كلمات واداء: رنا عاطف
موسيقى: تركيه

-------------

" مات الكلام " . . .

حلفتلي ما يوم هتغيب عني تاني
وعنيك كانت بردو مخوفاني
ويوميها دموعي ملت عيوني
حاولت اقفل عليها جفوني
ومتشوفهاش
مديت اديك مسحتها
وقولتلي ان انتا مش قدها
وان انتا قادر تعمل اي حاجه بس تاني متلمحهاش
عملت مصدقاك وسبت الحياه بينا تتعاش
كل يوم استنى منك كلمة بحبك 
او هكمل عمري جنبك
ولا اسمعهاش
فـ اضطر اقولها انا الاول لجل ما ترد عليا بكسر الـ " ب "
وافرح لما اسمعها منك وامد الـ " هـ "
بضحكه كدابه
وانا اللي اصلا متعابه
اني احب حد منيش مصدقاه
واتمنى بس انول رضاه
وتفوت ايام وابدأ اصدقك
منا من تصرفاتك ويايا بعرفك
تغيب ايام عليا كتير واقول نسيني
والقاك فجأه جاي من تاني تقول وحشتيني
فـ اخاف منك ومعرفش اصدقك
ولا عني ابعدك !
واتوه منك ايام كتير ولا تاخدش بالك
اكون سامعاك بتتكلم لكن عارفاني مش ساكنه فـ خيالك
فـ افضل ساكته انا واسرح
وادورلي على مطرح
ارمي فيه دموعي من غير ما تسمعها
فـ تقول كلام كتير حلو لكنه يكترها
وفجأه اسمع صوت نَفَسك بانك نمت !
وساعتها احس اني اتجننت
واملى الدنيا بالسكات
وجوايا مدبوحه بالآهات . .
وتفوت ايام واعمل نفسي قال يعني مقموصه اكمني
مستنياك تصالحني
ومجرد ما القى فـ عنيك نظرة اهتمام
بسى كل الكلام
وقلبي يركب جناحات ويطير كما الحمام
وتقوللي " حبيبتي "
وتوصلها بـ " متزعليش مني "
فـ انسى كل الزعل فجأه
واكون فـ حبك مبتدأه
بتهجى حروف الحب من جديد
واحس اني حره بعد ما كنت فـ حبك م العبيد
واطلب منك متسبنيش
وانسى ان الحب مبيتشريش!
وترد عليا بـ " من غيرك مش ممكن اعيش "
وفجأه بتلفت ملقاكش حواليا
فين غبت وانتا لسه كنت واقف قصاد عنيا
واحس كأني كنت بحلم حلم جميل
وقلبي بعد ما طار حس بقهره وهدة حيل
حاولت ارجعك ليا
لقيتك بتقوللي سلام
معدش بينا اي كلام
كفاياكي تعيشي فـ الاوهام
انا مش ليكي
اتوجعت لكني سكتّ . .
عادي يعني ما الوجع عليه اتعودت
وقولت مهما كان مش هبانلك تاني ضعيفه
واقنع نفسي ان الحياه كانت اصلا وياك سخيفه
تعبت كتير انا وقلبي من بعدك
لكنه قرر خلاص يخاصمك
خصام ابدي
ويكون لاول مره فـ صفي مش ضدي
وبعد ما اخيرا داويت جروحي ولملمتها
رجعت تاني تقول فين البنوته اللي بحبها
فاكرني مت من بعدك !!
او قلبي لسه باقي على حبك !!
لا ابدا دا بُعدك
انا اتعلمت
انجرحت واتألمت
وبنار حبك انكويت انا وقلبي
للاسف " سكورك " فـ لعبة حبنا طلع سلبي !!
ماهو اللي يحب واحد زيك لازم يتعلم
يعرف يلعب بالحروف لما وياك تاني يتكلم
اظن كفايه عليك كلامي ونظراتي
وهكمل وياك القعده بسكاتي
او اقولك!! انا قايمه
معدتش فـ هواك هايمه
فـ عن اذنك ارجع من مكان ما جيت
وخليك زي مانتا محسس نفسك ان برجوعك كدا ضحيت
ويلا سلام !
مات الكلام


لـــ " رنا عاطف "



official page on facebook; https://www.facebook.com/renaOatef

مـــــاآت الكلام

فاكر لما كنا بنتكلم 24 ساعه 
نسيت ؟
يبختك عشان نسيت وانا كل يوم
بعيش على امل اننا نرجع
وبفكر فى اللى فات ودموعى بتوجع
انا خايفه انى اموت واللحظه ده مش تجيلى
ياريت لو بس يوم تبعتلى وتناديلى 
انا ايه اللى كنت فيه غلطانه 
حب وحبيت وكنت بيك فرحانه
انا اسفه انى بتكلم وبطول فى الكلام
لكن دلوقتى خايفه من الكوابيس
مش بعرف انام
واتصل بيك كتير علشان اسمع صوتك
اليك مشغول علشان سيبتنى 
وطلعت مش بتحبنى
وانا بسهر ليالى لما تكون زعلان 
وعلى زعلك ابكى وانت عايش فرحان
انا فعلا موجوعه ونفسى اسمع صوتك
مش عارف ازاى انا بعد كل ده بحبك
وعمرى ما اتمنيت موتك
انا بحلم بيك كتير وانا قعده على الكرسى
اصلى مش بنام غير تخطيف 
وسرير ملمحتوش بقالى كتير علشان
دموعى ما بتحلاش غير لما بدخل انام
فاكر الاغانى ومنير اللى كنت بتعشقه
وانا كاظم عشانك كنت بسمعه وفى 
كلامه بصدقه
فاكر ها حبيبتى 
اللى كنت بتهدهالى 
فاكر منير وحبك نار
فاكر اسامه منير وحلقه الاسرار
فاكر لما بعتلك رساله بقولك فيها 
وحشتنى 
كان ردك عليا كلام بيه كسفتنى

كلمات : محمد_مصري
صوت واداء : روان 

حكاية بنت

الفيديو كليب 
http://youtu.be/Pyj-65KN-ko
لتحميل الاغنيه 
http://ar.rghost.net/55829948


Cover By MaGicRap - كان قلبك مأوي ليا

الى : الوهمى ، الطيب ، اللى بيقدرنى ، اللى بيحب عياطى لـ مجرد انى بعيطله هو مش لحد تانى ، الهدية اللى ربنا بعتهالى بس معرفتش احافظ عليها :") الوَنس ، السَند ، الى حبيبي :")
من : القاسية ، اللى مبتحسش ، اللى مبتعرفش تقدر ، اللى سابتك فـ عز محنتك ، اللى كل الحجات الوحشة فيها .. من حبيبتك :")
وحشتنى ! آه وحشتنى متستغربش ! عارفه انها بقت كلمة مستهلكة اوى والبشر بقو يقولوها من غير نفس .. وان افعالى مبتقولش كده .. بس ي ريت تحسها وتسمعها زى شغف اوى مرة قولتهالك .. عارفه انك بتراقب تفاصيلى وواخد بالك منها .. وعارفة انك هتسمع الكلام ده .. وعارفه كمان انك هامك رجوعى .. وعارفه ان جواك حكاوى كتير عايز تقولهالى وتحكيهالى زى الطفل اللى واحشاه مامته .. أوى .. عارفه انك كنت مدينى حجم كبير أوى فـ حياتك وفـ قلبك .. بس انا كمان تعبت لما اتاخد منى كل ده .. اصلى كمان عارفه ان غيرى اخد مكانى .. عارفه انك بتقول دلوقتى " بس محدش زيك " .. وانت لازم تعرف انى بتعب أوى لما بمنع نفسى عنك ! .. بمنع نفسى من أنى احكيلك اللى مدايقنى واعيط ، وانى اجيلك واحكى اللى مفرحنى والاقى اللهفة والفرحة اللى ف عينيك عشانى فرحانة بس .. عارفه ان فى ناس دلوقتى بتقول انى Over اوى .. بس هو كان كده فعلا والله :)) .. بتعب أوى لما اشوفك متدايق واكون عايزة اسألك " مالك ي حبيبي" ؟ وافتكر انك طلعتنى من حياتك .. بتعب لما الاقيها بتكلمك وانت بتوطى صوتك او بتقوم من ادامى .. معرفش ليه .. ممكن تقولى ليه ؟ .. وبتعب كمان لما بشوفك بتتكلم قصادى ومقولكش اد ايه بحب طريقة كلامك وملامحك ومبعرفش اركز فـ ملامحك عشان محدش ياخد باله .. او عشان انت متاخدش بالك :") .. بتعب اوى لما اانا بس الاحظ حاجه معينة فـ شكلى .. ومحدش يعلقلى عليها .. غيرك !! زى مثلا لما قولتلى ان عنيا البنى حلوين أوى فـ الشمس وانا حاطة كُحل .. متعرفش اد ايه انبسطت ساعتها .. بس معرفتش اقولك غير شكرا .. لازم تعرف ان اللى مبعدنى .. هو قرب غيرى .. ولازم تعرف انى مش هقدر اتكيف معاك تانى .. بـ رغم حنية قلبك وبرغم حُبى ليك وعياطى فـ بُعدك عنى :") بس اللى بيتوجع بيتعلم .. وجنات قالتها " فـِ حد فـ ألمهُ عاد تفكير ! " مش هرجع تانى عشان اعيش نفس الوجع تانى .. مش هرجع عشان انت كُنت وهمى وانا كنت قاسية ومبحسش .. ع حسب م انت قولتلى ! :)) .. فاكر لما قولتلى انى اكتر واحدة عرفت تحبك وتقدرك ؟ وبعدها بـ فترة قولتلى انك كنت غلطان لما قولتلى كده :)) فاكر لما نسيت عيد ميلادى ؟ بس انا منسيتوش وعملتلك تراك زى ده وانت مفكرتش ترد عليه .. بـ رغم الكرامة .. برغم التعب .. برغم كل حاجه وحشة بتحصل فـ بعدك وفـ قربك اللى مش اوى ! انا نفسى اشكيلك مـِ اللى حواليا .. نفسى اقولك انهم وجعونى أوى فـِ بعادك .. برغم انك فـ اخر فترة كنت متدايق منى وبتقولى كلام يوجع اوى .. بس وجودك بس كان بيهون عليا وبيطمنى ان لسة فى امل انك تمسك ايدى من تانى .. ولو شوية صغيرين .. طب انا ليه بحتاجهم وهم مش بيحتاجونى .. ليه أنا بحب وهم مبيعرفوش ؟ .. ليه انا بينقصنى حاجه فـ غيابهم وهم بيفضلوا كاملين .. زيك كده ؟ .. اصل باين عليك انك مبسوط أوى مع الحُب الجديد .. واللى خد مكانى فـ قلبك .. وبشوفك بتضحك أوى وانت معاها .. م علينا يعنى انا عارفه ان معادش ليا الحق اتدخل فـ حياتك .. بس كمان عارفه انك لو هنا دلوقتى .. كنت قولتلى " المشكلة انك بتشغلى وتلوثى دماغك وقلبك بـ التفكير فـ الناس دول .. ي حبيبتى .. انتِ حلوة "
بغض النظر ..
انت عارف انى مبقدرش اخبى فـ قلبى .. وبم أن معادش ليا حد احكيله .. اتكلمت هنا ^^ .. اسفة لو وجعت دماغك .. بس أكيد اهون من تعب قلبى .. انا بتمنى تبقى مبسوط .. وانا هبقى مبسوطة والله .. وجع قلبى ؟ بحبك 

ليه انا بحب وهم مبيعرفوش ؟

بشوفك معايا at Baby&nona

خلاص مشيت 
وقولي ازاي.... 
هتستحمل تعيش الجاي.... 
بدون متونسك هيا.... 
خلاص، 
القصه منهيا.... 
وحبك مات ولسه مزال.... 
مصمم برضه ع الترحال.... 
سجايرك والصور والشات 
وطعم القهوة ف الفنجال.... 
ومشيك ف الطريق بليل 
تدور ع اللي كان متشال.... 
وحتي رقمها في موبيلك 
وكلمه حبيبي في رسايلك 
دا كله مهش بيثبتلك 
بأنك لسه وياها.... 
خلاص 
قدرت تنساها.... 
طب اللهفه اللي في عيونك.... 
وبرفانها اللي في هدومك.... 
عادتها اللي ملت يومك.... 
صورها اللي في البومك... 
ونرفزتك وتكشيرك.... 
دا كله مهش دليل إثبات.... 
بأن الحب عمره ما مات... 
وأنك صعب تنساها.... 
وروحك ريحه وياها.... 
يتصحي الصبح علي صوتها.... 
ويتدور في كل مكان.... 
مهش موجوده اه لاكن.... 
صورتها بتحضن الجدران.... 
بقالك فتره بتمثل.... 
عشان محروج تقول ندمان.... 
خلاص طيب 
انا الغلطان.... 
وقلبك عمره ما هواها.... 
ولا بتتمني رؤياها.... 
صحيح قولي !! 
بتسهر ليه لحد الفجر 
تراجع كل رسايلها؟؟ 
وتتسحب بدون متحس 
تفتش يامه في اميلها.... 
تشوف مين اللي كلمها.... 
تقلب وسط بوستاتها.... 
فتلمح صورة مكتوب فيها 
(فراقك صعب بس نصيب) 
وتتنهد وفجاه الدمع 
يفور ينزل بدون ترتيب 
دموعك مش دليل إثبات!! 
مفيش ولا شئ في قلبك مات 
ولسه بتهوا رؤياها 
وصعب يا صحبي تنساها

خلاص مشيت وحيد عاطف

كلام حزين جدا عن الفراق.mp3

الاغنية دى مفيش حد سمعها و معيطش ( راجع ليه )

يحيي_علاء_و_كرو_عاشور____داين_تدان___Yahia_Alaa___Crow_Ashour___Dayn_Tdan.m4a

اغنية كله خايف آقسم بالله أغنية لو سمعتها قلبك يتقطع من الأحساس 2018

اغنية : ماليش بعديك
غناء : احمد جمال (جيمى)
كلمات : محمد الهلباوى
بيانو : محمد زيزو
هندسة صوتية ومونتاج : خالد علاء (جيكا)
تصوير : حازم زوما
تصميم وتايبوجرافى : على الشافعى 
__________
الكلمات
قولتيلي ليه يا حبيبي أنا مليش بعديك 
انت الحياة و عمري كله هعيشه ليك
سبتيني بتكدبي و قولتيى خلاص 
وانا لسة بمسك عيني لما تشوف عينيك 
.
قولتيلي ليه يا حبيبي أنا مليش بعديك 
انت الحياة و عمري كله هعيشه ليك
سبتيني بتكدبي و قولتيى خلاص 
وانا لسة بمسك عيني لما تشوف عينيك 
__
 سبيلي صورة  ليا في قلبك مش هنا
مهما قابلتي و حبيتي مش أنا 
عمري ما هبقي بين ايديكي بعدها 
روحي خلاص انتي ولا حاجة جمبها 
هي لقتني وسط حزني مقالتش لأ
هي احتويتني لما الكون ليا خنق
انا جي ليها بقولها انا قلبي دق 
و وعد مني مش هفرط فيها لأ 

مكنتش اعرف اني ممكن أحب تاني 
الحزن يمسك حد غيري و ينساني
لسة ليكي كلمة جاية ع لساني
انا بحبك و قلبي ليكي مهما جاني
.
هي لقتني وسط حزني مقالتش لأ
هي احتويتني لما الكون ليا خنق
انا جي ليها بقولها انا قلبي دق 
و وعد مني مش هفرط فيها لأ

الاغنية دى مفيش حد سمعها و معيطش ( راجع ليه )

Mody Abd Elghafar