صوتك - أسمر خيري /مهدية -

تعبت من الوقوف أمام هذي الريح

قلبٌ زجاجيٌّ مُحَطَّمْ / محمد عبدالقادر موسى.mp3

نغيم فاهك يا أم زين دواي
شفاي البجبر قواي

يا أم حبا ردف تواي
كمل صبري وزود هواي
رقي رقي جودي بدواي
ظمأي بعدك وقربك رواي

ذكرت البين ليه ياغراب
صياحك يا فراق يا خراب
ديار أم زين كانت قراب
غبن بانن في السراب

رق جسمي وصابه انتحال
على حبك حمل الرحال
ومن بعدك أنا حالي حال
يالقمرة وصالك محال

أنا أعيد الحب من جداد
أنا الحافظ حق الوداد
أنا الهائم والناس شداد
أنا اللابس توب الحداد

أقيم ليلي واحسب سهاى
يغيب عقلي وافقد نهاي
وفي جسمي ظاهر وهاي
اسعفني دنا إنتهائي

أنا الكاتم السر ما حكي
أنا الحاضن البلا ما اشتكى
أنا الحجة بحل مشبكها
أنا المساح دمع البكا

نغيم فاهك

محمد حسنين - نغيم فاهك - كلمات علي المساح - ألحان عبدالرؤوف عطية

رسالة في بريد المحبوب الراحل المقيم في وجدان كل سوداني، محمد طه القدال عليه رحمة الله.
***************************************

‏يكفيني السؤال يا صاحي
يكفيني السؤال والدنيا ما لاقية الغُنا الصباحي،
ولو غرّد حمَام في العتمة
خلّو يغش معاه مُزاحي
حين قالولي سار في رحمة عند رب السما الفتّاحِ،
قلت أكيد طلع في نهمة، يرعى ويحتويلو مَناحي،
قلت أكيد هو راح واِستحْمَى،
والمشوار طِوِل روّاحي
قلت أكيد نتَف من ريشو شان يصرفلو هم ونواحي،
إلا الريش وقت كتّح لي معناهو التقول جرّاحي
وإلا العين وكت رفّتلي غوّر لي الجرح في جناحي
فاض من دمعي قدر الدنيا
ضيق الدُنيا صار لي مُراحي،
واتمردغت،
اتلولحت، درويشاً فلَت في الحضرة،
واستجدى الحُزن مدّاحي
يكفيني السؤال يا صاحي
تكفيني العبارة الرايحــة،
تكفيني العيون والحسرة وأحلام ود حليوة براحي.
 ونحن أهل الفرحة جينا،
جينا والكون نفَسه طالع
جينا من كوكب عيونك، وبين عيون أطفالنا شارِع
اتكّلنا على الله سمعاً
وما فضَل في السِكة شافِع
يقرأ من لوحَك ويرتّل ٱية الفرحة ويصارِع
عد يروح الضيق خلالَك ومن خلالَك نوره شاسِع،
ٱية ٱية ونوره شاسِع
غاية غاية وقلبُو ناصع،
راية راية وأنت فاتِح للغلابة الصدر واسع
ٱه يا زينة بلادي،
يا بِلاد في روح بِلادي، كنت ما بقدَر أتاوِق
وألمَحك ما تكون قُصادي،
يادي يادي، يادي تعليقة الروادي
اتكّيت على غُنوة مِنّك
وانتشيت في ليل سُهادي
ومنّي طار جلدي المنمِل
جنّي في حِنّي وبُعادي
وما عِرف غنّاي حديثك غير حُزن كجّني غادي
وما اختبى الشوق من ونيسك
إلا عرّفتو بمِدادي
طلّة من جنّة حثيثكَ وقدلة تهديني لرشَادي
يادي يادي، الضُل بِنادي،
الكُل بنادي،
الكُل بعلّق صورة في دولاب محبة
الكل وليف غنّايو في زمن النوادي.
وأُغنّيك لي مِنو، وأغنّيك يات زمن
وأعزّيك عِن منو، ونيلينك بكَن
غناويك مافي زول
ولا حد يُمتحن
تقول ليو مرة قول، يقول ليك اتنسن!
أغنّيك وأنت ماف؟
بعيد عنّك بخاف
بخاف من حُسن حظنّك، وجنحيك الخُفاف
قبل ما أبدأ أكتِب
قبل يرتَد حِنّك
يقومَن يسبِقنّك
يجيبنَك لُطاف، ظُراف واِت كأنّك ملاك راح وشاف
وقبُل ما نروى منّك،
يقولن غصب عنَك: (مراويدك ضُعاف)
يقومن، يختِفنّك
بعيد ياخي عنّك!
بعيد ياخي عنّك، غُناك طعمو أحلى،
وأكيد لو جا منّك، حلاوته اختلاف، أغنيك وأنت ماف؟
بحاوِل، بس لأنّك، عظيم وأنت عايش، كريم وأنت ماف.
(وشِن القعدة يا أبو السرة)
شن القعدة في ضل النخيلات أمْ تمُرةً مُرة
رُحت وروّحت كايساك مديدة الغُرة
صِبحت كوتة التمباك وطاية جمرة
والويقود حِرق من جوفو يطلع برة
ووكتين شقلبَت شقّيش،
طلقنا أمُرنا في بلد (اللِجان) الحُرة
واتلفحنا من تالاك،
شِلنا عمُرنا،
شِلنا جمُرنا،
(ما لاقانا من يغبانا، ناس عارفاكا)
ناس عارفانا
ناس خابراكا
ناس رطّانة،
ناس تجبُرنا، والكسر التركتو وراكا، مجبور بي كشِفة الضُرة، (وأنا ما بجيب سيرة الخبوب)،
ما بجيب الجاي وماشي،
كل زول في لوحه مكتوب، يقرأ يتعلّم يمَاشي
البِضل تلقاهو معطـوب،
جاري توب الخجلة كاشّي
والبِخون تلقاهو مكتـوب
في جبينو الوصمة: غاشّي
والبفوز في الٱخرة، محبوب
سيرتو شلال غيمة، راشّي
سُقيا في كل جلسة مسكوب
رحمة من عند الله هاشّي
(وأنا ما بجيب سيرة الجنوب)
رجّعت، يا هاشّي، رجعت جواي الشعر، يوم حُزتني، وقُلت: القصيدة
دي بِت بلد، واِت جنّها!
لو كنت بعدَك شُفتني،
أهو كُت سرقتَك مِنها،
خاطِر سديرك يضُمّني
وأغرق في نيلك وحِنّها
تلقاني باسِم كنَّني
في الكون أميرا وسجنَها،
رجعتّني؟ كيف؟ لسة غايب عنّها،
هذا التناقض فَنّني
في دائرة قُطرها سِنّها
عمر الزهور لو ينحني، تكبَر حليوة أظِنها!
ٱخر قصيدة ورُدّني، لك في نوازِع دَنّها
أشرب، أغني، وأنحني،
وكل المحبّة أكِنها
وأضحك، حقيقي يهمّني
تعرفني هارِب، مِنّها، أهو جِنها، ٱخر قصيدة ورُدني، ليك منّها.
(ويا محبوبي - بعد القيام على طول - هاك منّي مكتوبي)
دة الحُزن ما حيطول،
ولو 
خُضت
في ذنوبي،
حبّ البِلاد مجبول على صبر أيوبي،
وحُب العباد معقول وأنا أمري مغلوبي،
علّمني معنى القول
وفصّلني في توبي،
وعرّفني بالمجهول، وحنينَك النوبي!
عين الحقيقة دخول في
قلب محبوبي،
وأنا قلبي تب مكتول في قلب محبوبي،
في قلب محبوبي،
في قلب محبوبي،
ويا محبوبي، دي الخرطوم! دي الخرطوم يا قدّال،
عيون الحق ما نامت ولا نامْ في هواها عيال
ولا غادرتَ من تالاها
ساعة الثورة كُت شبّال،
كُت زغرودة حين الهدرة كُت نبّاه صلاتنا القال: 
(أعرفني إنك الزمن اللي جايي شروق)
أعرفي إنك الوطن الحديثو نِضال،
صدَح
 في
 كل
 بيت
 صوتَك،
صدح
في
كل
صوت
بيتَك،
مرق صدّاح غُناك كالفال،
دخل في روحنا، ساقنا وقال، هتفنا وراهو كالأطفال:
ضميرَك حي، ضميرَك حي، في كل مقال
ضميرَك زهرة يا قدال.

رسالةٌ في بريد المحبوب محمد طه القدال/ ملِك

معزة التهامي / كي تضم يدي أكثر _ كلمات محمد عبدالقادر

غناء : رايات عبدالرحيم
كلمات : خالد خوجلي
الصورة بواسطة : samo hussien 

السادس من أبريل

حفنة تمر- الطيب صالح

Daleeb

البرمجة ومشاكلها في السودان

في الحلقة الثالثة من حوارات التحول نناقش فيها التحديات التي تواجه عملية توزيع وتخصيص الموارد في الاقتصاد السوداني.

حوارات التحول- الحلقة الثالثة

في هذه الحلقة نواصل نقاشنا عن العلاقة بين الحكم المحلي والتنمية، ونتكلم بشكل رئيسي عن مصادر تمويل الحكومات المحلية، ونقص التمويل والموارد الذي تعاني منه أغلب المحليات، والذي يعيقها عن تقديم الخدمات بكفاءة.. ما أسباب هذا النقص؟ وكيف يمكن حل هذه المشكلة؟ هل يجب أن تتلقى الحكومات المحلية تمويلاً من الحكومة المركزية؟ وإن وحب فبأي معايير يوزع المركز هذا التمويل بين المحليات والولايات المختلفة؟ كيف تمت هذه العملية 
 في السودان وعلى أي معايير استندت؟ وما أثر ذلك على التنمية؟
نستضيف الأستاذ أواب أحمد المصباح في هذه الحلقة وهي من تقديم محمد الكامل وقام عمر هشام ابراهيم بتعديلها فنياً.

بوداكست الحكم المحلي

سلسلة الحكم المحلي: التنمية المحلية وتحدي الموارد

أنت أمام شخص يستطيع كتابة إحساسه

قلبٌ زجاجيٌّ مُحَطَّمْ / محمد عبدالقادر موسى.mp3

Mohamed A.Gadir Musa