بالماضي تغرق و يصون خطايي الزنبق عالمي إمشي و الأزرق مدهون عالحيط مورّق الغصون فيّي بس إعرق أحصد العتوم إصعد بالثمر كون للحكمة جوسق،
صك البصمة صب السر بصحوة صلّح سرج و صهوة 
صرلي صوّر سردة بسوّي سروة جبل صلّي بخلوة،
بس يتبدّل الوقت يتدبّل الوقد بنار الثار و جدّل المقت عدّل الضّغط بإطار غار قدّر الرفض و النقض خاتم الخيمياء خادم الزاي همزء باء قاف بالحق يوماً ما ..

زئبق x فولكينو - يوماً ما (Prod. By AbuAli)

XYZA بالعربي
يعني هيك شي ..

زئبق x فولكينو - يوماً ما (Prod. By AbuAli)

Mercury - زئبق