لو علّقولي مشنقة
أو حتى مليون مشنقة
حوالين رقبتي حافكّها
وآخذ حبالها وألفّها
وأصنع قلم يكتب حروف
متشوقّة لساعة خلاص
لو يزرعولى فِ سكتى
سكاكين تقطع خطوتى
ألغام تفرتك قوتى
مش راح يفوزوا سكتتى
ولا يوم ح أتوب
حتى ان خدونى
وكفنونى بألف توب
أو حتى هدمة ممزقة
حأكتب بدمى ع الكفن
أشعار بتحكى عن العفن
وعن الأمان اللى اندفن
ولا موت ح موت
حتى ان رمونى فِ التابوت
ودفنونى ف التراب
ح اكتب بعضمى ع التراب
اشعار بتحكى عن الولاد
قصة كفاح كل البلاد
وحعيش حياتي فِ دنيتي
واكتب واكتب كلمتي
بحروف أنين
متشوقة لساعة خلاص
بحروف كلام
صرخاته أقوى من الصارص

الشيخ امام / احمد فؤاد نجم - لو علقولى مشنقة

كن كالنخيل عن الأحقاد مرتفعا 
يلقى بصخر فيلقي أطيب الثمر

نحبُّ البلادَ .. كما لا يحبُّ البلادَ أحدْ

الشيخ امام / احمد فؤاد نجم - لو علقولى مشنقة

Heshmat El rafeq