اغنية قطري حبيبي 
غناء : وائل منصور - داليا الجندي - ساره المنذر

قطري حبيبي الاخ الاصغر
يوم ورا يوم امواله بتكتر
استثماراته مالية حياته
قطري بيصرف و بيتفشخر قطري قطري 

وائل منصور

قطري يا مالية فلوسك ارضي
قطري اديني كمان و انا مرضي
ادي اخرتها بنشحت بره
بعد ما فلسنا في الثورة
انت كبير
كبير كبير
و اكبر كتير من الخليج كله من التاريخ كله .. يا قطري

داليا الجندي

وطني يا جنة الناس حاسدينها
بكره حتتباع علي فاترينها
ياللي قنالك كانت ملكك
و انت بصك ايجار هتهينها
بيع للقطري و خد من خيره
بعله الهرم و ابني اتنين غيره
احنا وطن طول عمره كويس
يلا ارمي بياضك و تعالي كيس
كله فداك يا حبيبي القطري

ساره المنذر

حلوة ياقطرى يامالى جيوبنا
حلوة ياوكسة يا كاسية رايتنا
حلوة يانهضه طاحنة شعوبنا
حلوة يا احلى خازوق فى حياتنا
ادى اللى اخدناه من الاخوان
بيع مصر فرط وجملة كمان
في روض الفرج و الدقى وشبرا
فرح الشعب وشكر الشكرة
شكرة كل الشعب المصري

قطري حبيبي الاخ الاصغر
يوم ورا يوم امواله بتكتر
استثماراته مالية حياته
قطري بيصرف و بيتفشخر


أوبريت قطري حبيبي - البرنامج

اخلع نعليك .. أنت في حرم مخي المقدس

أوبريت قطري حبيبي - البرنامج

Mohab Adli