مادام نتنفس Liberté

ULTRAS HELALA BOYS   RESIST TO EXIST - INTRO

يا حسرة عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية و عييت أنا من عذابك براكات"

تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي طلع ستار والضو طفات
لقيت روحي في تمثيلية والديكور خوف من الأموات
طمعتيني ودرتي علي عندي جدي بصح مات

شحال من سلطان كان في دنيا جيوش الامر وطيعات
مال ورزق قصور وسرايا العسة عليه بالالوفات
غفل غفلة نقلبت الحية حليلتو ما صاب وين يبات
وكلتي فلان عسل وفاكية وفلان شمختي لو الفتات
فلان قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات

المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات
كبدة لميمة مشوية واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات

نهار كانت الدنيا دنيا الوالدين علقوا لهم شعارات
اليوم الوالدين راهي مرمية في مراكز الشيخوخات
انتي دنيا يدك زهرية و انا يدي فيه الكيات
مع الواقف درتي جمعية سماها دخلات وخرجات
القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات

دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامضى فيها بشي دمعات
بعثها كما مسعودي برية قراها قيتار وألات

والصلاة على نور عينيا سيد الخلق يا سدات
وشكون نجا منك يا دينا غير اللي طلقك بالثلات

"يا حسرة عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية و عييت أنا من عذابك براكات

LABESS - YA DENYA - LA ROUTE

Helala Boys - IRRÉVERSIBLE - Intro - MP3 - By: AMINOS HB

8 - Helala Boys - Outro

Hymne à LA LIBERTE

Egyptian and Tunisian Revolution Ultras

Balti feat Mister You - Baltigataga (erakh la)

Chaine officielle de Balti

http://www.facebook.com/thisizbalti
http://www.thisizbalti.com/

Digital Distribution: CHBK MUSIC

Balti Feat Mister You - Baltigataga (erakh La)

K2RHYM feat ASH Hamman - I'm Lonely [Clip Officiel]

Halim Yousfi - win / وين

حكاية عشرة MATADORS 2008

Helala Boys - IRRÉVERSIBLE - Intro - MP3 - By: AMINOS HB

mino_hb07