سامع إيه ؟
لما بتسكت وإنت وحدك بالساعات 
وصوت ضميرك يفوق ويعلي بتسمع إيه 
علي فكرة انا سمعتك 

بتخبي ليه ؟ 
وتداري وشك وسط خوف وضعف كبير 
بلاش بعقلك تمشي في طريق الشوك ماليه
وتسمع صوت مرفوض 

 دا يسوع حبيبك مستنيك 
سايب كتابه ما بين إيديك 
صدقني ما أنتش مطرود

جرب تقوم هد السدود
دا حب إلهنا مش محدود
هتعيش معاه مش مرفوض 
.................................

شايف إيه ؟
فى إيه جوا منك خايف يبان وتقول عليه
خايف من بكرة ولا من فكرة تلومك ليه
ليه بعيد عن النور ؟


عايش ليه ؟
إيه هو هدفك عايش له ولا للناس ؟
عايش لنفسك ولا لضمير فى يوم إنداس ؟
ليه محتار وسط بحور ؟

دا يسوع حبيبك مستنيك
شيل الغشاوة من على عينيك
صدقنى هتشوف النور

جرب وقوم شيل القيود
وإوعاك تنسى الله موجود
هتعيش معاه فرح وسرور
.................................

ترنيمة
سامع إيه

كلمات
مفيد منير

ألحان
مينا حليم

توزيع
راجى كمال

أداء
ماريا القس يؤانس
كيرلس عادل

كورال
فريق صوت الراعى

تصميم بوستر
طارق زين

هندسة صوتية ومكساج
مينا القمص بسادة

ديجيتال ماستر
أمين النخيلى

https://linktr.ee/mofeed.monier
#mofeed_monier #مفيد_منير

سامع إيه ؟ - كلمات مفيد منير

Here .. only here I find peace❤️‍🩹

Music is your own experience, your thoughts, your wisdom. If you don’t live it, it won’t come out of your horn.

سامع إيه ؟ - كلمات مفيد منير

Mofeed Monier - مفيد منير