mzag

قصايد و الاجر على الله ..

اشعار

محمد محسن

....
سنة جديدة بحلم جديد
سنة سعيدة و الامل وليد
.......
سنة فاتت خدت احزان
و سنة جاية بتدق الببان
.....
و عايش على فكرة و بكل ما فيها
انا وراها و فاضل مستنيها
و لا يوم جديد تقسي علينا
هقلب النتيجة و ارميها
......
اقلب الصفحة
لونها بلون السعادة
اقلب الصفحة
خلى الفرحة عادة
......
وكل ما الحمل يزيد
خليك ثابت
بايدك .. تحول ايامك عيد
غير وش شريط
جدد دم الوريد
.....
اخلع لبس التشاؤم 
البس لبس الفرح
شوف ورد جناينك حتى اهو طرح
و الحصاد قرب
يلا صحى خيالك اللي سرح
.....
و ابني اطار العمل
بجهدك انت في السما وصل
.....
جدد علاقتك
اوصل اللي قطع
يمكن في ظروف
و لا اسباب
متبقاش مستني على الغلطة
بتايده في كتاب
.....
و اللي هجرك بيعه
ده عمره ما كان ليك
ده كل اللي في باله 
انه مش باقي عليك
.....
و اتمسك بصاحب جدع
هينفعك اكيد يوم الوجع
.....
و كمل في طريقك ماشي
و لا يوم حاجة توقفك
ممكن تقابل صعب عادي
لكن حلمك قدامك بيناديك
بيندهلك كمان مستنيك
.....
و كل اللي فات اتقفل
وكل اللي جاي بيفتح
ببان زمان انسها
خلي اللي في دماغك مجرد زكراها
.....
عود عينك على الشمس
و امسح خوف الليل
عود كلامك على الهمس
اسمع صوت النيل
......
بينادي احلى مافيك
فخور دايما بيك 
نفسه تلم اللي حواليك
وتجمعم
نفسه تنسى اللي فيك
و تشجعهم
ده الامل فيهم و فيك
.....
بطلبها بصوت عالي بقول
اهلا بسنة جديدة
دق الطبول
..............
www.facebook.com/mohammed.m.scream
موسيقى : مقتبسة من الموسيقار فتحى سلامة
استوديو بيتي

سنة جديدة - محمد محسن

مالك يا انسان 
مش طايق نفسك
ولا ونسان 
.....
مش شايف امل 
كاره حياتك
ولا في حاجة حلوة 
تنور ذكرياتك
.....
كل اللي بيحبوك فارقوك
فاكر انهم بيساندوك
.....
و مشيت ورا ناس 
من غير احساس
كلامهم كله متزوق
متلف في ازاز
لكن انت قلبك ماس
عمره في يوم ما كان مداس
.....
راسك دايما فوق
سفينتك و انت اللي بتسوق
.....
في بحار الجشع و الظلم
عدي بمجاديفك و لا يهم
اكسر الطغيان و الغم
بدد ظلام اليأس و الهم
.....
شبح الخوف ده جبان
يخاف منك يا انسان
.....
واجهه و حطمه
اكسره و اهدمه
دمرله  افكاره
اوهامك هي اللي بقياله
.....
و ركز ع حلمك 
من غير ما تخاف
ده الخوف اعمى
 عمره ما شاف
.....
ايوا في عقبات
ايوا في ازمات
لكن خد العظة 
خليك محور الحكايات
و ابدأ بنفسك
و انسى كل اللي فات
...... 
لا حياه بتقف على شخص
و لا امل يودي حبس 
كل اللي محتاجه شوية جرأة
مع تحكم في نفس 
......
وشوف احلى ما فيك 
احساسك هو اللي هيوريك
......
و ثق كل ثقة في ربك 
ارمي همومك عليه و لا يهمك
و ارسم صورة في خيالك
حققها و لو حتى في احلامك
.............

موسيقى عود
 استديو بيتي

بطبيعة الحال - محمد محسن

....
الحلم ابقى ولا العلم
الحلم كان ولا صار
الحلم هزيمة
ولا كلمة انتصار
الحلم خروج
ولا في ميدان ثوار
....
الحلم فكرة ولا بداية
الحلم طريق و لا نهاية
.....
الحلم نور 
و لا طريق للقبور
.... 
الحلم في زمن مات
و لا بالحلم الزمن هيعيش
الحلم في زمن ات
و لا العجل ما يوصلنيش
ده العمر بيفوت ويعدي
و لا في يوم الحلم ما نصحنيش
الحلم تخاذل و لا تحدي
ولا امل شمس بكرة ماتمشيش
....
الحلم شمعة تضئ
الحلم هو الرفيق
بالحلم تبقى جبان
ولا بالحلم تبقى جرئ 
فتح كل الببان
قدام نفسك انت برئ
....
الحلم اوهام
و لا خيال جميل
الحلم منام
و لا واقع مستحيل
....
الحلم بداية وجود
ولا طفل متعثر الولود
الحلم بهجة و سعادة
و لا شوك في الورود
اخلي الحلم بزيادة
و لا ليه اطار وحدود
....
الحلم مفتوح
و لا ليه سقف
الحلم مسموح
و لا ماليه اليأس
....
الحلم مفروض 
و لا اختيار
الحلم ثبات 
و لا انهيار
....
الحلم نقط مطر
في سما متعلقة
الحلم لحن وتر
كوباية صمت مدلدقة
....
ولا صوت حاد
يكسر السكوت
يصحي اليائس 
يقاوم الموت
....
ما هو اليائس ميت
و الحلم هو الترياق
وقت الحلم انتهى
ولا بيزيد الاشتياق
....
الحلم مبادئ
من غير قواعد
الحلم طريقة تربية
الحلم سواعد
تشيل الحمل من عليك
وتقرب ليك اللي حواليك
....
الحلم مش جنون
الحلم خواطر في المضمون
....
الحلم صندوق
مقفول لحد ما تفوق
الحلم مرزوق 
من ربك للمخلوق
.................................
لكل واحد فينا حلمه
مركز عليه و لا يهمه
اي كلام يتقال
....
خدنا ايه من كلام غير الرجوع
خدنا ايه من كلام غير الخضوع
....
الكلام ده في الاساس قيود
مفتاحه هو الصمت
كمل في طريقك و لا يهم
....
والاحلام اشكال و الوان
في اللي حلمه في المعقول
و في اللي حلمه جنان
اوعى تبقى مسجون
واجه السجان
....
امحي الابيض و الاسود
لون  لون الفرح
اوعى في يوم تبكي 
انشر المرح
.....
كل اللي مستينه و بتمنى
اوصل لحلمي و اتهنى
.....
من حقي كانسان اعيش
من حقي اشوف اسمي ع الافيش
.....
انا البطل و انا الحكاية
انا اللي بتدور عليه الرواية
انا الملك و كل منايا
ان الحلم يبقى الغاية
....
ويبخت من وصل لحلمه
يا بخته و لا حد يهمه
....

music : -The Cello Song - (Bach is back with 7 more cellos) - *ThePianoGuys-‏
*studio betty 

احلم - محمد محسن

من ورشة مع المغنية الأثيوبية Minyeshue بالأسكندرية 
كلمات - عمر مصطفى 

الحان  وغناء - دينا الوديدى 

شكر خاص 

محمود صيام - هانى بدير - حسين سامى - عصام السحارتى 

Sayer

Exclusive from saint . charbel on Facebook

قصة بكتاب - جوليا بطرس

New Original "Words" 

Buy Link - https://itunes.apple.com/us/album/words/1325095639?i=1325095922

This piece is to clarify that words can hurt, so think before you speak and let the music heal anyone that has been hurt.

-When words fail music speaks"

Dont forget to like my page for all my updates.
www.facebook.com/MoseqarZ

Download link
www.facebook.com/MoseqarZ/app_220150904689418

Moseqar - Words

من غيرك الدنيا ملهاش لزوم - شركة المرعبين المحدودة

 لو حابب تسمع حاجة مختلفة لو حابب تعيش فوق السحاب اعمل follow و مش هتندم ;)

بطبيعة الحال - محمد محسن

Mohamed Mohsen