ايه يا والدي عامل ايه واضح ان الجو عندك احلى جدا
من زمان و مفيش زيارة
ايه يا حاج دا احنا عشرة عمر يعني
بعد ما انت مشيت يا صاحبي عمر حضن الناس ما ساعني
كلهم بيبيعوا فيا و يشتروني الا كام واحد سيبهم طمنوني
اهلي و صحابي امي و اخواتي و اصحابي الكام نفر
و القعاد لوحدي بليل و السفر
بس برضو معاك بتفرق
ما انت عارف
يوحش الواحد كلامك
نظرتك
طيبت سلامك
يوحش الواحد هزارك
و الزعيق من غير سبب
يوحش الواحد علامة جزمتك فوق العتب
يكسر الواحد مرور لو أتب خلاك توطي
ثم اشوفك ماشي جنب مني و جنب اخويا
ايه امر عليا يوم ما تحلف دمعتي برحمة ابويا
الحقيقة مفيش جديد من يوم غيابك
كل شيئ لسه ف مكانه
الا شئ واحد
انا
لسه مش عارف افكر انت غبت لكام سنة
كنت صلب عظيم في صمتك
كنت طيب من عظمتك
خوفت منك و احترمتك
و اكتشفت معاك معاني مش هشوفها من مكاني
سيبت مطرح من مساحته مش هيملي حد تاني
الكلام يبدو انتهى
بس في في القلب حاجه مقولتهاش
اللي عاشها لنفسه مات
و اللي مات لولاده عاش
و اللي شال الشيلة لسه متنساش
رب أسرة
جدار عريض
صاحب الروح الوحيد
يالا همشي
و لينا يعني كلام اكيد
بس رد الباب علشان
لما حد يقولي هات ابوك
اجي اقولك و تعاقبني
زي انا ما هعاقب ابني
اليتيم
من عاش بدونك
ف الحقيقة
انا مش يتيم 💔

عمرو حسن انا مش يتيم - ابويا وحشني جداً | Amr Hassan

السيدة الاولي  - عمرو حسن

Habetiek Leh - Amr Hassan حبيتك ليه - عمرو حسن

انا بعدك عرفت اني مليش بعدك
كبر سني - عمرو حسن
ابص من الغياب ع الباب واقول بالوقت هتحني
غيابك طال - عمرو حسن

عمرو حسن انا مش يتيم - ابويا وحشني جداً | Amr Hassan

Mohamed Saad