أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

رباعيات صلاح جاهين .. علي الحجار (ولدي نصحتك لما صوتي اتنبح(

فرقة الطنبورة البورسعيدية 

ALTANBOURA BAND -- SHOFT AL2MAR   شفت القمر - فرقة الطنبورة السمسمية

من امسيه شعريه لأمين حداد بساقية الصاوى.

اسكندريلا - هاتلى يا بكره صفحه جديده

الآهه ساكنة الصدور - عمار الشريعى


  كلمات : عبدالرحيم منصور    
ليه تسكتى زمن  ..  اتكلمى
ليه تدفعى وحدك التمن ..  اتكلمى
وتنامى ليه تحت الليالى ..  اتكلمى
المشربيات عيونك 
بتحكى ع اللى خانوكى
واللى سنين هملوكى
جوة البيبان سلسلوكى
وليه تسكتى زمن ..  اتكلمى
ليه تدفعى وحدك التمن ..  اتكلمى
المشربيات عيونك بتحكى على خلق ولت
سهرت  ..  وصلت    ..   وعلت
فى الصخر شقت ماكلت
انا ابن كل اللى صانك
رمسيس وأحمس ومينا
كل اللى زرعوا فى وادينا
حكمة تضلل علينا

اتكلمي  .. تسجيل لأحمد منيب

محمد منير _ اياك تئن…Mounir

كلمات فؤاد حداد
ألحان سيد مكاوي
غناء عبد الحميد الشريف

صفحة فؤاد حداد على الفيسبوك 
http://www.facebook.com/Haddad.ElTo7fageyya
قناة المسحراتي
http://soundcloud.com/foaadhaddad1
مشروع التحفجية 
www.elto7fageyya.com 
www.facebook.com/el.to7fageyya.home

أمنية واحدة و أعيش مسرور
مهما الزمن يقلب ويدور
كفاية قلت صباح النور
والملك زي اللبن الصافي

يارب ولا يتبدل أبداً حمل الوطن من على أكتافي

آدى النخيل آدي الأبراج
الخضرا في عيون الحجاج
ياما ملوك لابسين التاج
على ترابها حسدوا الحافي

مصر الحبيبة مع الأحباب
هيا اللي تضحك من غير ناب
بين العرايس والخطاب
ترمي السؤال والرد الشافي


لو يوم صحيت ولقيتها بعيد
أسرق ريحتها بقطع الإيد
معرفش غيرها قديم وجديد
بالليل قمر والفجر عوافي

يارب ولا يتبدل أبداً حمل الوطن من على أكتافي


اتكلمي .. تسجيل لأحمد منيب

Mohamed Eltoony