"ليله فـ يناير" كلمات مصطفى ناصر .. اداء صوتي / سمر محسن

عمرو حسن - فلامنكو Amr Hassan - flamanco.mp3

صوت : محمد سعد
قصيدة " المُستبدة 

كُل ما فى الأمر هى 
لِسة حاجزة جُزء فيا 
جُزء مِش هيساع سواها 
أو عشان أكون صريح 
سابنى قَلبى وراح معاها ....

المستبدة _ الشاعر محمد سعد

عمرو حسن المسرحية لاول مرة

Amr Hassan  Hepta - عمرو حسن  هيبتا

عمرو حسن - المسرحية / Amr Hassan - El Masra7eya

Mkantsh Mogarrad Omnia | مكانتش مجرد أمنيه

الزهايمر - عمر حسن حفلة الساقية 2017

ربك والحق
انا حابب أولّع عود كبريت واحدفه بالقصد على العالم
واقعد ف مكان عارفه لوحدي 
انا وامي وحبه من صحابي
اتأمل في المشهد واضحك 
وكإن النار عرض اضاءة 
اتخابث واضحك ببراءة 
واتفرج على كل مشاكلي وهي بتخلص 
والحفره اللي ف روحي بتنقص 
وارجع بني ادم من تاني 
لكن يزعجني يموت فني أسانسير 
كان جاي يصلح عطل قديم من غير أجره 
يزعجني يموت عاشق فجأة 
من غير ما يصرّح لحبيبته بأي مفاجأة 
وينتهي أمره وهو مجرد واحد شغال وياها ف شيفت 
أو جار بيغمض بسذاجة ساعة مايشوفها على السلم 
هاحزن على أوضة مزيكا ف مدرسة ثانوي 
على قطة بتتبع خطواتي ف شارع متفرع من روحي 
هاحزن على فرحي على جروحي 
وعلى بنت بتضحك لو ضلي فات على ضلها من غير ما اقصد 
هاحزن ع الوحده اللي لقيتها ف سن العشرين 
ومشيت وياها سنين بسنين 
الوحده اللي انا سميتها وفاء عبد الدايم 
وماكنتش بلقى صديق غيرها أوقات الكرب 
لكن والحرب !
ماقصدش الحرب ام السلاحين 
لكن قصدي الحرب التانيه 
حرب البني ادم والدنيا 
اتخيل كده واحد زيي ف سن التلاتين 
شاف حرب خليج أول تسعين 
والسينما هي بتتسلم للتجاريين 
والموضه طلوع م الشارلستون ولحد هدوم الفضائيين 
ووقوع برجين
وحضور ثورة ف وسط الملايين 
واحد شاف روسيا بتتحول 
تابع أمريكا بتتسول وبتدخل حرب البنزين 
والقوة العظمى وهي بتبقى ف ايد الصين 
واكتشف ان الكون الخالي من البني ادمين  
بقا ضيق جداً على وسعه 
بقا قرية حزينه ساكنها الخوف 
واتمنى ف لحظة ماليها الشوف 
يحدف بايديه عود الكبريت ويحط نهاية تليق بالفيلم 

باتخيل دكتور بيحل الحاله الحرجه 
وبيشيل الفيشة من الانعاش 
علشان عيان يوصل للراحة الحقيقية 
من غير ما يكون كداب ويقوله كلام عارف آخره 
نفس الموقف 
أوقات مابشوفش الا الحل الصح الأبدي 
حل اني اتخلص م العالم 
بالطفل اللي انا عايش جواه 
طاقتي بتتوزع ع الأخبار 
ع النوم ساعتين وياريتني بنام 
طاقتي بتتفرق ع التيك اواي 
والسوشيال ميديا وع الدخان 
طاقتي بتتفرتك ف الزحمة وقولة علشان 
روحي بيشربها الاداريين ومكاتب تكفير العملا 
روحي بتتقسط ع الزملا
ف موقف اتوبيس النقل العام 
دمي بقي ينقط بالجمله ف كل القعدات 
شجر الكام صاحب بقا طارح نفس الأحاسيس
بنصبر بعض وبنلزق قطعنا بالوقت 
وحكاية اني اسافر بايخه 
هنروح على فين 
كلها كدبة
هنا زي هناك 
تتهان علشان يبقي البنزين خمسه وتسعين 
تفقد نفسك  ف المول اللي اسمه التضحيه علشان التانيين 
وتعود كراتين 
او فيزا ببالطو وسد ملازم للشرايين 
تضحك على مين كلها واحده 
فاضل ف الدومنه يادوب كارتين 
اقفلها وقوم روح بدري 
احسن ما تاخدلك ساعه كمان شاي علي دخان 
اخسر علشان تطلع كسبان 
أو خيب ظني وقول بكره 
هنلاقي النور بعد الأُكره 
واتمنى الناس تسمع ظنك 
وماتسمعنيش
أنا اهو واقف مستني وف ايديا الكبريت 
ويا اما هموّت 
يا اما هجرب اني اعيش

https://m.facebook.com/kemiakarim?refid=7&ref=m_notif&notif_t=like

تقريباً مش فاضل غيرك | عمرو حسن

Video  Link .... http://www.youtube.com/watch?v=YABAvDoFPoc                   

Mohamed Ibrahim Page ..... https://www.facebook.com/VADIDODIDO?fref=ts                            


عمرو حسن - المسرحية / Amr Hassan - El Masra7eya

Mina Adel