تأليف والقاء : محمد الجندى 

هحكلكوا حكايه انما ايه 
اخر مزيكا
ماما امريكا وبابا يهود
قالوا زرعنا الارض ورود 
اتسحبوا بحدود وف ارضى
سرقوا ف عرضى 
وسننى وفرضى
باعوا كل ماكان انتيكا
ماما امريكا لقيت سكه

هنقسم دولتهم تِركه
ونفرق على بعض الورث
او يمكن ندخل بالشِركه 
وهنعلن خطابات ونبث 

بسم الله الاخوه والاخوات
اهلى والعشيره وبتوع الملذات
اصحاب المقامات والسيره 
بنهنيكم وبنوعدكم بالتزمات
ان الحاله هتبقى وفيره 
وهنفتح اكشاك وحانات 
ومعاملتنا هتبقى عسيره
للى هيعمل ائتلفات 
فالاحسن قضوها سكات
واحنا هتافنا وقولنا امين
وفضلنا مكانا نايمين

ياخواجه مجدع بسيجار 
يابن العم مخاوى الدار
اتفضل دا الباب مفتوح
والنبى وصى لسابع جار
ياللروعه واوه ماى جاد 
فريسه ووقعت للصياد 
بعد ماكانت صابره بهيه
وقت ما وقعت ياما بلاد

ماما امريكا وبابا يهود
قالوا لماذا مبينا حدود ؟
فتحوا الباب هدوا سدود
هدموا حضاره عهد جدود
وقالوا شالوم 
واحنا لسه فسابع نوم
ولا هنقوم 
احنا تاريخ فتراب مركون
قتلوا باقينا بايد صهيون
ماما امريكا وبابا يهود
دوله ماعدش بقيلها حدود
تيجى تبص فقلب خريطه
اسمها حتى مهوش موجود


ماما امريكا و بابا يهود

Mohamed Elgendy