تفتكروا رمضان دلوقتي ولا رمضان زمان ؟ 
تفتكروا بيحصل ايه دلوقتي مخلي رمضان بقي بيجري مننا كده و هل دا مجرد احساس وبس ولا ايه ؟
تعالوا نتكلم في رمضان شوية و نتفاهم في الحاجات دي... يلا بينا ! 

1.5 رمضانيات

عارف الناس الغتتة اللي بتبقي عايزة تعرف كل حاجة عن حياتك ؟ الفضوليين دول اه 
و الناس ال بتبقي بتسأل عن حاجات ماتخصهاش او بيتدخلوا في حاجة مالهمش فيها ؟
اهي الناس دي بقي هنتكلم عنهم في الحلقة دي ،، لو تعرف حد كده ابعتله الحلقة بقي يسمعها و يارب يحس علي دمه 

1.6 الخصوصية

عشان عيد الام و عشان الهدايا و الحوارات و الافكار الكتير قررت اتكلم معاكم في ايه بيضايقني في موضوع الهدايا دا و اتمني ماكنش لوحدي ال بحس بكده 
اسمعوا الحلقة و قولولي رأيكم و يارب تعجبكم 
و كده كده كل سنة و كل امهاتنا بخير و طيبين و حلوين ❤️

1.7 الهدايا

قبل كل عيد لازم و احنا بنظبط الجدول بتاع العيد تلاقي شخصيات مستفزة بتخرجك عن شعورك و لازم تلاقيهم بيطلعوا بحجج و اعذار واهية في كل مرة عشان يخلعوا من شيفتات معينة ، تعالوا نغسل الناس دي بقى و نتكلم عنهم و كمان هنتكلم عن التجمعات العائلية و تجمعات الصحاب 
يلا بينا بقي ولا ايه ؟

1.8 العيد فرحة

أمنك و أمانك في الشارع و في اي مكان دا شئ مهم جداً جداً 
كلنا لازم ناخد بالنا من نفسنا و من حياتنا و حياة الناس ال حوالينا و عشان كده اتكلمنا عن الحاجات دي في الحلقة دي و ماتنسوش تقولولنا رأيكم

1.9 الأمان

الإزعاج و الصوت العالي من اكتر الحاجات المقرفة حوالين ناس كتير مننا 
عايزين حل للمشكلة دي لان الواحد خلاص زهق و جاب اخره 
هنتكلم في الحلقة دي عن شوية حاجات فيهم كده و نشوف حل ليها سوا 
يلا بينا ولا ايه ؟

1.10 الإزعاج

جودة الأكل دي حاجة مهمة اوي لصحتنا و لحياتنا عموماً 
تفتكر المطاعم ال بتقفل كل شوية بسبب اشتراطات صحية او سلامة دول المفروض كانوا يقفلوا من زمان ولا ايه ؟ 
هنتكلم في الحلقة دي عن جودة الأكل و قد ايه هو مهم و لو الاكل وحش ممكن يتسبب في امراض ازاي
ربنا يعافينا جميعاً بس تعالوا يلا بينا نسمع الحلقة و نشوف هنتكلم في ايه

1.11 جودة الأكل

هو رأيك مهم في حاجة ؟ ماتفهمنيش غلط انا مش بقولك ان رأيك مايهمنيش يعني 
لا انا اقصد رأيك في المنتجات او الخدمة ال بتتقدملك مقابل فلوس بتدفعها دا يهم ولا مايهمش ؟
لو انت فاكره مش مهم ف تعالي اقولك انك غلطان و لازم تسمع الحلقة عشان تعرف يهم في ايه 
و لو انت فاكره مهم ف جدع ربنا يكرمك و اسمع الحلقة و قولنا كلامنا صح ولا لا 
يلا بينا ؟!

1.12 الآراء

هو الرزق فلوس بس ؟
طب لو فلوس بس هو الرزق دا بيجي منين يعني ؟ 
طب و ليه في ناس فاكرة ان حد ممكن يمنع عن حد تاني رزقه ؟ 
خلينا نشوف في الحلقة دي و نتكلم عن مصطلح الرزق من منظور مختلف و نعرف هو بيتضمن ايه 
يلا بينا ! 

1.13 الرزق

العطاء كلمة بسيطة لكن تأثيرها كبير
 كلمة كلنا محتاجين نفهمها ونجربها ونعيشها
هل العطاء دايماً لازم يكون مادي؟ ولا ممكن يكون كلمة طيبة؟ ولا حتى وقت بنقضيه مع حد محتاج يسمعنا؟
في الحلقة دي، هنحاول نفهم معنى العطاء الحقيقي، ليه بعض الناس بتحس بالراحة والسعادة لما بتدي، وازاي ممكن العطاء يكون طريق لتغيير حياتنا وحياة اللي حوالينا
يلا بينا ؟!

1.5 رمضانيات

نص الليل