الخال

من جوابات الاسطى حراجي القط للشاعر المصري عبد الرحمن الأبنودي

السيما - عبد الرحمن الأبنودي

لالى- محمد محي

اغنية تانى يا هوى - البوم اعاتبك - محمد محي

أنا حبيت وانجرح قلبي- محمد محي

أهل الملامه - محمد محي

محمد محي_تعبك يا قلبي 1994 من البوم روح قلبي جودة عالية

محمد محي_تعبك يا قلبي 1994

حبينا جرحونا - محمد محي

تانى يا هوى - محمد محي

موعدانى

فارس - يا شوق

‫قصيدة احزانى العادية عبد الرحمن الابنودى كاملة‬

يامنة - عبد الرحمن الأبنودي

عبد الرحمن الابنودي - جوابات الاسطي حراجي -17 part1

عبد الرحمن الابنودى - سيد مكاوى : حروف الكلام

إذا مش نازلين للناس فـ بلاش

والزم بيتك.. بيتك.. بيتك..

وابلع صوتك..

وافتكر اليوم ده.. لإنّه تاريخ موتى وموتك..

 ...

إذا مش نازلين للناس فَـ بلاش..

مادام الدايرة ماكاملاش

والحاجة ماتامّاش.. وأصحاب الحاجة ماعارفاش..

إيه المعني وأى بطولة فـِ إنّ حياتنا وأحلى سنينَّا..  يروحوا بلاش؟

حاجة ماراكباش!!

...

الله يخرب بيت الفكر.. وبيت اليوم الّى ورّانا الفكر..

لإن الفكر كتاب..

و "عويضة" حياته هباب وتراب..

عايش زمنه الكداب -زىّ العادة- مُرتاب..



 كنكة على دِمْس .. ونفَس مقطوع فى الغاب

ماشبعناش عنه بُعد.. وهوّه ماشبعش غياب..

"عويضة" هناك فى الأرض..

في المدن الأُوَض الّى نايمة على بعض..

...

وأقولّك إيه اللى قطع الدايرة يا أمير؟

وخلّى مابين النبي والخلْق  الغربة وتقطيع المشاوير؟

إن أنا وانت بنلعب طول العمر دورين: طليعة وجماهير..

و"عويضة" بينفخ موت الدِّمس والعالم.. نِمْس..



العالم.. سرقة وقلْع ولبس

و"عويضة" بقلبه الجبس.. الّى معلِّمُه إمتى مايحسش وامتى يحسّ..


بيعدِّى في الأيام جمل المراحيل..

زى ما عدَّاها من أول ما اتخرط الكون

من أول ما طلع للدنيا ووجد قبلُه.. فرعون..

 نفس الأيام نفس النسخة مطبوعة على كل الأعوام..

ماسمعشي بينا.. ماسمعناش.. ماقابلناش.. ما اتكلّمناش.

...

ولإن حمول الأيام مش مرفوعة.. إذا يد "عويضة" ماترفعهاش..

والقولة الحقَّة.. مش حقّة.. إذا صدر "عويضة" ماطلَّعهاش..

والخطوة حتفضل مشلولة.. إذا قُدّامنا "عويضة" ماخطَّاش..

ولإن دى حاجة "عويضة" لسّه مايدركهاش..


ولايدركناش.. ولا يعرفناش..


ولإننا لما دبحنا بعض مناقشة على القهوة لاجل البشرية..

"عويضة" ماسمعناش..

تبقى الدايرة مادايراش..

واما ييجى المخبر يسحبنا عَ الزنازين..



لازم نبقى عارفين..

إن السَّحبة ببلاش..

وان الحدوتة مالافَّاش.. فـَ الدايرة ماتامَّاش.. والدنيا ماحِلْواش..

وانّ "عويضة" لمّا قِبل الظُلم.. ماماتْش..

إحنا مُتنا.. وهوّه.. عاش..

...

الحاجز أكبر من كل الأحلام..

واسْمَك.. من جهلى وجهلك.. واسمي واسمك!!

...

مش حتعلمنى أكتر ما اتعلمت..

روح علِّم أبو الواد والبت..

الّي حيرميهم فى فرن الثورة يطيبوا بُكرة..

والّي لحد الوقت مايعرفشي إزّاي يكتب وازّاي يقرا...

وازّاي يعشق.. وازّاي يكره.. 

ولا عنده فكرة عنّك.. أو عن بكرة..


ولا ليك ذكرى..


لانا.. ولا إنت.. نجحنا ف تغيير الفكرة..

...

الفاس يردم بذرة..

المنجل يحصد سبلة..

الشغل يجيب أجرة..

وانت بعيـد..  بحكاية مامفهوماش..

بينَّنا وبينُه شعْرة وأرقّ من الشعرة..


دة الّي مفروض ناسج علم الثورة وصانع بكرة..


واحنا شهدا.. مع إنّنا.. ماحاولناش..

حاجة ماراكْباش!

الدايرة المقطوعة - عبد الرحمن الأبنودي

حتى النسيم اللى داخليّ شايل عبيرك حوليا
محمد مُحي


كُل ما فيا.. محمد مُحي

الهروب لركن هادئ قد يكون أكبر الأمنيات

عبد الرحمن الابنودي - جوابات الاسطي حراجي -17 part1

Mohamed Abdelmohsen 1

Related tracks