حواديت عزيز

كلمات : محمد  داوود 

الحان  : نور ناجح  

توزيع ليل وعين 

من حفل مسرح الجنينة  

West El7arat Elmasrya,وسط الحارات المصرية

غصب عني - احمد الطحان

الفرعي هو مشروع موسيقي فردي عن كل شيء موجود في الشارع الفرعي أو ليس على الصفحات الرئيسية في الصحف...تخيّل في كمبيوتر كبير بتخزّن فيه كل أفكار الناس, هذا بكون الفرع الرئيسي للكلمات مع ايقاع أو بدون ....وذلك من خلال فرع المداخل
فرع المداخل من الشتات للدّاخل

كلمات الاغنية:
يا خويا في فتنه في الدار 
و في جمره ايطفيها لا تخليها تلمس جار
في صفقه و في مشروع استثمار 
و في دعوه و في تبشير
بس في حرب علي الافكار
يا وطني يا عربي
حط فيك المحتل السم 
و حط الوم علي ابن العم
و انا ساكت و اخويا حصار
سامحني انا صمتي هو اساس كل الدمار 
وبس لو ان ما انو في مؤامره 
قرارات و مبادره
لو ما في علي الهوا مباشره
تشيع جسمان و مظاهرات
كل ما غنيت يا جار اه يا جار 
يا خويا في فتنه في الدار
@el-far3i
www.facebook.com/A5ook.El.Far3i

El Far3i -  Fitna - فتنة  - الفرعي

ضربوا القمر
كلمات احمد حداد
الحان شادي مؤنس
توزيع حازم شاهين
غناء اسكن

ضربوا القمر - شادي مؤنس - احمد حداد

زي العسل [صباح] - محمد سامي & مصطفى الزاهد

القربان

موشح نهاوند: منيتي عز اصطباري
موشح: أعطني بكر الدنان
غناء: طارق بشير و يارا صلاح الدين
كمان: أحمد الصالحي
قانون: مارتن ستوكس
كنترباص: مالاكي أونيل
رق: فيليبوس ديميتريو
إسطنبول
25.02.2016

موشح: منيتي عز اصطباري و أعطني بكر الدنان - فرقة أوكسفورد مقام - إسطنبول 25.02.2016

عن انسان كلمات محمود درويش 
وضعوا على فمه السلاسل
ربطوا يديه بصخرة الموتى ،
و قالوا : أنت قاتل !
أخذوا طعامه و الملابس و البيارق
ورموه في زنزانة الموتى ،
وقالوا : أنت سارق !
طردوه من كل المرافيء
أخذوا حبيبته الصغيرة ،
ثم قالوا : أنت لاجيء !
يا دامي العينين و الكفين !
إن الليل زائل
لا غرفة التوقيف باقية
و لا زرد السلاسل !
نيرون مات ، ولم تمت روما ...
بعينيها تقاتل !
وحبوب سنبلة تجف
ستملأ الوادي سنابل ..!

عن انسان   كاميليا جبران

باكتبلكم من اوطى نقطة في العالم
من روحي الضلمة
باكتبلكم بارادة حرة
من غير ورقة وقلم
غير ميكروفون 
وخشبة المسرح تقول:
يا ايها الناس اسمعو
لم يسمع احد
يا ايها الناس اجمعو
لم يجمع احد
لكن ما زلت بقول واغني 
على خشبة المسرح
تمر ذكراكي ف خيالي اسرح
ما اعرفش ايه خلاني اعمل كده
لأ
عارف
انا كنت ضعيف وخايف
كنت بترجى الاجابة وانسى السؤال.
انا ابقى ايه ? 
وهبقى مين ?
وشايف نفسي فين كمان خمس سنين ?
سألتني (الاتش آر) بمنتهى الانانية 
وسكت بمنتهى الاهمال
لكن في عقلي تدور افكار عيال
ماعندهاش تربية
عن شكل رجليها تحت المكتب 
ولون الجزمة 
دلوقتي اقدر اجزم 
اني كمان 5 سنين 
هبقى كتاب مالوش لازمة
يسندو بيه كعب ترابيزه بتميّل 
مع السنده
.. 
انا مش عايز ابقى زي عم محمود
ومش ببحث زي بدر عن الخلود
ولا بهرب زي كيفي من الاله
ولا ازمتي في بنت حبيتها وصدتني 
فصدتني
- لكن -
هذا اقرار مني بندالة منهجي
وخذلاني لخلاني 
وهوان العشره على ولاد الحلال ، مش سهل
مش سهل برد الفرشة
كل اللي اتعلقو بطرفي ، 
اتعلقو بقشة 
انا ولا حاجة
انا اللي اخترعت اللاشئ وحبيته
وانا اللي نهيته بايديا دول
معرفتي بالحياة 
اني جيت في رابعه ابتدائي
حبيت ايه احمد
واني كنت خلفة صالحة
من اب صالح
وام صالحة
واني كنت فالح في العلام
واني كنت اول اخواتي
واخرهم باين
مش عارف
بس بردو كنت خايف
و أبله جليله 
كانت توصلني المدرسه بدري
درءاً لخوف امي اني اتوه
كنت بحبها لكن 
خليت امي تقطع رزقها
لما العيال افتكروها امي
وبقت امي توصلني
واقول للعيال امي اهي امي اهي
ما اعرفش ايه حصل
خلاني استعر من نفسي زي ابله جليله
من جوفي .. من خوفي 
و قلة حيلتي ، وهدوئي الكيّس
ما اعرفش ايه خلاني اوصل كده 
انا كنت كويس
كنت كويس
كنت بعرف انصح الناس
وآويهم 
كنت احب القعدة وسطيهم
لحد ما بقيت من غير قصد بأذيهم .. ويأذوني
اعزيهم .. يعزوني
وكنت 
في تانية ثانوي او في اولى
مش فاكر
لاجئ في بير مسعود
زي العساكر 
كنت بترجى نظرات البنات
ونظرات البشر 
دلوقتي نظراتهم تاكلني
*قرنفلايه تحت ضرس العقل* 
وانا معدي في وسط البلد بالليل
ما اعرفش ايه حبك لوسط البلد
ما اعرفش ليه حب البشر كلهم لوسط البلد
مالها اطرافها؟ .. 
بعيدة .. و غريبة زينا 
يمكن عشان كده بنلملم نفسنا 
من حوالين البلد
ونروح وسطها
عشان ما نحسش الغربة 
والغربة ناشفة ،، بتفرّط 
وامي لسه كانسة الارض م الفرافيت.
...
مسيري هوصل للي مش عارفه
ومسيري هبقى اللي مش عايزه
زي ما بقيت كده بالظبط
انا هموت بنوبة ذكرى
او بنوبة ضغط
مش عارف .. بس هموت
دي رحلتي بردو 
من الكيوت 
للاصفر البهتان
دي تكملة قصة امبارح
بس انا كنت تقريبا غرقان
ولسه بصحى اهو وبفوق
و انزل لتحت
ما اعرفش تعبان ولا ارتحت
ما اعرفش انا فين
ما اعرفش انا ليه
ما اعرفش ازاي
عليك السلام يا ضيف احمد 
والرحمة والبركات
وتعالى نوزع قُرص ، و نشرب شاي 
رحمة على روحك ، 
على كل اللي مات
اهو انا دلوقتي اقدر الليلادي ابات 
مرتاح
او شبه مرتاح
وبكره راح يطلع صباح 
هيثبتلي ان اللي قولته ده كله كدب 
وكل اللي هقوله كدب 
كلها محاولات 
لايه? ما اعرفش
بس بنحاول
بنحاول اننا نبقى اي حاجة 
عشان نعرف نداري 
طراطيف صوابعنا الخناجر
لو غرزناها في قلوبهم
هيصيبهم عمى في عينيهم
ويصيبهم شلل ف رجولهم 
معلش معلش معلش انا اسف
انا اسف اسف اسف معلش
انا اسف يا كل الناس
على جوف القلب وقلب الوش
اسف لخالي ابراهيم 
على رميته محروق 
اسف ل خالي حسين 
لما مات مضغوط
اسف يا خال مجدي 
على حادثة الاسعاف
اسف يا حاج سيد 
على وقعتك مكبوت
ودورة الكون بعدك دورة كاملة باستخفاف
كان ما حصلكش حاجة
اسف ل جدي 
اللي كان نفسه يشوفني رفيع 
عشان كنت بصعب عليه
تُخني بيدرّله الشفقة ف عينيه
ماعرفش ليه شافني مُدّر للشفقه
ماعرفش ليه شافني 
ذو شأن 
كل اللي شافه ما صابنيش 
لكن دوشني
ما اعرفش ليه ما ودعتوش قبل الموت
ما اعرفش كنت ببكي على سريره بجد 
ولا كنت بمثل عشان عمي يشوفني
فيحسني بحب العيله اكتر
ما اعرفش ليه بصغر دلوقتي او بقصر
ما اعرفش ليه بعد نبؤة كل العالم
اني هكون احسن واحد في العالم
دلوقتي بدمر كل قناعتهم عني 
ورؤاهم الساذجة العبيطة
ربما غرتهم لمعة خدودي 
ونظراتي الحويطة 
ربما غرتهم نفختي الكدابة 
ربما 
بملك برائة ف عينيا ، بس جوفي
ما فهوش برائه
في حاجات لو تطلّعو عليها
هتجحدوني بالحيا
او يمكن ترؤوفو بحالي
تمدو ليا ايديكو عطف
وعينيكو شفقة
انا اسف
انا اسف
هنام دلوقتي 
وبكره الصبح 
هكمل حياتي زيكو 
وتصبحو على خير 
ويبعدني عنكم في المنام
اول واحد بيصحى 
واخر واحد ينام
سلام
...
محمد السيد عزيز

انا كنت كويس

الصيف
رحلتي من كابتن الى عمو
بالنسبة لعيال الشارع
ريحة درة مشوي ويود مكبوت
بتردك عيل وياهم 
كام سنة جايين والشيب هيحش سواد الشعر
كام عيل راح يفضل عيل
وينادي عليا يا عمو
عديني الشارع
كام قلب يدق عشان خاطري
وكام بسمة هتفضل في وشوشكو
اذا فت عليكم بالصدفة
كام مرة هحاول افضل 
طفل كبير
كام مرة الناس تستحمل
قسوة صدري
كام مرة هزوغ قاصد
من شيب الشعر ودوب الكعب
وتجاعيد الدنيا ف عيني
كام مرة وكام مرة فاضلي
ما فاضلش كتير يا عيال 
مافاضلش كتيريا عزيز
الحق جرب عيشة العواجيز
...
ريحة مطحن بن تطل في بلكونتي
زمارة غزل بنات
سرسوب الشمس الطابع فوق حيطة الصالة
رغم رطوبته
مين فاضل متعشم في الخير
طبع طفولته
مين حب العيل فيه 
مين قسى عينيه ؟ 
مين ضامن يلقاه في الجنه
ضمن الولدان 
مين عاش انسان زيه راح يفهم لكن
بكره هيزهق
والدنيا تراهن ع الزهقان
لو رمى طوبته...
..
عيال كتير متشعلقه ببكره
وعيال كتير مراهنه ع الصدفة
وعيال كتير تحب ما بتكرهش
وعيال كتير عايزه 
لكن خايفة
وعيال كتير تكبر لكن بتموت
وعيال كتير تفضل عيال
وتموت
وعيال تخاف من بكره 
بس الأمل
بيشد ايد الدنيا بالعاافيه
ايد العيال دافيه
وايدين كبار ساقعين
هتشوفنا في الفتارين اذا فايت 
فوق جسمنا قمصان من الغالية
تخرقها نظرة موظف جيبه مش فاضي
بس العيال طول عمرهم أولى
انا العيال اسقيني وقت الحر
اغرسني لو قامت قيامتي 
فوق شطوط الملح
اطل من فوق البشر صفصاف
أضل وقت الحر على روسهم
اتلقى النسيم يطبع على خدود العيال
ومافيش ثمر هيطل من غصني
ولا حد دافن كنز فوق جدري
...
منسي يحب الفكر ف الأموات
يرجعهم صور اطياف 
تدوب ذكرى
اعمى
يحب البص ف عيون البنات
وسماع غنى صدورهم اذا حرة
سلام عليكم
وعليكم سلام
يا ولاد بترمي الشبكة ف الموجة
تطلع بلا محارة ولا اسماك
تطلع لنور الشمس معوجة
الدنيا سنت سنة
واحنا سنينا السنان
نعض قلوبنا في الضلمة اذا خوفنا
نقسم ضلوعنا اتنين على جوفنا
ونداري دمع اتدارى
في الاركان
...
الموج يهد الحفرة لو حافرينها ليك
يعكس صفار الشمس جوا عينيك
يلمس خدود السمرا تقلب حمار
وعمار قلوبنا طول ما فيها النور
وعمار يا دنيا
طول ما فيكي بحور
وسلام عليكم
واحنا لينا الايدين
تترد باردة تتلج 
الدمع ف عينيك
ينزل ازاز مكسور على الأسفلت
مين رد قلبك بعد اما كان بيطير
مكسور جناحه بيشحت الانسان
....
محمد السيد عزيز

عيال الشارع

ماشي كإني عارف السكة

كانت 
الدنيا دايرة بزمبلك
كانو عيال
كنت الملك
دلوقتي بهرب م النبي 
ما بصليش عليه
اصب عرقي مع البلح
وارفعها سِك
الِّف تُقل الدنيا على صدري
لا يصيبني برد
اهرب 
اشتري لحبيبتي ورد
تدبل معايا 
اما ادبل معاه 
اوصل حدود التراقي 
القى ايادي تشب
ارجعها مشي زي من هنا
لحد العِب
تتلف ساق على ساق
فاتكعبل في القسا
لسه ؟
لساه
لسه الايادي اهي بتكتب 
...
فات الربيع ع الروح 
لم الشجر 
والورد 
والنسمات
هزت ايدين (اسراء) ف كتفي
(قوم 
بابا 
مات)
هزة الاسفلت في يناير
بالدبابات
صوت رعد في يوليو
في دماغي بس 
لا صوت طلع
غير همهمه
على همس
دلوقتي نقدر نسيب السطر ده وننزل
دلوقتي نقدر نسيب الرحلة دي ونتوه
هزة ايديكم
وانتو بتحطوه 
في مثواه الاخير 
في صورة ف التابلوه 
في ملامحي
وف بدل جوا الدولاب
وخطوتي كل يوم ع الارض 
بلا اسباب
...
هتبقى حدوته حلوة وملتوتة
هتبقى النهاية مأساوية يا رب
لو بس تسمح ما تخليهاش ممطوطة
وتنتهي قبل انتهاء الحرب
سلاحي مش مسنون 
غير على رقبتي
وضوافري ما بتخدش 
غير ايدي
الموس حافظ طريقة لوريدي
والخوف عظيم 
بيرُد ايدي عن ايدي 
....

فتحت صدري على الدنيا
قولتلها ها ؟
قالتلي ها هاهاها
دي تجربة 
مهما تجرب تفضل الخسران
انا قولت طيب 
مش هلعب
هقسى وهتعب
تلاعبني تغلبني وتكسب
وانا مش ندمان
الشق حط ايديه فيا
وانا وحديا
بغني نفس الأغنية
فات ليها زمان
.....
كتب على قبره: 
" اخيرا
هاأو,,, خليكو عايشين"
اتحول صوت بالليل يسري
ف قلب الصاحين
ما بقاش بيخاف لا نهار يطلع
يكشف عيبه
ما بقاش بيخاف يتحول مسخ 
بالاعيبه
مابقاش بيخاف ولا مين هيقابله
ولا يسيبه
مابقاش بيخاف من بكره الجاي بايه وبمين 
ما بقاش بيخاف م البني آدمين
مابقاش بيخاف
ما بقاش

محمد السيد عزيز 
..

بغني نفس الأغنية

توكسيك- the drunk freestyle your girl love

All rights belong to Jesuit cultural center :)

ماشي كإني عارف السكة

Mohamed Aziz

Recent comments

Fady Mohamed 5

Related tracks