قراءة القرآن بصوت الطالب يوسف فايز 

بعض فقرات الإذاعة اللي ممكن الصوت ما يكونش واضح فيها أوي

::::::::::

صباح الفل
صباح السعادة صباح التفاؤل 
صباح الخير على كل اللي سامعينا ومركزين معانا  
أنا يوسف هشام من راديو مدرستي
صباح الخير عليكو يا جماعة
** صباح الخير يا يوسف إزيك
أنا تمام انتو عاملين إيه
**تمااااااااام
إيه أخبار الأجازة
** هااااه ؟
لأ ولا حاجة أنا آسف

ألو أيوة يا مستر
أيوة حاضر بنبدأ اهه
حاضر
سكوت يا جماعة
أكشن
___________________________

كل سنة
في أول الدراسة ... تقريبا بقول لنفسي نفس الكلام 
 
بقول لنفسي السنة دي أنا هذاكر كويس ... أنا متحمس جدا ومش هفوت يوم غير وأنا مذاكر كويس فيه
 
دايما الكلام ده بيكون بس عشان متحمس وبعد كام يوم دراسة بنساه  طب إزاي
 
أنا أحمد سعيد من راديو مدرستي ، وجاي أسأل ، إزاي أقدر أواظب وأكمل السنة بنفس حماس أول يوم
 
المسألة بتتلخص في 6 خطوات
 هنسمعهم مع بعض من حسن التهامي وهاجر سامي

الخطوة الأولى
لو انت محتاج تنام ادخل نام
لانك عشان تذاكر لازم تكون مركز وعشان تركز لازم ترتاح خصوصا بعد يوم دراسي طويل اوي

الخطوة التانية
حدد هدفك
شوف المفروض تذاكر ليه؟ عشان تبقى متفوق وسط زمايلك؟ ولا عشان تفرح باباك ومامتك؟ ولااا عشان تبني مستقبلك ولما تكبر تشتغل الحاجة اللي بتحبها؟

الخطوة التالتة 
اكتب هدفك في ورقة
بس أهم حاجة إنها تفضل قدامك وتفضل شايفها على طول
ممكن حتى تعلقها

الخطوة الرابعة
افتح كتابك ياعم 
ابدأ ذاكر بجد هو كله كلام !ّ!

الخطوة الخامسة
سيب المذاكرة
بعد 50 دقيقة من المذاكرة  حتى لو ماكنتش خلصت سيب  الكتاب وقوم اعمل أي حاجة
أهم حاجة إنك بعد كل 50 دقيقة مذاكرة تاخد 10 دقايق راحة عشان مخك يفضل نشيط 
وهكذا لحد ما تخلص مذاكرة اليوم

الخطوة السادسة
ادعي ربنا
خليك قريب من ربنا وادعيه على طول وتوكل عليه بس أهم حاجة اعمل اللي عليك
_________________________________________

أنا ساعات كتير وقتي بيضيع من غير ما أحس ... تقريبا بلحقش أذاكر حاجة 
طول عمري بسأل نفسي سؤال محير جدا ... إمتى هبقى منظم في وقتي؟

أنا محمود النبوي من راديو مدرستي
لما قريت ودورت وسألت عرفت حاجات كتير ممكن تساعدني في الموضوع ده
موضوع إني إزاي أخلي وقتي منظم أكتر وبالتالي هقدر أخلص كل اللي ورايا وأنا مرتاح

أهم حاجة في الموضوع إنك ترتب أولوياتك
حدد إيه هي الحاجات الأهم واللي مفروض تخلص الأول
أكيد هي دي البداية المناسبة للحاجات اللي مفروض تذاكرها

حاول تحط جدول صغير بأولوياتك خلال اليوم وحاول على قد ما تقدر  
تنفذ أكبر عدد من الحاجات اللي فيه
أصل المذاكرة عايزة اللي يمخمخلها مش اللي يبقى منفعل ومزنوق

خلي هدفك إنك تخلص مذاكرتك بإتقان في وقت مناسب بحيث يفضل عندك وقت في اخر اليوم تقدر تستغله في اللعب أو غيره

اليوم فيه 24 ساعة
حاول تقسمهم بجدول وما تضيعش وقت على الفاضي
خلص مذاكرتك الأول واعمل اللي انت عايزه
بس أهم حاجة 
حدد أولوياتك خلال اليوم ورتبها واعملها في جدول وحاول تلزم نفسك بيه طول اليوم
  
____________________

أنا بقى الواد الجن
أنا إبليس من راديو مدرستي
سوري سوري
أنا حسام أيمن من راديو مدرستي
والنهاردة قررت أتكلم بلسان صديقي الصدوق المعلم إبليس
إبليس مرة قالي : وانت تذاكر ليه ما انت كده كده هتنسى
قالي إني أنا ممكن ألعب براحتي وقبل الامتحان بكام يوم أبقى أذاكر وبكده هفضل فاكر
قالي مش مهم تعمل الواجب
ليه تتعب وتعمل الواجب بنفسك لما ممكن تنقله من أي حد بكرة في الفسحة؟
فيه حاجات أهم وراك ... ماتش الريال والبارسا بالليل ... مين غيرك هيتفرج عليه
قولتله تصدق يابو الشياطين أقنعتني
بس تفتكر في الكام يوم اللي قبل الامتحان فعلا هقدر أذاكر الحاجات دي كلها ولأول مرة
قالي اه ياعم أومال إيه ... انت ذكي جدا وهتقدر تحفظ بسرعة

وجه يوم امتحان الميدتيرم
طبعا انتو متوقعين اللي حصل 
لأ هو أنا ما سقطتش ولا حاجة
الحمد لله جت سليمة المرة دي

بس في امتحان التيرم مكنتش عارف حاجة فعلا وأنا بحل   
حاولت آخد من أي حد جنبي أي سؤال بس المستر قفشني
ويوم النتيجة كان الكل بيهزأني
مكنتش قادر أبص في وش بابا ولا حتى المستر
جيت أنادي على أبو الشياطين أسأله أعمل إيه لقيته ما بيردش عليا
أتاريه عمل المقلب المرة دي فيا

من يومها وأنا وقفت مع نفسي وقفة وقررت أرجع تاني ألتزم 
حاول يجيلي يكلمني تاني بس ده بعده
أصله لا يلدغ المؤمن من جحر مرتين

ولا يقدر يعمل معايا حاجة تاني ... خلاااص حرمت 
____________________

لا لا لا 

تؤ برضه مش ده

إيه السخافة دي برضه لأ

أنا ربا طارق من .... اه .. من راديو مدرستي
هو في الحقيقة أنا أصلا مش من الشبان
احنا كنا زمان بنزور المدرسة هنا وأنا تقريبا تهت من بابا وماما
ومن يومها وأنا كل يوم عمالة أدخل الفصل وآخد حصص
الحقيقة دي حاجة حلوة وسخيفة
صعبة وممتعة
كل حاجة كده في نفس الوقت
على الرغم إني ممكن أبقى متضايقة شوية وأنا في الحصة 
إلا إني فعلا بستفيد
بحس إن كل معلومة جديدة بسمعها أو بقراها دي إضافة ليا 
مرة حد كبير
ما تحاوليش تبصي للمذاكرة على إنها عقبة في حياتك ... حاول تشوفيها سلم  من خلاله هتقدري توصلي وتحققي ذاتك
من ساعتها وأنا حاسة المذاكرة فعلا حاجة مهمة
وحاسة إني لازم أستفيد بكل معلومة بسمعها أو بذاكرها
أصلي قولتله إني نفسي في المستقبل أبقى حد مهم جدا ومعروف
قالي ابدأي ابني مستقبلك دلوقتي باللي في إيدك وانت هتوصلي 
ما تحاوليش تبصي للمذاكرة على إنها عقبة في حياتك ... حاولي تشوفيها سلم  من خلاله هتقدري توصلي وتحققي ذاتك

راديو مدرستي 1

فيل ازرق

كلمات: حسين جمال

غناء و الحان : محمد علاء

توزيع و ميكس : خالد أقبال


---------------------------------
حياته قصة ماتتفهمش .. و أخرها لغز ما انتهاش
بيدور في متاهة متتوصفش ..
و في حلم أخرس ما أنحكاش
معشش جوا منه وشم مرسوم .. و مهما يحله يطلع شخبطة
مدفون في قلبه حب مكتوم .. و حياته بقرص قلبت لخبطة
..
حياته قصة متتفهمش .. و أخرها لغز مانتهاش
بيدور في متاهة متتوصفش ..
و في حلم أخرس مانحكاش
عايش علي حبة فيل أزرق .. و في كل حلم قميص المأمون
من كتر المتاهات اللي دخلها .. أختلفوا مين عاقل و مين مجنون


فيل ازرق _ غناء محمد علاء

Link Elpage : https://www.facebook.com/Mohamedfoaadakafo2sh


04- 2lt Asl - قله اصل

اه يالالالي - محمد منير (Cover )

سجن أمشير

الكلمات:

ليه انحصر أمشير ما بين اربع حيطان ؟!
ليه الشتا بيلخصّوه بس في جراح !!
ليه الدموع مبتفتكرشي جريها
الا اما تسمع جملة مقفولة ب " ديسمبر "
ذكر الجمال ع الألسنة بيقلله
و الزهد في ذكر الجمال بيجمله
علي فكرة كل الفكرة ان الافترا
علي برد أمشير الحزين بيزعلّه
ليه شوهوا كل القهاوي والغناوي والشوارع والمداين والكنايس والجوامع والقصايد و المشاعر 
ليه كل مين ذم ف ديسمبر يبقي شاعر
ليه انحصر أمشير ما بين اربع حيطان ؟!
وحصرنا وسعه ليه ف غناوي المجروحين
رغم انّه عمره ف يوم ضاق
وحصرنا أكله ليه ف جراح العاشقين
رغم انه عمره ف يوم ما داق
طب ليه بقيتوا تقيدوه أو تربطوه في سلاسل القهوة العرب
وبتحبسوه ف أسوار غناوي ستّنا فيروز
ونسيتوا غزل كوفيّة روز
دفيانة ف ايدين جدّتي تغزل طرفها مع دعاها لو تشوف طيف جدّنا في الحلم
ونسيتوا بردو جاكتة صاحبي دقها علي كتفي لما البرد هدّد وقفتي مع انّه عارف مشهده مش جوه اي سيناريو خاص بالفيلم
 ولا عمره هيكون البطل
ونسيتوا كل ستارة لمّت طرفها واتجسست علي قيس وليلي جداد يادوب بيسطروا قصص الهوي ومش هاممهم اي قصة عن الحدود ان كان في حرب عليها ولا فيه سلم
ونظركوا فات دخانّه طالعة من بيوت سادها الدفا
وايدين بتشبك ف الايدين .. متكتفة
والنظرة اللي مهيش ف يوم متكلفة
كل الكلام ع الحضن بين ليل الشتا
ده كلام قديم محتاجش مني فلسفة
وسمعكوا فات صرخة سما متلخصة في الرعد
او فضفضة من واد الاتي في عشق السجاير فرط
والكيميا اللي ما بين زعيق الناي
وشرب الشاي
وندب الحظ من راجل لكّن بكاي
ليه انحصر أمشير ما بين اربع حيطان ؟!
كنا ف اواخر الشتا قبل اللي فات
كل اللي فات راح عصره بعده وانتهي
خلينا ف أوائل شتا قرب يهل
واصوات كناريا رفرفت في المنتهي
قطر الندي فوق الازاز والشيش
البرد قتال كل اللي زاهدين ف الحياة
لكن يهاب كل اللي قرر يوم يعيش
كم الهدوم غطي الصوابع والايدين
لكن مغطاش ورقة نتيجة تخص أمشير الحزين
أمشير بيستاء مننا علشان حصرناه جوه دور فاتن حمامة ف الصراع
علشان حصرناه في الكآبة وفي الفراق وف كل غنوة عن الوداع
ممكن يكون مستاء كمان جايز عشان كل البشر وصفوه بانه اوفي وفي 
مع انّه تعلب في الخداع
ليه انحصر أمشير ما بين اربع حيطان ؟!
فيروز وقهوة وجرح وف ضلمة أوضنا
وعمانا عن أشياء ف ايدنا أو قصادنا
ليه انحصر في سؤالنا مالكوا و ف ردنا ابدا مفيش
ليه انحصر ف الرعشة من ايد سلمت أمر الفراق
مستحملتشي طفح موج بحر الهوي
يا للأسف .. علي الكورنيش
رغم اقتتالي في الدفاع عن شهر أمشير الحزين
رغم اني حاسس ان أمشير اتظلم
لكن حقيقي كل ما يهلّ الشتا
تلقائي بلقي نفسي حسيت بالألم

سجن أمشير

الحان :باند كلابكسو 
غناء: عمرو عادل ............
ترومبيت:زياد ديدو
جتاريست:جوبا
........................................................................
كلمات:الشاعر محمد هجرس

فوق كوبري استالي جنووود klabkso كلابكسو.mp3

حمائى جوة قلبى

الزوج والزوجة
قطار ومقطورة ولا شمس وقمر
فريق ابداع للتدريب والاستشارات 
د. دعاء بشر

الزوج والزوجة زي الشمس والقمر

المكان:قهوة في وسط البلد
الحدث: قعده حلوه بين شويه صحاب
تجمع بين الحزن والفرح
وفجأه واحد راح وطرح سؤال:
اي هي احلام كل واحد اللي لو حققها
مايبقاش في يوم تعيس
رد الاول : انا نفسي اسافر باريس
واشوف بعيني البرج ف الواقع
وكل يوم ابقا ف مكان تاني
واجيب مرسيدس وانا راجع
وأبطل اشتري حاجات سلف
رد التاني: انا بقا حلمي مختلف
عايز ابقا ظابط
الكل يقف لي انتباه
وابقا صاحب جاه وسلطه
ويبقا ليا هيبه ف كل مكان
واقدر اخرج من اي ورطه
محدش يحاسبني علي غلطه
وانا بس اللي احاسب الناس
رد التالت:نفسي اكون لاعب
الانديه بتحارب بعض عليه
علشان يضمنوا الفوز بالكاس
والجمهور كاتب نشيد مخصوص ليا
نفسي ابقا مزيج بين ميسي ورونالدو
وكل موسم ابقا ضامن الكوره الذهبيه
رد الرابع:نفسي اكون صاحب شركه
وتقوم كلها علي ايديا
واقابل ناس وارفض ناس
وادخل صراع ف صفقه
و لإني ثري بسهوله ترسي عليا
ويكون عندي فيلا تمشيلها كيلو
علشان توصل حدود السور
وفجأه لقيت جه عليا الدور
وانا أكمني واد شاعر
وبعرف ازاي ألعب بالحروف لعب
وقفت ضحكت وقولت
علي قد ما السؤال صعب
لكن اجابته سهله وبسيطه
منيش عايز جاه ولا سلطه
وعادي اتحاسب علي غلطه
وعادي اعيش عادي
بدون ما اسافر باريس
جايز اروح اسكندريه تفاريح
وعادي اشتغل عندك
بس براتب بردو مُريح
انا عندي بس حلم ااخده
وهكون راضي ومبسوط
وعادي بعدها لو جالي الموت
وعد مني مش هزاول
-رد واحد:مش فاهم وضح اكتر
قولت الوصف صعب لكن هحاول
هوصفها كٱني بوصف بشر
انا احلامي فـِ طِلتها تشبه القمر
عنيها اللؤلؤ والمرجان
أول ملاك يسيب السما
وينزل يعيش وسط بني الانسان
رسمت الحواجب وقولت
حبلين من الجنه قادرين ينَجوك
رسمت الايدين وقولت
نوعين علاج طبيعي قادرين يشفوك/ من اي جراح
جت الابتسامه ف رسمتها
ف عرفوا إن دي كانت كفيله
تخلي آدم ياكل التفاح
الكل مستغرب ومش فاهم
ومحدش مستوعب الرسمه
فـ قولت الفهم دلوقت مالوش لازمه
و لقتني برسم سلاسل دهب
مكان الشَعر وبقول
ده لوحده قادر بسهوله يفِتنك
عدي وقت وانا بحكي لكن لقتني
قولت كفايه مش هعرف اكمل احسن
فيه حاجات إنك تداريها احسن
من إن الحسد سهل جدا يقتلك
خِلصت وشوفت الدهشه في عيونهم
ف بصيت لقيتني سرحت بخيالي
وعدت ساعه وانا واقف ياحبيبتي
بحكيلهم وبِرسمك..⁦♥️⁩
#محمد_مصطفي
لينك الاكونت علي الفيس بوك: https://www.facebook.com/profile.php?id=100010416497543

"بِرسمك لـ "محمد مصطفي

like+follow
FB:
https://www.facebook.com/3mo.5aled
Phone :
01283057059

كلام عنها - خالد حمزه

الحلقة الأولي من برنامج وَنس :كيف تُعاش الحياة؟

Mohamed Foaad is an underground Egyption Rapper Born and Raised in ismailia 1992 ,, Started rapping in 2010 