Album Name : Zamn EL-3agayb
Mix & Master : Gigo
Rec. @ : Fo2sh Home Studio
الالبوم بيتكلم عن مواضيع كتير ومهمه اوى فى حياتنا 
يارب الالبوم يعجبكو متنسوناش فى الشير بقه <3
فؤش

Mohamed Foaad - Album Zamn EL-3agayb " Mixtape " 2016

Amr diab

Lyrics By : Tamer Abed
Verse 1 : Mohamed Foaad " Fo2sh"
Mix & Master : Gigo
From Album : Zamn EL-3agayb 2016
Beat : Free Beat
Rec. @ : Fo2sh Home Studio
Lyrics : اوترو 
حبة مشاعر مُبهمة او مُلهِمة
أو يمكن حاضره عشان تموت
مش قادرة تنسى عشقها
ولا عارفه مين بيغشها
ولا راضي يعرف نبضها
معنى السكوت
حبة صمود لو تقدري
أنا مش هسيبك تظهري
ياتعيشي خاضعة لعزلتي
ياتفارقي قلبي وترحلي
ليه تحيي فيا جرح مات
ومعانده ليه رافضة السكات
ولا انتي فاكره الذكريات
شئ مستحيل بيه تكفري
لأ تكفري لأ فكري
فكي القيود واتحرري
مبقاش خلاص ينفع حنين
كنا احنا فين وبقينا فين
ولا احنا اصلا موعودين
نعشق سراب
اجري عليه لاجل احضنه
القاه تراب
حتى العتاب مالهوش نصيب
انا عقلي رافض يستجيب
انا كنت بيكي ذنوب كتير
لكن خلاص انا حد تاب
حبة صمود لو تقدري
ياتسيبي قلبي وترحلي ..

13 - Outro ' 7abt Msha3r ' - اوترو

Lyircs By : V 1 " Gigo & V 2 " Mohamed Foaad
Verse 1 : Gigo
Verse 2 : Mohamed Foaad " Fo2sh"
Mix & Master : Gigo
From Album : Zamn EL-3agayb 2016
Beat : Ma Balash " Hamaki " 
Rec. @ : Fo2sh Home Studio
Lyrics : ما بلاش
مغترب جوا قلبك و حاسس بالانين
 مسكتك صمام قلبي من غير حلف اليمين 
كان فأيدي ازلك واتمنتلك السعاده
 كنت بحبك حب جنون مفيش زيه استحاله
 كنت ابص بس فعينك كنت بنسى اي هموم 
كنت راضي بالقليل كنت راضي بالمقسوم 
كنت اتغير ايوه عشانك كنت اصبر نفسي بصورتك
 صوره جوا عقلي رسمها وراسم غيرها بحر رسوم
 قلبي شال ألوف لكن انتي كنتي الدنيا
 عمري لو فقربك لحظه لو فبعدك تبقى 100 
حبي للسعاده كنت رابطه بحبي ليكي 
نبني كل توبه فبيتنا بيكي يكمل كل ديني
 قلبي كان بيدق فقربك دقه فبعدك استقر
 انتي فبحر الحب مركب وانتي برضوا كنتي البر 
حبك وكفى .. من غيرك عمري داش 
رافض فكره كنتي قلبي يقول ... ما بلااااااش
---------------------------------------------------------------------------
لو قالولك انى بكدب ع البنات
انى كل يوم بحضن صبية من سكات
انى برسم دمعتين واعيش كمان ف الذكريات
ولما تضحكلى البنات..... تلقى قلبى مال لهم
والله قلبى ملهم ........ والله قلبى ملهم
رد عنى يا قلبها وقولها
ازاى اكون كداب وعاشق صبح ضيك؟
هو فى ف الدنيا زيك؟
ازاى اكون برسم دموع متلونة ويا البنات
ده انا اللى بنزف من سكات
انا اللى طبعى من دهب
انا اللى طول عمره شاريكى
دوبت فيكى عمرى كله
قلبى بعدك اية فاضله
قلبى بعدك مين فاضله
انا الكداب واقول ناسى ف يوم حبك
انا المسجون ف ضى عنينك الحلوين
انا الغرقان ف بحر حنين ومش هوصل
انا هوصل لموتى اكيد فدا قلبك
فبلاش تغيبى عنى تانى
ما بلاش تبعدى مره تانى


06 - Ma Balash - ما بلاش Ft " Gigo "

Lyircs By : Mohamed Foaad " Fo2sh "
Verse 1 & 2 & 3 : Mohamed Foaad " Fo2sh"
Chourse : Sufi Band
Mix & Master : Gigo
From Album : Zamn EL-3agayb 2016
Beat : B8yabk
Rec. @ : Fo2sh Home Studio
Lyrics : بغيابك

في البدايه حولت اوضح ان الدنيا ديه فانيه 
خدت طريق الذنب مصير شفت الدنيا ديه خاينه
استسهلت ...  للذنب بقيت مبتوبش
 بعمل كل اللى عايزو لحد امته انا معرفش
خايف طب و ازاى ما انا كنت ما بخفش
اخدونى نسخه من ابليس ازاى وليه معرفش
شفت دنيا خاينه قاسيه دواره في سنين كتير
شفت كره حقد بقذاره تعبت من التفكير
لازم اراجع نفسى قبل ما يفوت كتير
لازم ارجع لربنا هيسمحنى ده قلبه كبير
نصيحه يابن ادم فكر ولو للحظه في التغير
فكر ازاى تعيش لله تعيش بردو بضمير
------------------------------------------------------------------------------
من صغر سنى لحد ما وصلت سن الرجوله
ذنب ف ذنب بعمله من بدايت الطفوله
خدت طريق الذنب مخير مش مصير فيه
عجبنى فستسهلت فمشيت في الدنيا بيه 
ابتديت ابقى وحش في اقرب حتى الناس ليا 
اهلى صحابى و حبيبتى ومفضش يوم بيا 
هيا الحياه علمتنى اخدها كدا 
طايش عايش بلا مبلاه بدون حساب و رقيب
بعدت عن صلاتى بعدت  عن القران 
بعدت فالدنيا اتقفلت من جميع الاركان
خايف اكون مش هتسمحنى لما اتعشم فيك
وجودك جمبى حمينى راجع تايب اليك
-----------------------------------------------------------------------------
راجع تايب اليك كنت واثق من وجودك جمبى 
كانت عارف لما ادعيك هتسامح و تغفر ذنبى
نصيحه يابن ادم فكر ورجع اليه
ارجع ولو ذنوبك هموم جبال خليك عشمان اوى فيه
ربك رحمته واسعه خلقنا عشان ندعيه
من كل هم  وذنب و ضغط خليك واثق اوى فيه
هو اقريب اليك من حبل الوريد


05 - B8yabk Remix - بغيابك

Lyircs By : Mohamed Foaad " Fo2sh "
Verse 1 & 2 : Mohamed Foaad " Fo2sh"
Mix & Master : Fo2sh
From Album : Zamn EL-3agayb 2016
Beat : Mabnsash " Karim Mo7sen "
Rec. @ : Fo2sh Home Studio
Lyrics : فاكره 
بعد الفراق الكل يسالنى انتا مين 
بضحك وزياده على الكلام ف دموعى تنزل من العنين
حاسه اللى بيا .. طب عنيى بتوحشك
حاسه ان صوتى في سكوتى بيوصلك
لسه فاكر كل ضحكه و كل كلمه قولتها 
فاكره لما قولت عاشقك كنت صادق وقتها
فاكره لما كنت اغيب عليكى او تغيبى 
كنت بحس الكون غريب اوى من غير حبيبى
فاكره لما اكنت اضيقك بالكلام عشان تغيرى
واما تغيرى احس بعدها بدموع كتير فعينى
كل اللى فاتنى انا نسيته بس فاكر ضحكتك
فاكره لما كنت اقولك انى عاشق دنيتك
فاكره لما كنت ازعل تحضنينى في جنيتك
سيبالى ليه ذكرى تاخدنى لابعد ذكرى لسكتك
انا عايزك انتى و عايز بدل الذكرى تبقى اصل
انا زى طفل في ابتدائى عاشق بنت جمبه في الفصل
----------------------------------------------------------------------------
انا قلبى عاشق للحياه .. انا قلبى عاشق للغنا
انتى زى الرحمه ليا و انتى بردوا لملهمه
انتى وانا .. وانتى انا .. انتى بكل الامكنه
وانتى القدر وانتى اللقا .. وانتى الجميله الطيبه
الوقت في بعدك مبيجريش و الثانيه تعدى  سنه
انا  لو مش ليكى  لمين هعيش .. ده انا اموت في ثانيه سنه
انا لسه بعيش ماسك ايدكى .. فحاولى  تبقى انا
انتى الحلم اللى بحلم بيه وانتى الاغانى الممكنه
طب فاكره .. لما بقلدك وبضحك  ضحكتك
 فاكره اخر مره جريتى عليا فخضتك
فاكره لما اتحميتى فيا من وحدتك وصحبتك
انا كنت عاشق عشق الاب فحبيتك وخليتك
بنتى الوحيده .. بنت قلبى ونور عنيا 
انتى صوت الكمان معزوف جوه اغنيه
لو لسه بقيا على اللى بينا .. اهربى منى فيا
ده انا لسه ماسك ايدك فمتسبيش ايديا



04 - Fakra ' Pt 2 ' - فاكره اا

Lyircs By : V 1 " Gigo & V 2 " Mohamed Foaad
Verse 1 : Gigo
Verse 2 : Mohamed Foaad " Fo2sh"
Mix & Master : Gigo
From Album : Zamn EL-3agayb 2016
Beat : Free Beat 
Rec. @ : Fo2sh Home Studio
Lyrics : اربع حيطان
مابين ميدان الوحده الضحكه هشه زي الخيط
بيعد سنين حياته وعمره ضاع على كل حيط
سقف حلمه تحت سقف السجن بخمسه سانتي
مابين جدران الموت يعيش العمر زي الطيف 
وصف الحاله شخص عادي استنى يمكن يلقى الحتف
قلب جف دمع جف رباطة جأش اهل الكهف 
عمر سف .... مابين تراب السجن القلب باش
ملحوظه جرح القلب مش هيعالجه حبه شاش
فكتف الخوف ملامحه تظهر قلب نبضه باهت
رسم القلب عالجدران عمر العمر كان عالهامش
الحزن يونس وحدته العتمه تطايب خاطره
الدمع بيحضن غربته والهم يزود صبره
عايش بقلب وعقل وروحه متجزأه 
مش مسأله صبر اتخنق حلم اتولد يومها اتقتل
سايب  ...الوقت يداوي جروح وحيرة قلب احتار  
سهل تنسى لقطه ... الدنيا كاس وبار
----------------------------------------------------------------------------------
سامع صوت انسان ملهوف
عزة نفس فضهر الخوف
صوت المقام مكتوم صوت النايات مجروح
صوت الكمنجه فعينه سكوت
----------------------------------------------------------------------------------
فوسط اربع حيطان متلجم بوقى عينى  ايديا متكتفه
سامع صريخ جوه منى بيقول انسان فاشل
فوسط اربع حيطان مخنوق مكبوت 
والكبت باين على الجدران 
مكتوب كلمه بالشقلوب في كل ركن في الحيطه
سيبالى ذكرى منسهاش
انسان و عاش مخنوق مقيد كويس انه عاش
ليه الناس بتدور حوليا بالف وش ووش
ناس بتبيع ناس بتخون ناس بتسيب و ناس بتغش
وما بين الناس محبوس في اوضه عتمه ومبيفرقش
معاهم شكلى ولا حالى .. لو سكت اى يجرالى 
ليه الطيبه الزيده بيفتكرو ضعف نفوس
لا نفوذ لا فلوس طب ما تبوص ورا الكالوس
هتلاقى الطيبه قلب ابيض طالع من جوه الفانوس
هتلاقى الطيب روح الحياه وانسان دايما يفوز






03 - Arba3 7atan - اربع حيطان Ft " Gigo "

Lyircs By : Mohamed Foaad " Fo2sh "
Verse 1 & 2 : Mohamed Foaad " Fo2sh"
Chourse : Fo2sh
Mix & Master : Gigo
From Album : Zamn EL-3agayb 2016
Beat : Instrumental Beat
Rec. @ : Fo2sh Home Studio
Lyrics : زمن العجايب
زمن العجايب زمن الهلس زمن الكاش
معاك فلوس تدوس مفيش حاجه خلاص ببلاش
تتعشم في ناس بزياده تلقى الناس بقت اوباش
اوباش تحوم حوليك تخد صدمه تتدخل انعاش
زمن العجايب كل يوم بيموت الشايب 
 اضرب المربوط هيخاف السايب 
السرقه  بتيجى من المال السايب 
سرقه جهل فقر ولسه جوه زمن العجايب
الحاوى عنده كتير ياما لسه في الجوارب
ارانب وخداها ناس مش من حقها
تعليم فساد اخلاق و الرقاصه لقيا بختها
ام عشان الفلوس ممكن تبيع شرف بنتها
ملعون ابو الفلوس اللى يخليها تبيع عرضها
الحب .. الكدب .. الذنب .. الحقد حاجات ملت قلبنا
الكره .. الغدر .. القله .. السلب بقيت من طبعنا
اجرام .. اخلاق .. اهدار في المال مص وفدمنا
رشوه .. وفساد .. فن ... ابتذال موجود جوه شعبنا
-------------------------------------------------------------------------
ميكروباص جديد فاتح بابه لناس غلابه
حكايات كتير وياه اهلا بيكو جوه يا ساده
زمن العجايب هل هتشوف بعنيك وخد افاده
حكايات وجع وحنين وخد عشاق تهريب بزياده
-------------------------------------------------------------------------
ميكروباص فاتح بابه لكل الناس
من اول السواق ولحد اخر راس
اهالى كتير جواه وشباب واقف محتاس
مليان كتير حكايات وكلام كتير في الراس
ميكروباص شايل هموم الناس و الكون جواه 
تسمع احلى الحكايات لو لفيت معاه
غلط العقل اللى اقال ان بكرا احلا
بكرا لو شاف الناس لبكى وداعا الله
سواق بشهادته يقدر بفتح اكبر شركات 
ملقاش شغل في البلد لقا ادمن مخدرات
ام بتدعى ربنا لبنها اللى مات 
سافر لجل لقمت العيش غرق ومن سكات
في هجره غير شرعيه من شده الازمات
شب ومات مقتول من النصب  للبهوات
اب مسحول مع بنته بيشوف يجوزها ازاى
مرتبه في اخر الشهر بيكفى اللى جاى
شب فارق حبيبته  شرخت اهاته الناى
لملم دموع عنيه وشرب الذكرى شاى 
وفى بنت باعت عرضها نهش الفقر لحمها
الدنيا بتيجى عليها كبرت لقت فقرها
عمال بيعرى فيها و الفقر مستنيها
 واخد كل اللى ليها وشباب بتلعب بيها
راجل عجوز حكاى .. ابنه الكبير هانه
قال ايه عاوز ابوه .. يكتبله راس ماله
مراته لعبت بيه لجل الفلوس و المال
ملعون ابو الفلوس اللى تقسى العيال
ميكروباص ودنيا تلاهى ولسه ياما فيها
حكايات كتير بتدور سبحان مغير الاحوال


02 - Zamn EL-3agayb - زمن العجايب

Lyircs By : Mohamed Foaad " Fo2sh "
Verse 1 & 2 : Mohamed Foaad " Fo2sh"
Mix & Master : Gigo
From Album : Zamn EL-3agayb 2016
Beat : Instrumental Beat
Rec. @ : Fo2sh Home Studio
Lyrics : انترو
عوجه بورنيطه ونص عين سببتى جوه دايره
وسلاح بيطير ناس في ثانيه الا ثانيه
والسالبه بتصيد ارواح على روحه كانت جانيه 
على فرسه سودا غضبانه بترفص في ولاد الز...
عود التبغ مبيفؤقش ايدى وواجهى عابس 
عقد احتكار مع الشيطان ولخبثه دارس هارس افش
ما الفؤش لفوق اكيد لفوق من غضبى اجنى دوق
لو صح فوق شق الشقوق فشوقك يجنى شوك
-------------------------------------------------------
الحفله ابتدت حضرت العفاريت فؤش جه ها قد عاد من جديد
ارفع ايديك طب عالى البيت تسمع مزيكا بدون تعقيد
فلوهات تنطيت طب خد يعبيط شايفك واقف هتظيط
ده فن نضيف مش فن هالك .. 2 فى 1 ارض المعارك
ده فن نضيف مش فن هابط .. والقدره فى المعارك
طب تعرف تعمل كدا .. طب تعرف ترقص هنا
اه لو لعبت يا ظهر و مفيش صاحب بيتصاحب
الشعبى ده امره سهل .. وانا جاى من ضهر راجل
اسنجا دلع بنات طب خد وهات هاتلى كيت كات


01 - Intro ' t3rf ta3ml keda ' - انترو

Mohamed Foaad is an underground Egyption Rapper Born and Raised in ismailia 1992 ,, Started rapping in 2010 