ترنيمة: أتبع يسوعي
كلمات ولحن: مايكل إسحاق

1
دا قرارك ودا اختيارك
إنك تطيعه وتسمع لصوته
لازم تفكَّر علشان تقرر 
لو عايز تبقى واحد مِن ملكوته
تبقى حَبيبُه وتشيل صَليبُه
وتعلِّي صوتك وتهتف معانا:

قرار
أتبع يسوعي... أتبع حبيبي
اللي فداني وضحَّى بدماه
هافضل معاه كل الحياة
هامشي وراه واعيش في رضاه

2
يمكن مرات تحصل ضيقات
جايز تعدي ف صعاب كتير
امشي في النور ها تعيش مسرور 
اطمِّن جدًا معاك الرب قدير
امسك في إيده اوعى تسيبه
وعلِّي صوتك واِهتف معانا:

3
فكَّر في حالك وخلِّي بالك
ما تكونش ماشي معاه من بعيد
خلِّي كلامك يعلن إيمانك
وتعيش بقداسة وأمانة وحُب شديد
في السماوات فيه مكافآت
فعلِّي صوتك واهتف معانا:

لمشاهدة الترنيمة على الفيس بوك:
https://fb.watch/sbuXErY4Mh/

لمشاهدة الترنيمة على اليوتيوب:
https://youtu.be/W5BZVFotjg4?si=gJ_6VXAVQU6VRMgp

أتبع يسوعي || دا قرارك || ترنيمة مدارس الأحد لصيف 2024

Michael Eshak