Made By :      Recardo Muzic Productions 

FB Page :      www.facebook.com/RecardoMuzic

FB Account : www.facebook.com/Recardo.pro

for more Beats & Tracks U can Visit My Soundcloud Profile
www.soundcloud.com/recardo-muzic

Dmo3e | دموعي ( Recardo FT Safari Al Masry ) - Track

وبسألهم ..
ساعات الذكري مبتوجعش ..برغم البُعد والقسوة ...
برغم القول بان أنتم ...مجرد ذكريات جارحه  ولا تسوا ..
فليه دلوقتي بتبسّم عشان علي بالي جت سيرتك ؟!
وليه فاكر تفاصيلك
 ..جنون روحك
 ..نغم صوتك
 ..وضحكك ويا تكشيرتك؟!
وليه قابل كده بيكي ..برغم أن أنتي مش قابله ..؟!
وليه مُجبر أكون عنتر ...مع أنك ولا تسوي ...قُلامه ظُفر من عبله ..؟!
ومش عارف انا مالي ...
وليه باقي علي حالي ..برغم الدنيا قلابه ..
وكل دقيقه تبقي بحال ؟!
ومليون ألف كلمه (ليه ).....وكام مليون سؤال وسؤال ...
يا اول كلمه بعشقها ..عشان طلعت بدون ما أدري ..
يانقطه سواد ف طيف صورة ...
يا دمعه ف عيني محشورة ..يا قصّه بتنتهي بدري ..
يا ألف مدينه من سُكّر ...يا أبعد م الخيال بخيال ..
مُحال تنسي اللي كان بيننا ...
مُحال تقسي علي سنيننا ..
محال ترميني جواكي أموت ف النار ..
محال تسقي القليب منّك صديد ومرار ..
محال تتنازلي عن عشقي ..محال جدا وألف محال ..

زمان يمكن بصوت قلبك...  مكانش يصح إنّي أفوز ..
وميصحش أكون جمبك ..عشان غيري سبقني وفاز ..
ماهي الدنيا بتدينا حاجات يمكن بنزهدها ..
وتمنعها ف  وقت الجد لما نعوز ..
وانا رافض أكون ليكي يادوب لعبه ..سراب كدّاب ..
كما المحروم من الضحكه...عشان عايش بوش شباب 
وقلب من اللي شافه عجوز ..
يجوز ...يمكن ..يجوز ينفع ..يجوز ينزل ..يجوز يطلع ..
يجوز أول ..يجوز تاني ..يجوز طاهر ..يجوز زاني ...يجوز القلب بيعاني ..
يجوز خاين ..يجوز باين ..يجوز عاشر وألف يجوز ..
مفيش فيكي إحتمال ثابت ..
مفيش مليان صبح فاضي..
أيديكي من زمان سابت ..
وصوتك لسّه مش راضي ...
انا المُجرم ف محكمتك ..وانا القاضي ..
يا سين ف الكسر فوق قلبي ..يا محور حُزن كان صادي ..
يا ساقيه الكُلّ من دمّي ..وسايباني الوحيد صادي ..
يا تعداد الحنين فيّا ..وتقويمي وأرصادي ..
كواني البرد من بعدك علي الوتر اللي كان حساس ..
دموعي خايفه تفضحني قُصاد الناس ..
وانا الكداب ف أقوالي ...ولو يسالني عن حالي ..
بقولله نسيت ..وباين كدبي ف عيوني ..
بحبك موت ..وموت جدا ..
بحبك وقت ما تردي ..واحبك لما بتصدي ..
وأحبك وقت بتوفي ..واحبّك لما بتخوني ..
واحبك وقت ما الاحلام علي قلبي بتتجمّع ..
أدان العشق قام يدّن ..
وصوت الحقّ لو يضعف ..اكيد للقلب هيسمّع ..
انا العابر ف أمواجك بحور ناشفه ..
وانا الصورة اللي مش واضحه ومش كاشفه ..
وانا اللي بقالي كام فُرقه بناديلك .. ..
وانا اللعنه اللي ساكناكي ..منين ماتروحي هتجيلك ..
أنا صوتك ..وانا جيلك ..
وانا النصّ اللي كان مُبهم ..وزاد إبهامه تاويلك ..
 أنا شمسك ..وانا نيلك..
انا موضوع ملوش اسباب ...وخايب ساب حنينه وغاب ..
أنا الزاهد وعاش كداب ...وانا العاصي اللي عمرة ماتاب ..
وانا المجنون ..وانا المسجون ..وانا اللي اتخان وناسي يخون ..
وانا الباقي اللي عمرة ما ساب ..
وانا السرّ اللي مش نافع ...يفكّ غموضه تعليلك ..
...
خلاص راحت ..
بلاش تندم علي الماضي ...بلاش تتعب علي الفاضي ..
بلاش تشرب عشان تنسي ...بلاش أصلا ..بلاش تقسي ..
بلاش تتمادي ف الاشواق ..بلاش تعشق بقلب نضيف ..
بلاش تكذب ..
بلاش تكتب ..
عشان الكلمه دلوقتي .. بتقلب ف  الوجع بخريف ..
لو المرادي شيء يجرا ..
محدش تاني راح يقرا ...
فشيل اوراقك الخضرة ....وبدّل بالكلام تخاريف ..
ساعات البُعد بينسّي ..ساعات الجرح بيقسّي ..
ساعات الدنيا بتموت ..مُحرك قلبنا الحثّي ..
لكن حاسب عشان دايما ..سيول الدمع لو تنزل ..
بتقلب ف الفُراق بنزيف ..
#نزيف
#عبده


���� ���� ������نزيف ..عبده العتيقي

هي الأيام لمّا بتخلص
بتروح على فين ؟ ..
مقصُدش نموت
أنا أقصد لمّا اليوم يعني
بيخْلَصْ و يفوت
و تعدِّي وراه أيام تانيين ..
و أما الأسبوع بيعَدّي أوام
و يقَفِّل سِت ايام بالطول
مع يوم بالعرض
بيروح على فين و يسيب الأرض ؟
طب فين المخزن و التخزين ؟ ..
معقوله تكون أيامنا هناك
مرصوصة فـ حبة كراتين ؟ ..
مليانة بـ إمبارِح و بـ أوِّل
و بـ أول أول و أنا راجع
لمّا أوصل سِن السَنَتين ؟ ..
طب هقدر أطَلّع م المخزن
إحساسي بنفسي و بالناس
و خناقي إمبارح في الزحمة
و أصالِح سواق الباص ؟
هل ممكن أزوِّد إخلاص
لعلاقتي بكُل إللي أعرفهُم
لسنين و سنين ؟
هل ممكن أدَوّر على فترة
ضاعت من سن العشرين ؟
هل ينفع أسجّل رغباتي
و أختار أما أكبر و أستكبر
أنا هطلع مين ؟
هل يمكن لو ....
أو هل جايز ...
بل لا يُمكن ..
إننا نعرف
إزاي الأيام دي بتنقَص
و أما بتخلص
بتروح على فين ...

على فين لـ نبيل عبدالحميد

بِرُوْحِي فَتَاة - ل عبد الرحمن محمد.mp3

بين مرحلة فضا , يليها زحمة مشاغل الحياة ,
لقيتني بسرح ,
بسرح في امبارح اللي عدّي صاروخ ,
في دعوة دعيتها بحرقه , و لسه ما اتحققتش ,
بالجزع و من بعدُه الرضا ,
______________
لقيتني ركزت لأول مره في الحياة ,و خرجت الطاقه دي ,اللي كنت مستهلكها بس في البُكا عاللي راح ,
لقيتني ارتحت , و انا مشغول ,
و لكن من تاني لقيتني , سرحت ,
بقالي كتير اصلي ما حلمتش , فقولت افتكر , حواديتي ليّا زمان ,
و الليل في بدايتُه و لسه مطوّل , يمكن اتوه في حدوته من اياهُم ,و انام ,
______________
و كان يا مكان , كان في واحد , مش حاسس بالأمان ,
بيدوّر على حكايته المتبعترَه , عشان يخبيها لنفسُه من عيون الناس ,
بيحاول يفهم , يعني ايه حُب ؟ , يعني ايه صاحب , يعني ايه حُضن , يعني ايه أمان ؟
و راح بحياتُه لمتاهه , 
بين جدرانها كان ضلمة , و اخرها نور في توب معيوب ,
سرح بخيالُه في الضلمة , و رسم بنت حلوة و حبها ,
و زين لنفسُه قربها , 
رسم بخياله , اللي مش فيها , و اتمنى يشوفُه ,
و نسي , انه بيرسم في الضلمة ,
قاد نورُه للحظة , لقى الصورة ملخبطة , 
و فهم , ان اصل الصورة , ماكنش محتاج تعديل , 
و ان رسمُه الزايد , بوّخ الصورة اللي اصلاََ , مش لايقه على خيالُه ,
_____________
كمّل تاني في المتاهه , بس رسم صاحب يكون ونيس , 
و نسي ان بره المتاهه كان لُه عزيز , 
 خيالٌه من تاني خانُه في الضلمة , و خناقُه مع صاحبُه لسوء الفهم ما كنش عيب في الصاحب ,
بس عيب في اللي اختارُه , 
اصل خيالُه ده بليد , و اصلُه ما بيعرفش يختار ,
قال, طب هصبر تاني و اتعلّم , 
اصلي بختار اجبار , بين ضلمة المتاهه ,
___________
و كمّل تاني في متاهتُه , لسه بيدوّر على حكايتُه , 
بقلب مُرهق , و روح حزينَه , 
الضلمة زينتلُه من تاني البنت , 
يا عم دي جيّالك خليها تدفّيك في حضنها , دي هي اللي قدّامك ! 
مش لسه بتحبها  !!
قام رد , ازاي احب اللي مش شبهي ! ,
و الحضن ده كداب , مش هغلط تاني و اختارُه ,
ده الحضن اللي هيحضنّي , هينوّر الضلمة , و يخرجني برّه المتاهه ,
__________
النهار زمانُه طالع , عايز اكمّل باقي الحدوته ,
اخر المتاهه , كانت بنت صغنطrrوته ,
كان في عيونها شئ غريب ,
شئ خلاه أول مره يختار ,
هي دي , 
انا مش هرسم تاني بخيالي , انا بشوفه قدامي حي ,
الحكاية بتتحكي في صورة جديده , اجمل من اللي كنت بدور الاقيها ,
اصل الماضي لازم تتصالح معاه عشان تبني المستقبل ,
انا فهمت بيها الماضي , عشان هي المستقبل ...
آخر الحدوته , آمان , 
ياما عاش يحلم بس يفهم معناه ,
الآمان في الحب , 
في الحضن وقت الحزن ,
في الصاحب اللي بيقويك ,
و المتاهه , اللي بتحلى بس وقت الوصول,
احلى ما في الخيال , هي ..
و احلى ما في التوهان , هي ..
و احلى ما في الاحلام , هي ..
_________-
خلاص انا افتكرت حواديتي , 
و من تاني راجع انام ,و احلم ...

تشويش غير متعمد-حدوتة آخر الليل

 
مبقاش فيه كلام يوصف حالتي 
 والشعر خلاص مبقاش قادر 
 يستحمل واحد ف كئابتي 
 انا كل ما ابص ف كوم ورقي 
 اتضايق من حزن كتابتي 
معرفش انا ليه 
 عايش اجواء مش اجوائي 
 انا يمكن اه بحزن اوقات 
 واتفلسف على كل اصحابي 
 ان الاحزان مش بإردتي 
 والعمر بيقتل براءتنا
 وكلام معرفش انا جبته منين 
 لكن ف الاخر ببقى طبيعي 
 وباضحك واتريق والش 
 اتصاحب على شلة مجانين 
 وانزل ع القهوة وبشرب وعادي عصير مانجة 
 والعب دومنة
 واكتشف ان انا جاهل بالعمق 
 مش بشرب قهوة كتير جداً 
 ولا بسمع فيروز غير نادر 
 ومليش ف الطاولة و ف الشطرنج 
 ولا بقرا ف شعر فؤاد حداد 
 ولا عارف حكايات الاجداد 
 ولا عمري قريت لنجيب محفوظ 
 انا عيشتي هلاوس ف هلاس 
 مش بسمع مزيكا كذلك 
 ولا برقص حافي على الاسفلت 
 ف ايديا ايدين بنت جميلة 
 والمطرة بتغسل ملامحنا 
 اقصد
 انا عمري ما كنت ف يوم انسان حالم 
 ولا شخص جريء 
 وكمان انا برضه مليش اصحاب
 علشان بقى عندي قصاد منهم 
 ييجي الف صدق ..
عمري ما حبيت 
 والبنت ف عيني
 مرايا لاختي اللي معايا 
 دايما ف البيت .. 
والعزلة ف عيني مهيش دنيا 
 ولا حاجة جميلة وشيء ممتع 
 واما بحس اني خلاص هبدأ 
 باتفرج على افلام انمي 
 واضحك من قلبي وباستمتع 
 وباخش المطخ طول اليوم 
 افضل قدام التلاجة 
 مؤمن بشعار ( تقليب رزقي ) 
وسعات بقلق مخصوص م النوم 
 وبروح تاني 
 مش يمكن حد اضاف حاجة 
 او كل حاجة 
 كنت مخبيها بعيد ف الركن .. 
عارفين 
 انا فعلا باستغرب حالتي 
 والحزن الدايم ف كتابتي 
 لكن م الممكن اكون عايز 
 حد يشوفها 
 ف يقول مالك ؟ 
 ف احلف له مفيش 
 ف يقول لي: 
ازاي .. يا بني ما تحكي
 ف احكيله حاجات عني عادية 
 وهيا الاحداث الطبيعية 
 اسأله عن حاله واخباره
 يتكلم / اسمع / ف اتكلم
 ونخلص / نقفل بابتسامات ..
انا كل ما ابص ف اشعاري 
 بنتابني شعور ان انا فعلاً 
 انسان قد مات 

للمعلومة .. بعض الاجزاء في هذا النص 
 لازم تتقص 
 علشان مش ملك اللي كتبها 
 مش ضمن حياته اللي عايشها 
 يمكن بتخص بشر تانيين 
 كان نفسه يكون يشبه ليهم 
 لكن معرفش 
 ف اختار يكتب امانيه ف سطور 
 لكن مع ذلك اقدر اقول 
 ان الكاتب كان صادق جدا ف كتابته 
 علشان ماكدبش

كلمات و آداء حمدي الدالي 
https://www.facebook.com/hamdy.eldaly.98
music : Dreaming waves
https://soundcloud.com/oriensi/dreaming-waves-oud-instrumental-music

انسان قد مات - حمدي الدالي

أحمد فوزي .. سنين ومرت (Cover)

كأنَك طيف
ضرورى تنافسى ع الأوسكار براءه و زيف ..

مونودراما - عادل العش

Darweesh | درويش

Lyrics | كلمات : 
هادي محم

Composing | ألحان :
شريف البهي

Arrangement | توزيع :
محمد سامي - VEGA studio

Lead guitar | جيتار : 
تيتو  طارق

Special thanks for :
هيثم محفوظ 
محمود عمارة 
شركة IAMY 


Lyrics | الكلمات :

أراجوز في سيرك كبير 
بكون بيلياتشو كله عيوب 
بكون كاره أعيش ع الشط 
بخيط دايب و كله كروب 

بكون كاره لكون الكارو مابتمشيش 
و كاره لكوني "البغل"  بالتهميش 
و اكون كاره لكون الكون يادوب كام لون 
بزق العجلة بوتر دايب بشوق ميت و نفسه يعيش

أنا أبسط شخص في رواية تملي بتخلف المكتوب 
 أنا راضي ،  بقلم فاضي ع المسرح وبمسح دور أصلا في الاساس ملعوب 
أنا أبسط منايا يعدي عليا فيبراير 
و قبل نصه بيوم يهاديني البشر دبدوب 

أنا محروم من الضلة و ضي الشمس جوا الشيش
يزود رغبتي في كوني أكون درويش 
بيسرح في الفضا و يسبح بعين داعية 
يا رب ،، أنا ميت بلا روحي و حابب عيش 

و حابب ضلمة في غروبك و مش عارف أحب الضي 
و كاره كوني بتنفس و بكره إني لسه حي 
بتوه في اللحظة 100 مرة و أحس بخوف 
يطمني و خوف يستقبل النور اللي جايز ،، جي

لا يجوز انك تكون شيء غير انك عبد لكلامنا 
فتسمعنا و تستنى لحد ماندي أوامرنا 
فتمشي بين جدور نفسك بتمحي شيء مش " احنا"
فتصبح مسخ في الدنيا 
عروسه خيوطها في سطوحنا
نحركها ، نبهدلها ، ، نفصص روحها بجناحنا 
يحرم عليك يكونلك رأي يخالفنا 
يحرم عليك تكون نفسك 
طلاما رضيت بشروطنا 
فتفضل مسخ في الدنيا 
وتفضل شيئ بيشبهنا
،

فتعالى نقول ،، و نعيد و نزيد في كلام مقفول 
و نعيش بنعالج حيط معلول 
و نعيش على طول بنداري حلول 
جوفي البائس يسكنه قلب أبأس 
عايش يهاتي ، يوماتي بالوحده بيتونس 
و بيشكي من كتر قوالة (لا)
و بيبعد كل خضوع ل(اه) عن طريقه بزق 

#درويش

Morphin

Darweesh

درويش - Darweesh | Hady mohamed FT sherief elbahey

الفقد 💔 .. (كتابة وإلقاء أبرار مصطفي💜💙)

وانا قاعد سرحان و حزين
بالصدفة الباحتة لمحت اتنين
ماشيين ف شارعنا الفاضى
فندهت الاقرب ليا
بقولك يا فلان ...
محتاج افضفض حبة معاك
وقتك يسمح انى أتكلم ؟!
- أتفضل قول .. و انا وياك
انا ليا كتير عايش وحدى
ساكت سارح .. دايما مشتاق
انا كل حياتى .. فراق ف فراق
انا خايف أقرب من بيتنا
ليكون حايش جواه ذكرى
فتزيد شوقى .. و انا مش حمل زيادة بجد
انا دايما باصص فى الارض
انا اول مرة ارفع عينى
و دى اول مرة انا بحكى لحد
عارف يا فلان
انا ليا زمان مسجون فى الحزن
و ان حتى ان عوزة احضن نفسى
ممنوع م الحضن
انا ياما حاولت اهرب لكن
برجع تانى
انا نفسى الشوق يوم ينسانى
بقولك يا فلان ...
الاقيش وياك حبة أفراح
الاقيش وياك ..
أستيكة بتمسح اى جراح
الاقيش عندك وحياتك
ماحى لعقلى و لكل ما راح
الاقيش نسيان ..
طب اى مُنبه للسرحان ؟!
- والله ما فيه
يا خسارة خلاص .. شكلك مليت
عموما شكرا على ذوقك
تقدر تمشى ..
- شكلك تعبان
انا هخطف عينى لتحت و انام
و ان شاء الله انا هبقى تمام
شكرا يا فلان ..

Facebook : https://www.facebook.com/Brado11/

�� نزيف ..عبده العتيقي

Mohamed Abd El Kawy 1

���� ���� ������نزيف ..عبده العتيقي

Mohamed Abd El Kawy 1

�� نزيف ..عبده العتيقي