ہائے قاسمؑ ہائے قاسمؑ 

پامال لاشہ دیکھ کے کہتی ہیں بیبیاں 
زہراؑ کی طرح ٹوٹی ہیں قاسمؑ کی پسلیاں 

ٹکڑے پکارے دشت میں لبیک یا حسینؑ 
آکر کہا جو مولاؑ نے قاسمؑ ہو تم کہاں 

پامال جیتے جی جو ہوا ہے اُسے سلام 
رو کر لہو یہ کہتے ہیں خود صاحب الزماں ؑ

آجاؤ میرے بھائی تلک بولے یہ حسنؑ
قاسم ؑ نہ لو حسینؑ کی غربت کا امتحاں 

یہ کہہ کہ کچھ نشانوں کو شہ ؑ چومنے لگنے 
عباسؑ دیکھو رگڑی ہیں قاسم ؑ نے ایڑہیاں 

ٹکڑے اُٹھانے لاش کے سرورؑ کے ساتھ ساتھ 
زہراؑ گئیں ہیں دشت میں جانے کہاں کہاں 

پامال ہونہ لاش چچا کی یہ سوچ کر 
لپٹا ہوا سموں سے ہے فروہ ؑکا نوجواں 

ماںدر کرے گی کس طرح دیدار آخری 
ہائے سموں کے چاند سے چہرے پہ ہیں نشاں 

لگتا ہے مجھ کو میر تکلم ؔ خیام سے 
اب بھی سنائی دیتی ہیں فروہ ؑ کی ہچکیاں

Haye Qasim (Meer Hassan Meer 2018-2019)

Minhal Abbas