لكل ديئة انفراج مهما الزمان هاج و ماج
شكرا لمن آد سراج
اذا الضلام ساد و راج
لكل منصف امين وئف مع المظلومين
نوروه على جبنا تاج
و لكل ديئة انفراج
لما دع الداعي زمان للسكون مدعاش لتعرية لتعرية صدور او فخود
لكن دعى للعلم و العئل نور و الحء و الحرية غير لعوجاج
و لكل ديئة انفراج
لكل ديئة انفراج مهما الزمان هاج و ماج
شكرا لمن آد سراج
اذا الضلام ساد و راج
لكل منصف امين وئف مع المظلومين
نوروه على جبنا تاج
و لكل ديئة انفراج
ياه عالجمال يارجال لما يزينه الكمال
شيلوا الحجاب عن عئولنا دا الجهل فاء لاحتمال
ياه عالجمال يارجال لما يزينه الكمال
شيلوا الحجاب عن عئولنا دا الجهل فاء لاحتمال
البكر و الكفر فئر
و الفئر نئص الخيال
و الفكر دا نئص روح مش نئص مال واحتياج ولكل ديئة انفراج

تتر مسلسل قاسم امين

اغانى فيلم غرام فى الكرنك

كلمات: عبد الفتاح مصطفى
ألحان: محمد الموجي
إنتاج عام 1960

03- ورق الشجر

مصر التى فى خاطرى - ام كلثوم

الجيل الصاعد

تتر بداية مسلسل | عائلة الأستاذ شلش

كلمات: صلاح جاهين
ألحان: سيد مكاوي
**********************


قبة سيدنا الولي دول نوّروها
ما أحلى البيارق والناس بيزروها
قبة سيدنا الولي .. والقهوة عالية
ما احلى البيارق لما دوّروها

بتاع الحمص يقول :
حمص حمص تل ما ينقص عالنار يرقص
حمص حمص تل ما ينقص عالنار يرقص
حمص حمص تل ما ينقص عالنار يرقص
يرقص يرقص ويقول .. الي شاف حمّص ولا كلش
حب وأتلوع ولا ولا طلشي

تضحك الفتاة .. :
وتقول
يسترك هات حبة بقرش
يضحك الشباب
ها .. ها .. ها
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى .. أسعى
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى .. أسعى

مصوّراتي يقول :
خدلك صورة ستة في تسعة
أسعى .. أسعى .. أسعى .. أسعى
خدلك صورة ستة في تسعة
يا سي عجورة النار خسعة

رجال وبائعين في المولد يقولون :
الله .. الله .. الله
عجمية .. باللوز .
الله .. الله .. الله
طعمية .. أراجوز
الله .. الله .. الله .. الله .. الله .. الله

الاراجوز يقول ومعه الاطفال :
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر
دول فلاحين ودول صاعدية
دول من البلد ودول رشايدة

حوار بين الاراجوز والعمدة
العمدة : يا حضرة الاراجوز قولي
الاراجوز : نعم يا عمدة عاوز ايه
العمدة : منين يروحو المتولي
الاراجوز : فتح يا اخينا وصلي عليه
العمدة : صلى اللهم صلي عليه
الاراجوز : تمشي كده على طول على طول لحد ما تلاقي عمارة
العمدة : لحد ما الاقي عمارة
الاراجوز : تكسر يمين تلقى بتاع فول دكانته على ناصية حارة
العمدة : دكانته على ناصية حارة
الاراجوز : تدخل يمينك وشمالك شارعين وفي التالت تكسر
العمدة : شارعين وفي التالت أكسر
الاراجوز : على اليمين واخد بالك .. وتمشي على طول تتمخطر
العمدة : وأمشي على طول واتمخطر
الاراجوز : تفضل كده تمشي وتلف .. وتخش من مطرح ما طلعت
العمدة : وأخش من مطرح ما طلعت
الاراجوز : ولما تلقى مقلة لب .. تعرف بأنك تهت وضعت
العمدة : ااهاا دي وصفة سهلة ..
الاراجوز : سهلة اوي
العمدة : ودي وصفة هايلة
الاراجوز : مع السلامة .. مع السلامة .. مع السلامة يا ابو عمة مايلة
الاطفال : مع السلامة يا ابو عمة مايلة .. مع السلامة يا ابو عمة مايلة
رجل يدعو الشباب للتصويب ببندقية في المولد يقول :
فتّح عينك تاكل ملبن
فينك فينك .. تاكل ملبن
فتّح عينك تاكل ملبن
فينك فينك .. تاكل ملبن
أوعى لجيبك للعيب عيبك
قرّب .. جرّب .. نشّن
وسطن ايدك .. وسطن
أضرب ..
ضرب أحد الشباب بالبندقية .. واصاب الهدف .. فقال له صاحب البندقية :
يحميك يا ابني تبقى غالبني
قرّب خدلك حتة ملبن
قرّب خدلك حتة ملبن
قرّب خدلك حتة ملبن

رجل يبيع العاب للأطفال يقول :
فوريرة للعيل
يا ابو العيال ميّل
خدلك سبع فرارير
زمّارة شخليلة
عصفورة يا حليلة
طراطير يا واد طراطير
طراطير يا واد طراطير
طراطير .. طراطير طراطير طراطير
طراطير .. طراطير طراطير طراطير

في السيرك رجل يقول :

الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد
الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد قولو هيه
هيه .. هيه .. هيه
في السيرك شجيع يهجم على السبع ويركب دغري عليه قولو هيه ..
هيه هيه هيه
وبنات قمرات زي الشربات حلوين مش عارف ليه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
رجل يستعرض عضلاته في السيرك .. او ربما في ركن اخر على أرض المولد يقول :
أنا شجيع السيما
أبو شنب بريمة
أنا شجيع السيما
أبو شنب بريمة
أول ما اقول علي هب
واصرخ لي صرخة
ها .. ها .. ها
السبع يتكهرب ويبقى فرخة
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
تصقيفة يا ناس ميصحش

الاسد وصل .. ويقول الرجل :

أهو جه أهو جه .. تصقيفة بقى
أهو جه أهو جه .. تصقيفة بقى
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
فرقة موسيقية عابرة .. يقول رجل فيها :
دقي يا مزيكا

واحد واقف بشوية أكل .. سمك .. منبار .. فشة في المولد يقول :
السمك مقلي .. كل وبرقلي
صنف زي الفل
استخار واختار
فشة أو منبار
يلا يلا سمي وكل
يلا يلا سمي وكل
يلا يلا سمي وكل
يلا يلا سمي وكل

فتاة تغني وتدعو الأمهات ليباركن أولادهن وتقول :
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات

بالذمة ده سابع عيّل مزفوف من وقت قليل
مولد شلاه يا معلم .. عقبال أولادك

عالقهوة

رجل القهوة يقول :

واحد مظبوط واتنين مصري
عالنار حاضر جايلك دغري

فنان يغني على القهوة ويقول :

مساء التماسي .. مساء التماسي
يا ورد قاعد على الكراسي
مسى التماسي .. مسى التماسي
يا ورد قاعد على الكراسي

رجل جالس على القهوة يقول :
هات شاي يا دقدق ..

دقدق رجل القهوة يقول :
عيني وراسي
سمعنا يا ريس حنتيرة
للصبح معاك السهيرة

الجالسون على القهوة يقولون :

سمعنا .. سمعنا .. سمعنا .. سمعنا

الريس حنتيرة يغني ويقول :

يا غزال .. يا غزال العشق حلال دوبتني دوب خلتني خيال خيال
يا غزال .. يا غزال العشق حلال دوبتني دوب خلتني خيال خيال
يااااااه .. يا شفتك فص فراولة .. ولا لا قوة ولا حول
دوبتني قلبي على لولاه .. يا غزال العشق حلال
يـــــــــــــــــــــا ليل
يــــــــــــــــــــــــا ليل
يارب يا عالم بالحال .. تهدي حبيبي ويصبح عال
يارب يا عالم بالحال .. تهدي حبيبي ويصبح عال
واغني وارقع بالموال .. واقول يا غزال يا غزال
يـــــــــــــــــا ليل

صاحب القهوة يقول بغضب :
وقّف يا ريس حنتيرة
فيه ناس هنا قاعدة كتيرة
ولا حد قال هات تعميرة ولا واحد شاي
اه .. الي حيطلب راح يقعد ولا ما يطلبش يبعد
رجل جالس على القهوة يخرج بسبب ما قاله صاحب القهوة ويقول :

يلا بينا نخرج يا مسعد شارع التورماي

يكمل الريس حنتيرة غنائه ويقول :
يــــــــــــا ليل .. يـــــــــــــــــا ليل
يا غزال يا غزال العشق حلال دوبتني دوب خلتني خيال خيال
يا غزال يا غزال العشق حلال دوبتني دوب خلتني خيال خيال

صاحب لعبة لأظهار القوة يقول :

ورينا القوة .. يا ابني انت وهو
مين عنده مروّه وعاملي فتوة
يقدر بقادرة على زق الطارة .. ويفرقع بومة
رجل وقع في القخ واعلن عن دخوله للعبة وقال :
وسع .. وسع .. وسع
أنا أزق الطارة وأضرب مية بومة
ده أنا اللسطة عمارة من ضرب شاكما
صيتي من القلعة للقلعة للسوق تلالة
أنا واخد السمعة

صاحب اللعبة يقول :
طيب يلا تعالى

الرجل :
لا يا عم سعيدة
دي البدلة جديدة

صاحب اللعبة بتهكم :
هأ هأ هأ سعيدة يا ابو بدلة جديدة
الاطفال يقولون ايضا بتهكم :

هأ هأ هأ سعيدة يا ابو بدلة جديدة

الرجل الذي ترك القهوة السابقة فارا من كلام صاحبها يقول وقد وجد قهوة اخرى ومعه صديقه مسعد :

إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
أدي كمان قهوة .. يلا بينا يا مسعد .. ندخل على سهوة .. ايوة على سهوة

ودخلو القهوة .. وكانت هناك من تغني وتقول :
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

الرجال في القهوة يرددون :
يا حلاوة .. يا حلاوة .. يا حلاوة
هوى العصاري
على سطح جاري
هوى العصاري
على سطح جاري
خدني ورماني رماني عليك ولا انت داري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي
آآه يا ناري .. يا ناري
منك يا جاري
آآه يا ناري .. يا ناري
منك يا جاري
خني ورماني .. رماني عليك هوى العصاري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

صاحب القهوة الجديدة .. يؤكد على الموجودين .. ويقول كصاحب القهوة السابقة :
ماشي .. ماشي .. ماشي كلامك آه
الي حيطلب راح يقعد
والي ميطلبش يبعد

الرجل يقول لصاحبه مسعد :
يلا بينا نخرج يا مسعد شارع التورماي
اتنين في المولد اكتشفو وجود اقارب لهم من نفس بلدتهم يقول احدهم :
ناس من بلدنا هناك اهم
روح يا ابراهيم اندهلهم
سلامات .. سلامات .. سلامات على البلديات

منشدين دينيين يقول واحد منهم :
ليلتكم أنس وجلجلة .. جلجلة .. جلجلة ..
أنشد ولعلع يا ولة .. يا ولة .. يا ولة
شفت في منام صاحب المقام .. ده اوبه .. أوبه .. اوبه
ويمامة حايمة عليه تسبح ربها ..
يا نور النبي .. يا نور النبي .. يا نور النبي
ميّلت فوق
صحوني من النوم .. خدت بعضي وتني جدت
وبعودة .. وبعودة

أمراة تبحث عن طفلتها التي تاهت في المولد وتقول :

يا أولاد الحلال .. بنتي تايهة طول كده
رجلها الشمال فيها خلخال زي ده
رجل يقول :
زحمة يا ولداه .. كام عيّل تاه
ونردد في النهاية ونقول أن المولد هو <<
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر

والنهاية آذان الفجر والصلاة ويقول المؤذن :

الله أكبر الله أكبر .. الله أكبر الله أكبر




أوبريت الليلة الكبيرة كاملاً

مونولوج السعادة - اسماعيل يس

حتي انت يازينهم ياسلحدار
تطلع منهم واطلع انا حمار
وانا قاعد اجيبلك اشي تفاح واشي عدس وفول مدشوش وخيار

ايه المجنون ده بيقول ايه؟
ماتلم الواد ياعاصم بيه
اتلم ياسيد مالك بيه
ده ولد شغال سافل وسفيه

سيد : سيب ايدي 
سيب ايدي ياخلق تعل تشل
والله لادشدشكو فشل فشل
قاعدين تتكلمو  في الملايين يانا يانتو هنا بقي ياولاد ال 
مناشير
مناشير طالعين نازلين واكلين
عمارات
عمارات دولارات فدادين بساتين
واحنا الملايين محناش لاقيين 
ملاينكم دي جبتوها منين ؟؟

شايفة يادرية يااوختي الغل
اهو دي الحقد الطبقي ياما شير
كان جو الحفلة كئيب ومملل 
كده في تغيير في الاتموسفير

ملاينكم دي خربت بيتنا ووصلنا لسكة مسدودة
وتاجرتو في قوتنا ومحنتنا وبعتونا في اسواقكو السودا
زودتوا ديونا في بوتيكاتكو
وطفحتو علينا بمجاريكو
وصرفتوا شقانا في حفلاتكم
بهدوم لابسينها تعريكو

لأ دي مؤامرة ميه الميه
لأ ده مجرد مجنون سكران
او نو سي ترو

ايه ياوليه؟؟

ابعدوا عنه ده ولد سعران

ماانتو اللي سعرتونا ياهباب 
خليتو حياتنا عذاب في عذاب 
واحد منكم خد شقة عمري
والتاني شقة لقيتها تراب

تستاهل ده مكان أمثالك 
هتعيش وتموت تحت الرجلين

لو أطولك هقطع سلسالك

وقع الاراجوز هاتو السكين

آه ياحرامية آه يالصوص 
ياللي سرقتو حياتنا ياوحوش 
من فقري ومن دمي المصوص 
بتربوا كروش وقروش وعروش

لآ ده زودها ارموه برا

اللي يقرب مني هالوشوه

كيل ياسكوندال 

هفتح كرشك

حد يحوشوه 

كلمات: سيد حجاب
 لحن: عمار الشريعى

حتي أنت يا زينهم يا سلحدار - عادل امام - مسرحية الواد سيد الشغال

‎⁨احلف بسماها ⁩

تتر بكيزة و زغلول
بكيزه وزغلول
:D
by المذكور أعلاه

تتر بكيزة و زغلول :D - سهير البابلي و إسعاد يونس

Music lover lives in peace / Almost all Music genres!
محب للموسيقى وأعيش في سلام / ستجد هنا كل أنواع الموسيقى تقريباً

03- ورق الشجر

Mohamed Fawzy

Related tracks