الهاويس

El-Gakh

شعر

Hisham l gakh

songs

Hesham el gakh

هشام الجخ

poetry

حفلة هشام الجخ في القصرين في 09-01-2012

الشاعر هشام الجخ 
قصيده متزعليش

هشام الجخ - متزعليش.

سرى جدا الى البحر من حفله الأسكندريه الشاعر هشام الجخ 
21 رمضان -
9 أغسطس 
2012

سرى جدا الى البحر- حفله إسكندريه 2012

الشاعر هشام الجخ - قصيده إيزيس

إيزيس بالموسيقى

انضموا لـــــــ اقوى بيج اغانى على الفيس بوك  http://www.facebook.com/pages/%D8%A7%D8%AC%D9%85%D9%84-%D8%A7%D8%BA%D8%A7%D9%86%D9%89-%D8%A7%D9%84%D8%AD%D8%A8-%D9%88%D8%A7%D9%84%D8%B1%D9%88%D9%85%D8%A7%D9%86%D8%B3%D9%8A%D8%A9/143109119070078

علم قلبي الغرام - عمر دياب

انضموا لـــ اقوى بيح اغانى على الفيس بوك  http://www.facebook.com/pages/%D8%A7%D8%AC%D9%85%D9%84-%D8%A7%D8%BA%D8%A7%D9%86%D9%89-%D8%A7%D9%84%D8%AD%D8%A8-%D9%88%D8%A7%D9%84%D8%B1%D9%88%D9%85%D8%A7%D9%86%D8%B3%D9%8A%D8%A9/143109119070078

نانسى عجرم - يا بنات

إنطردى الآن من الجدول مع الموسيقى

قصيده التأشيرة مع الموسيقى

هشام الجخ التأشيرة مع موسيقى

هشام الجخ - قصيدة إختلاف

من بعد ايه ما سأل فيّا

قال غصب عنى يا عينيّا

طول البعاد مش بإيديّا

سامحيـنى

 

سلّم علي لما قابلني

وسلّم علي ولدي يا ولدي

سلّم علي

 

و حلفلى بليالى الغربه

إنّه ما كان له هناك صحبه

و ان الحياه من غيرى صعبه

ده حبيبـــى

 

سلّم علي لما قابلني

وسلّم علي ولدي يا ولدي

سلّم علي

 

و حقّ من أجرى هويسنا

عشقك يا بلدينا هاوسنا

سرسابه سرسب فى حاوسنا

و حبيبـــى

 

سلّم علي لما قابلني

وسلّم علي ولدي يا ولدي

سلّم علي

 

لو كان حبيبى يندهلى
أفوت حبايبى و افوت أهلى

و انعم بقربه على مهلى

و حبيبـــى

 

سلّم علي لما قابلني
وسلّم علي ولدي يا ولدي

سلّم علي

 

حلاوة العمر بحاله
يوم الفؤاد ما يروق باله
يضحك زمانه و يصفاله

و حبيبـــى

 

سلّم علي لما قابلني

وسلّم علي ولدي يا ولدي

سلّم علي

هشام الجخ - سلم علي لما قابلني

ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك.. بساطك
ماكنتش فى وقت اندفاعك.. دفاعك
و لما عرفت السهاد و السهر
و أول ليله تناجى القمر
وغامت عليك السما و الليالى
سامحنى يا غالى.. ماكنتش سماك
فى اول بحبك.. ماكنتش معاك
و اول واحشني.. ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عاجز افسر بكاك
يمكن لانى.. ماكنتش هناك

قصيدة مكنتش هناك لهشام الجخ ساقيه الصاوى

وعشان غنى ومعاه فلوس

هملتنى وراحتله

ابكى على نفسى ولا

عالمسكين اللى راحتله

ولأنى راجل مليونير والخير كتير

عليت عيونى عالبكا

وقلت اسيبهاله زكا

ودفنت ايدى فالسويتر

وابتديت اشوط الطوب واغنى

كنا نتلاقى من عشيه

نقعد على الجسر العتيق

كوبرى الزمالك زى ماهو

البنات هم البنات

والولاد هم الولاد

والدرابزين الحزين لساه رزين

والكلاكسات اللى سارحة فالودان

واللى بيوشوشها فى عيونك غموض

واللى بيوشوشها فى عيونك امان

بس المكان هو المكان

خمسين سنة والكوبرى مصلوب عالطريق

لا انا كنت اول مين يحب

ولا يوم هكون اخر عشيق

وادى البنات ألوفات مترصصين عالكوبرى

يعنى انتى اجمل واحدة فيهم؟؟

ده انتى لو كشيتى فيهم تفزعيهم

صدقيـــــنى

صبغة الكدب اللى نزلت من ملامحك

غيرت شكلك نهائى

شوشت صورتك فقلبى بقيت ملامحك

فاستخبيت جوه دائى

جوه ابيات القصيدة

 

باختصار المكان هو المكان

والبنات هم البنات

فى اللى فازوا بالنهار

وفى اللى تاهوا فى البعاد

وانتى واحدة من اللى تاهو

اما انا ... فزى ما انا

وكوبرى الزمالك زى ما هو

 

بعيد عنك حياتى عذاب

متبعدنيش بعيد عنك

ماليش غير الدموع

أم كلثوم الشقيه

ضحكت عليا

سهرتنى الليل بطوله

اكتب الشعر اللى نفسك تسمعيه

وانا لاجل خاطرك مش هاقوله

وان كان حبيبك شاعر كتّبيه

وابعتيلى قصايده اول باول

اه يا زمن يا احول

بقى ابقى حبيتك وبقيتك

عن الدنيا وما فيها واصطفيتك

سبتلك وردة فؤادى تقطفيها

كنت فاكرك هتراعيها

وتداريها بين ضلوعك

وان ما كفتهاش دموعك

من دماكى تضيّفيها

كنت فاكرك يوم ما اقول الآه

هاتخدى منى الآهة تخففيها

ولا كنت يوم يخطر عليا

انى لو مديت اديا

ليكى ممكن تكسفيها

يا ام كلثوم الغرام محتاج حموم

قبل متغنى لقلوب الناس تعالى نضفيها

 

هشام الجخ - وعشان غنى

لما يغرق مركبي وانا سايقه فجأة

ولما تنهي قصتي وانا لسة بادئة

لما تنكر تضحياتي

ولما اوهب لك حياتي

و ازرع الدنيا ف عيونك ورد يطرح من ربيعي

و التقاك بتقول لي ضيعي

مش طبيعي

 

فين كلامك عن حياتنا

فين سعادتك وانت بتلاعب ولادنا

وعنيك تغير كل ألوان الحاجات

طلقتني ونسيت معايا الذكريات

 

انا لسه فاكراك وانت بتقول لي احلمي

وانا لسة فاكراك وانت بتقول لي ارسمي

بس مش حاقبل اكون برواز خشب ع الحيطة يقدم يترمي

كان الطبيعي وانت بتقول لي احلمي

وانت بتقول لي ارسمي

تقول لي بيعي

مش طبيعي

هشام الجخ - مش طبيعــى

هشام الجخ - حظك كده-بلانت

سامحيني يا وحدِك بستسمحك وحدِك

انا اللي عمري ما اشتكيت هجرِك ولا بُعدِك

ولا اشتكيت من وجع صدك ولا ردك

بستسمحك وحدك

 

سامحينى يا وحدك مع الموسيقى - هشام الجخ

ليل الغواني غواني

من صُغري عايش فيه

عذَّب فؤادي وكَوَاني

بالله لتطّــفِّـــيه

 

الكالكليتور والمذاكرة وصوت لطيفة

والفجر لما غافلني قطع هدوء الليل

قلبي قليل الحِيل

سايق عليكي الوجع والغربة والمواويل

خليت عنيكي دليل

 

عشمان تخلِّيني

لما اشتكيت حبي للصخر خَرّ ولان بالله دِلِّيني

كيف الحجارة تلين وانتي اللي ما تليني

الشعر ده شعرك مش حانسبه لنفسي بس انتي مَلِّــيني

 

ياللي شخبطتي ف قصايدي

بزياداكي شخبطة والاسم شعر

قسّموني قبل منك ييجي ستين ألف واحده

نفسي يوم يبقالي سعر

نفسي ازفّك بين ضلوعي

نفسي انجِّدلك مراتب قلبي

ياما قلبي قبل منك لَمّ بَق

نفسي احبك حب حَق

بس خايف تبقِي نانا

يادي نانا

 

نفسي اوضِّب لك ضلوعي فَرْش عُرْسِك

ما اتفرشّ لواحدة قبلِك

نامي فيّا مِدِّي رجليكي ازحميني

واحلمي لي وانقشي اسمك على الغضروف حروف

بعشقك رغم الظروف

 

بعشق الليل اللي نازل فوق كتافك شعر سايح

يا ام طيف كالسيف في جوف الصدر سارح

بعشق الضل اللي مَرْمي فوق تراب الارض منك

و احسد الارض اللي تحته

قلبي كان مقفول فتحتُه

ولِّي وجهِك شَطْر قلبي واتلِي آيات اليمين

وانتي داخلة قدِّمي الرِجل الشمال

أصلِي بتشاءم من الرجل اليمين

اصل قبلك لما خَشِّت قلبي نانا

يا دي نانا

 

تعبان من الترحال والغربه و المشاوير

سايق عليك الجمارك و البحر و المينا

كَلِّت سواعينا

نكاد حين تُناجيكم ضمائرنا

يقضى علينا الأسى لولا تأسّينا

بالله رسّينا

 

بزياده غربه و شوق زقينى جواكى

مانتيش كما مخلوق مين اللى سواكى

مين علمك اسمك مين علمك اسمى

مين علمك جوا الضلوع القاسيه تترسمى

و مين ما يقدر يحبك لما تبتسمى

 

طب فاكره فى الرحله

كان الهرم غيران و حجارته حسدانا

حتى الجِمال و الخيل حسدونا فى غنانا

ميل عليا الهرم و قالى فين نانا

قلتله مش وقته قالى نسيتها قوام

قلتله مانسيتهاش

لساها نانا فى صدرى بس مش صاحيه

نانا اللى مدفونه فى قلبى جثه همدانه

أنا أصلى زيك يا هرم خوفو سكن جوفك و مات

و جوفى خلّته نانا جبانه

يا دي نانا

 

يا نيل يا مبحِّر بوس لي خدودها الحُمر

لو هاحكي عن شوقي يلزمني مليون عُمر

 

رُجّ الشجر يا نيل سَمِّعها صوت شوقي

سكَّـنتها فوق البشر فوق القمر فوقي

سكّنتها عروقي

لما اشتكيت من بعدها زاد قُربها حروقي

يا نيل يا ابو المساطيل

دوّقتني خَمرك ما تقول لها دوقي

فاضل كمان ساعة والشمس حتغرِّب

نركب سوا مركب

الدفة فى إديا وانتي اللي بتسوقي

لو دوقتي خمر النيل عمرك ما حتفوقي

 

يا نيل يا ابو الدراويش

خمرك عَرَق براطيش

عمره ما يِسْكِر حَد

لو بوستها يا نيل وانت في عِزّ الجزر

يِتْقَاد في جوفك مَدّ

لو شُفتها يا نيل اباجورة بِتْلالي

راح تنسى عِلْو السد بلا سد بلا عالي

 

وتفيض وتلمسها

تلعب على شطك وعنيك تغامزها

وتعوم على دراعك صدرك يغازلها

تطلع لي بردانة افرشلها رمشي

خَطِّي عليه وامشي واوعي تخافي البرد

صدري طريق مبروك

من يومه طارح شوك الليلة طارح ورد

 

دوسي ولا تخافي

يا قلبي يا صافي

محبوبتي جاية لك وسّع لها السكة

شيماء يا مكة

طالب احج البيت

حاسس كاني مراهق عمري ما حبّيت

ربِّـيني من تاني

نفسي ف سرير هزّاز ابكي تحايلِيني

نفسي تضمّيني

عرق البنات فيّا عكّر حوافيّا

نفسي تحَمِّيني

ارجع وليد ابيض انعس على صدرك

اشكيلك الغربة تدِّيني من صبرك

كاس الغرام دوقتُه صبُّولي فيه ياما

نفسي ادوق صَبِّك

 

لا تكوني مفتكرة اني فتوّة من جوّة

ميغركيش صيتي

حتلاقي جوّة الجوف واحد ماليه الخوف

لو جيتي بصّيتي

 

سايق عليكي الهوا والشمس والقمرة

شدّيني لهواكي مخنوق من الكَمْرة

 

خَصِيمك قلبك الليّن ورِقة صوتك الملكوت

يا فاكرة العشق شيئ هيِّن كواني العشق كيف الموت

منين ادخل سراديبك؟

منين انفض جلاليبك؟

واكون لك توب

خيطانه تداري فتنة قدّك اللولي

وينزل كبرياء صدرك على صدري واحلامك يصلّولي

 

بحبك حب فكّرني بقساوة شمسنا قِبْلي

بحضن امي اللي عمري ما اترميت جوّاه

ملاقيش جوّا صدرك ركن يقبلني

انا عيّل وصالح لسة لاستعمالك الهمجي

بنات الدنيا ما قدروا على وهجي يا ريتك تقدري عليّا

 

يا غنوة دافي مَسْمَعها

انا قابل شروطك قبل ما اسمعها

يا ريت تنسانا دنيانا

تصير زيّانة زيّي انا

يا غيرانة ومعاتباني عشان نانا

دي نانا اللي أصولها تغير

 

بحبك لما بتردي

واحبك يكش بتصدي

واحبك وانتي بتغيري

بعيرك يا مُنَخَّل هام بناقتها

انا ناقتها ليه بتصد بعيري

 

بحبك حب م اللي الشعر عاجز لسة عن وصفه

طريق قلبي بقاله شهور طريق مهجور

عشانك هابتدي رَصفه

تقيد نار الغرام فيّا انوّر وابقى قنديلك

ولو صعبة عليكي السكة شاوري لي وانا اجيلك

اتوج شعرك الشلال بتاج جيلك

ويكفاكي اكون عبدِك

وانا يكفاني تَبْجِــيلك

هشام الجخ - شيماء يا مكه

وبقولها انا انت وانت انا

مين الحمار فينا

انا اللى حمار ولا الحب اللى نازل رجرجة فينا

طب انت انا ... وانا انت وجه فينا اللى جه فينا

حظوظ الناس مصالحاهم وحظنا ليه مجافينا

 

طظ يا حظ يا ملاوع هحبها ويكش تولع نار

هاكونلها بر وسفينة هنتحمل وهنكيدك ونضحك رغم ما فينا

وشوف غيرنا يا حظ خلاص مفيش والله رجا فينا

ده انا انت وانت انا طب مين حمار فينا

 

حمار الليل مطولش فيوم السهرة والزينة

حمار الواد بتاع اللب

فاكرة يوميها عالكورنيش

قطع احلامى وكلامى عن الترحال

ويوم سفرى ويوم ملقاكى عالمينا

 

حمارة صاحبتك لما بتمشى معاكى فالشارع

يبان حسنك يغطيها يخللى شكلها شوارع

بحبك ظايطة فاللمة واحب اللمة فعنيكى

وبفرح كل يوم لما تسافر ايدى فايديكى

 

ياعم حسين يا ملقانا

يا شاهد فرحى وشقانا

انا اللى حمار ولا هى

ولا الحب اللى ورّانا

 

حمارة سياسة التعليم فدى الدولة

وقال تعليمك العالى

ياولدى يبقى ليك اولى

بقالى سنين انع يا ناس

مابين ثانوى وبين جامعة

اقول ابنى سحابة شوق

تاخدنا لفوق وتبقى هى دى الجامعة

 

هاتجمعنا لوحدينا

تدارى كسوفها منينا

وانا فصدرك .. وانتى فحضنى

نرجع تانى نتلخبط

ما نعرف مين حمار فينا

 

ساعات اقعد مع نفسى

فليلة صيف وبلكونة

وقمراية ونص سيجارة

اروق حبة عن نفسى

وكام نظرة على اشارة

يطيروا منى للجارة

لو انتى جيرانا لزقالنا

وكاشف بيتكوا شباكنا

ماكنتش اكره الشقة ولا القعدة

هاشوفك كل يوم نايمة

وهشوفك كل يوم قاعدة

انا شايفك وشايفانى

وصوتنا موصله التليفون

اكن الكون بقى بتاعى

او احنا وبس جوه الكون

لكن حظى التعيس دايما

مخللى عمارة ولا اتنين

مابين بيتى وبين بيتك

وداروا بيتى عن بيتك

 

بس انا عرفت الحمار الان

فلان احمد فلان

عشان سايب كل المكان

وبانى عمايره وسطينا

وساب روحى تروح روحك

ويتلاقوا فنص السكة

مابينك وبين الكون

يطيروا فالهوا حبة

يدوبوا حب ومحبة

ابصلهم يا وخدانى

وقلبى صافى ومزقطط

وارجع تانى واتلخبط

ولا اعرف مين حمار فينا

 

بحبك نانا او ناعسة

بحبك ليلى او المظ

نعيمة .. تمر حناية

بحبك وانتى بالمينى جيب

واحبك شال ودلاية

بحبك وانتى فالتليفون وفالجوابات

بحبك.. وانتى ويايا

بحبك بت حكاية ورغاية

تصحى سكوتى جوايا

تلاعبينى واغمى عيونك السودة

صوابع ايدك الممدودة

بتدور على حضنى وتتدور

كسوفك عنى حايشنى وحاششنى

وطيش حبك مطيشنى

كفاية تعبت مالطيشان

مفيش مرسى يدفينا

ايديكى تنام على صدرى

فى حتة يدوب تكفينا

وليل نعسان يغطينا

تغير الشمس منينا.. تصحينا

يهيج قلبى ويتخبط

وارجع تانى واتلخبط

ولا اعرف مين حمار فينا

 

بحبك طايشة جواية

مسافرة ضلوعى فضلوعك

وانا طوعك

يزلزل صوتك الزلزال ويحينى

يخلينى انا.. عصفور فى شباكك

يا ناشرة فالمدى شباكك

ايديكى يوم ما ضمتنى

حضنت الكون بكفة ايد

وبالتانية سندت القلب فمكانه

بحبك... يااااه

يا نار فالقلب نوارة

انا حمار اللى حبيتك

وخليتك بحبى حمارة

يــــا حمــــــارة

 

حماريين حبيبه - هشام الجخ قصيده نادرة

انطردى الان من الجدول
موتى فالكل هنا ماتو وانا اعتدت حياتى .. ارمل
واعتدت الهجر بلا سبب .. وبرغم الحيرة لم اسال
وظللت اسجل اسماءا .. واسطر خانات الجدول
ظنيى احساسك ما شئتى .. فانا ملك لا اتوسل
لا ابكى لفراق حبيب .. او اترجى او اتذلل
رقة شعرى قول افك .. ففؤادى من صخر جندل
علقت نساءا فى سقفى .. وجلست فخورا اتأمل
وغزوت عيونا لا تغزى .. غافلت رموشا لا تغفل
وزرعت النسوة فى ارض .. لا اخر فيها او اول
دكتاتوريا ان اعطى .. دكتاتوريا ان ابخل
وقعت انا صك الهجر .. ف الحاكم يعزل لا يعزل
فانطردى الان من الجدول
غيبي فلكم قبلك غابو .. لا شيئ يجيئ ولا يرحل
ما الورد اذا لم يذبل
ما الشمس اذا لو لم تقفل
لا تنتظريني نسناسا اقبل ان يتسلسل
ويجيئ الناس الى قفصي ليرو عشاقا تتحول
تتقافذ قـ القردة عشقا .. وتموت هياما وتولول
لمى اشيائك وارتحلى بحثا ان اخر قد يقبل
امايا فلا ثمن عندك تقبله يداى لتتكبل
ان كان غرامك لي نبعا .. فنساء الدنيا لى منهل
والجدول مقتظ جدا بكثير منك .. بل اجمل
فانطردى الان من الجدول
غيبي وتمادى فى جهل .. فانا لا اعشق من يجهل
انى بحار ترفضنى كل الشطئان فاتنقل
اعتدت السفر على مضد .. وقضيت حياتى اتجول
ارتشف بلادا ونساءا .. فهنا عسل وهنا حنظل
وهنا عشق كلص نذل .. وهنا كنت نبيا يرسل
وهنا ذبحو شعرى عمدا .. وهنا شعرى صار يرتل
وانا والغربة ما زلنا نبحث عن وطن لنظلل 

صادقت الغربة فى الغربة .. وقضيت سنينا اتعلل
بررت جميع حماقاتى وظننت بانى اتجمل
اليوم ازيل عبائاتى .. واكشف عن وجهى الاوحل
ملى عينيكي بلا خجل .. فانا الموحول .. ولا اخجل
اغرتنى احلام الصبية .. فعدوت الى حلمى الامثل
وبدات السفر بلا زاد .. وظننت بانى اتعجل
ونسيت الله فاهملنى .. من ينسي الله ولا يهمل
حملت باثقال الدنيا .. اهرب من ثقل للاثقل
والتفت طرق من حولى .. واختلط الاقصر بالاطول
واختلطت احرف لافتتى .. فوقفت مكانى كـ الاخطل
لم اسطع ان اكمل سيري .. فجلست وحيدا اتسول
وبنيت مزارا ومبيتا لا يصلح الا للثمل
وقضيت حياة واهنة .. لم تسوى فى نظرى خردل
فـ علاما تريدين بكائى .. وانا ذو قلب مستعمل
ابلاه الماضى .. لم يترك شيئا لبلاء المستقبل
لا تتهميني فى عشقي .. فانا اعشق حتى انحل
والجمل وان يعطش يصبر .. وكفعل الجمل انا افعل
اهلكت شبابي وسنيني .. فرمت بي فى صف الكهل
ووقفت بعيدا لاشاهد قصة عمرى وهى تمثل
رفعو خنجرهم ودموعى لم تجعل احدا يتمهل
والتهب المسرح تسفيقا .. وانا اطعن وانا اقتل
فـ علاما تظنين بانى ات محرابك اتبتل
دورك فى المشهد فرعي .. بوجودك او دونك يكمل
وكلانا مكتوف الايدي .. وستار المسرح لا يسدل
والحكم الصادر فى امرى حكم فصل لا يتأجل
فدعيني فى موتى وحدى .. فأنا والغربة لا نفصل
ما دام القلب بلا شيء .. فالموت على شيء أفضل

انُطْرْديّ الْآَنَ مِنْ الْجَدْوَلِ”   ― هشام الجخ

هشام الجخ 
التأشيرة 
حفله بنها 3_4_2013

هشام الجخ - حفله بنها- التأشيرة

هشام الجخ - ايزيس ♥♥

هشام الجخ آخر ما حرف فى التوراة 

وضعوا على وجهي مساحيقَ النساءْ
الآنَ اكتبْ ما تشاءْ
كن شاعرا .. كن كاتبا .. كن ما تشاءْ
الآنَ انتَ مُهَيَّأٌ كي تصعدَ الزفْراتُ منكَ الى السماءْ
ما دمتَ في زيِّ النساءْ
فاصرخْ وناهِضْ ما تشاءْ
وارعِدْ وهدِّدْ مَنْ تشاءْ
وسَنَرْتَضِي منكَ الضجيجَ ونرتضي منك السُّبابَ
لأن هذا ما نشاء...

(واتمدَّدوا في ارضي
ما تقولي يا ارضي
مين شَيَّلِك بالطين ؟
مين حَبَّلِك غيري ؟
طب كنت انا ف "حطين" ؟ ولا كان صلاح غيري ؟؟
رافض اقولك يا وطن شعر وقصايد
رافض اصوغك يا وطن سطرين ادب
ما بَقِتْش قادر ع الادب
خمسين سنة !!! ( القصيدة كتبت عام 1998 )
عُقبال يوبيلك الماسي
وابقى "هشام"صهيون
يبقوا اليهود ناسي
ولما حتجوز ويجيني صهيوني راح اجَوِّزُه بنتي
ما انا خوفي لآدِّيها لعربي يسرِّحها !!
ما غارش على بلده .. حيغير على بنتي ؟؟!!)

السادةُ العربُ الموقرُ جمعُهم
الامةُ العربيةُ (عروسٌ) أنتم لم تصونوها عروسْ
هجََّ الجرادُ إليها .. فهربتم .. واختبأتم في المساجدِ والكنائسِ
قاتلتموهم بالصلاةِ .. وبالبخورِ .. وبالدعاءِ رُكَّعا وجُلُوسْ ..
عجبا لِهَا تلكَ الطقوسْ !!!
لا جُرمَ عليكِ فلسطينُ ..
لا جرم على امرأةٍ تزني ما دامَ الزوجُ الأصلُ ديوثْ ..
يا سادةَ حكامِ الامةِ .. الغفلةُ ليستْ للحكامْ ..
عَلَّمَنِي ( أكتوبرُ ) درسا كيفَ يكونُ هناك سلامْ ..
أولادي بَصَقُوا في وجهي .. كتبوا لي في الغرفةِ سطرا ..
إنْ ماتَ الابُّ فِدا وطنٍ .. ما أحلى عيشَ الايتامْ ..
يا وطني لا يمكنُ أبدا أن يرحلَ عربيٌ مِنَّا للغربِ بدونِ استعلامْ !!
فلماذا تفتحُ أبوابا ؟؟
وتُنَكِّسُ رأسا وظهورا ؟؟
وتُسَلِّمُ بِكْرَ عروبتِنا ؟؟
كي ترفعَ ساقيها سَفْحا ؟؟
وتصفقُ للذَّكَرِ الأقوى !!
وتَكَلُّ من التصفيقِ تنامْ !!
سبحانَ ارادةِ (أُنكِل سام) !!
وطني يا وطنَ الموبوئين
ووطنَ المهزومين
ووطنَ الحبَّاكين
ووطنَ النَّفْطِيِّين
ووطنَ الـ ..........
انا والشعرُ مهزومانِ .. منفِيَّانِ .. مُعتَقَلان فيك ..
إذا ما استنجدَتْكَ القُدْسُ مَنْ سيغيثْ ؟؟؟؟؟؟؟؟؟
يا وطني شكِّلْني رجلا ..
صنِّفْني عندَكَ في بَنْدٍ لا يحملُ تاءَ التأنيثْ ..
إن دبَّ الخوفُ بأطرافِكَ قَطِّعْ أطرافَكَ يا وطني فالمرضُ خبيثْ ..

(كيف اقولِّك بحبِّك ؟
وانا اللي فعلا بحبك بس مش طايق ..
تبقي انتي ويّايا ف سفينة حبنا الطارح ورق اخضر..
وريحة البحر الوحيدة اللي تدوّخ رِقِتِك
تنزل عنيكي من الكسوف
خايفة لاشوف في عنيكي حاجة من اللي جوّا
وإيدك المرمر على رجلك ليِتْشَاقَى الهوا من فرحته يخطف طراطيف الجونلّة ..
بضحكة هالّلة
محمّلة براكين وشوق ..
ومخطّية كل الشقوق ..
ويادوب افوق ..
القى السفينة بتمشي بينا تهزنا ..والقاني مش سايق..
فارجع كما الاول .. نفسي اقولك بحبك .. بس مش طايق ..

الاربع اللي فات
صِحْيِت حيطان البيت م الفجر صَحِّتْني ..
كان القمر كسلان والصبح معرفنيش
عيِّل ماليه الطيش ..
بجري على ميعادك ..
وانا جاي في قلبي حكاوي
ولما تمشي بلاوي ف جِتِّتي قايدة
حاولت احاول اقولها رجعت بلا فايدة
حسيت بإيدِك ونفسِك وصدرِك غيَّروا لوني
نعسان يا جِفْنِك ..
كما شلال وكوم حبال دَلُّوني وعَلّوني
لِسَّاني شَعري اسود
ودراعي قادر يشِيلك
بس العِلَل في الوطن هما اللي علُّوني
كان نفسي اقولك بحبك
خفت اكون كداب يا ام الهوى حقايق
كان نفسي اقولك بحبك
بيروت رقصت في قلبي لَقِيتْني مش طايق)

تمثالُ "سليمانَ" سيزحفُ ويجرُّ الجُندَ الى الاقصى
والنملُ العربيُّ مُطيعٌ .. عجبا لِغُزَاة لا تُعصَى
لن يُصْرَمَ شعبُكَ يا وطني
فرجالُكَ كالفِيَلَة بطْشا .. وذكورُ الفيلةِ لا تُخصَى ..
قاتلْهم يا نخلَ الوادي
قاتلْهم يا رملَ الوادي
إن قطعوا نخلَكَ يا وادي ستظلُّ رمالُكَ لا تُحْصَى ..

(سامحيني يا وحدِك
بستسمحك وحدِك
انا اللي عمري ما اشتكيت هجرِك ولا بُعدِك
ولا اشتكيت من وجع صدك ولا ردك
بستسمحك وحدك
خايف عليكي من القصايد تدهنك اسود بلوني
كل كوني قِيلة .. كوني ف كوني ضِلّة
خايف عليكي من الكلام .. اصل الكلام في بلادنا عِلَّة
تحت البيوت عسكر
فوق اللسان عسكر
بين الضلوع عسكر
طب كيف اقولّك بحبك وضلوعي مُحتلّة

انتي اللي من يومِك طريقي
وريقك السيّال كما شلال يا دوبك بلّ ريقي
الليلة بتمرد على ريقي وطريقي وبرفض البلّة
سامحيني يا وحدك
بكرة اما اجيب ارضي حِمْلاها ليكي طيوب
مقدرش اسيب حبي بذرة ف وطن مسلوب
انعس في حضنك كيف ؟؟ ورجولتي مش ملكي
كل اللي رايح روايح اما اللي جايلك فضايح
سُكِّي البيبان سُكِّي)

رحلوا إلينا تحت أضواء القمرْ
نقلوا مدائنهم .. قواعدهم .. إلينا تحت أضواءِ القمرْ
لو جاء عاتَبَني القمرْ ..
فبأي شيء اعتذرْ ؟؟؟؟
حبيباتي اللواتي تركتُهنّ قبلَ أنْ اسافرْ
الآن منهم تقبلني كزوج بعدما مُلِئَتْ مديتُنا عساكرْ ؟؟
"فيروزُ" يا كلَّ النساءْ ..
يا كلَّ اجراسِ الكنائسِ .. كلَّ أحلامِ الاوانسِ
كلَّ هَمْساتِ الأحِبَّةِ في الخَفَاء ..
"فيروز" يا كل الغناء
أحلامنا في السّهل ما زالت تطاردُ ظِلَّنا
خلفَ الخميلةِ لا تزالُ سجائري .. وقصائدي ..
ورجولتي حين احتضنتُكِ .. وقتَها كانت مديتُنا فضاءْ
في ساحةِ البيتِ القديمِ غرامُنا ..
ونقوشُنا..
ومطاردات طفلين يجريان ويمرحان ..
ويسكران محبةً حتى إذا حَلَّ المساءْ ..
كانا - برغم تحذير الاقارب - يتركان البيتَ وينامان سرا تحت جدرانِ الفناء ..
"فيروز" يا زهرَ الفناء ..
ماذا اقول لعشقِنا ومشردو التاريخِ الآن يملَوْن الفناء ؟؟

قتلوا غرامَكِ يا "جِنَانُ" فسافري ..
ما عاد في بغدادَ "نواسٌ" ولا شعرٌ ولا مُلكٌ ولا سيفٌ ولا اسماءْ ..
ولا احياءْ ..
انا ذا أطَعْتُكَ يا "ابن رُشْدٍ" واعتزلتُ مطامعي ووساوسي ..
وخلعت اثوابَ التصّحرِ والتغّربِ
وانتظرتُ عروبتي ..
لكني ادركتُ أني كنت في غيبوبتي ..
كإناء ماء لوَّثتْه ثقافتي ..
ما أصعبَ التثقيفَ في شكلِ الإناءْ !!
يا خليجَ الأمةِ العربيةِ اقرأ باسم ربك الذي خلق المسارحَ ..
والمصايفَ ..
والمطاعمَ ..
والنساءْ .......
لبنـــــــانُ يا عِشْقَ القصائدِ ..
كيف عنوانُ القصيدةِ دونَمَا ذكرُ الدماءْ ؟؟؟؟
بالقدسِ لي ارضٌ
ونخلٌ
وغُلامةٌ كانت تخبئُ كلَّ اسرارِ المحبةِ فيهْ ..
لا اطلبُ المسجدَ الاقصى
إني أطالبُ بعِشقي
وللبيتِ ربٌ يحميهْ ....

الشاعر هشام الجخ - آخر ما حرف فى التوراه

رسالة قوية من الشاعر هشام الجخ للإخوان ومرسي من مكتبة الاسكندرية 8 مايو 2013

هشام الجخ - أنا إخوان



٢٤ شارع الحجاز
--------------------
 إتِدلِعيِ .. واتَبَغَدَّديّ .. وَاتَفَاخْريّ .. وَاتِبَاهِيّ 
قَوْلِيْ لِكُلِّ الْنَّاسِ ..دَهْ عِشَقْنِيْ وَالْلَّهِ
لِـمِّيَ الْعِيَال حَوَالِيّا زفّـوَنِيَّ .. 
ظَاظُوا عَلَيَّا وحَدْفُوْنِيّ طُوب 
مَا انَا الْلِّيْ سِبْتَ عَنِيكِيّ لَفُوْنِيّ .. 
وَانَا الْلِيْ اسْتَاهِلْ كُلُّ يَوْم مَرْكُوْبِ ..

فاتِدلِعيِ .. واتَبَغدّديّ .. وَاتَفَاخْريّ .. وَاتِبَاهِيّ .. 
آديّ ضَحِيَّةُ كَمَان فِدَا رِمْشِكْ الْسَّاهِيَ .. 
مَوْتِ الْضَّحَايَا جَزَايَـا .. مَا انَا الْلِّيْ وَدِّيْـتِـكُ .. 
وَلْـحَدْ حدّ مَا وَدتُـوَشْ وَلَا حَدْ وَدِّيْـتَـكُ .. 
وَقْلَعَتِ كُلِّ سِنِيْنِيْ عَلَىَ خَصْرِكِ .. 
ضَفَّرْتُ شَعْرِكِ عِشّ جُوَّايَا .. 
بَايَـعْتَ حُكْمِكَ وَابْتَدِيْتَ عَصْرِكَ .. 
وَوَقَفْتُ وَرَا عَرْشِكَ وَمَسَكْتُ هَـوَايَةً .. 

مَوْت الْضَّحَايَا جَزَايَـا وَكُلَّهَا ضَحَايَا .. 
مِيِنْ الَّلِيْ قَالَ الْحُبُّ آَخِرُهُ عَمَّار ؟؟؟ 
الْحُبِّ آَخِرُهُ نِهَايَةْ فِيْ رْحّايَةً .. 
الْقَسْوَةَ طَاحِنَةٌ وَالْحَجَرِ دَوَّارِ .. 

فاتِدلِعيِ .. واتَبَغدّديّ .. وَاتَفَاخْريّ .. وَاتِبَاهِيّ .. 
وَاسْتنْكّريّ مِنْ عِزَتِيْ .. وَاسْتَهَتَريّ بِـجَاهِيْ .. 
خَلِّيْنِي مَضْرِب مَثَل مِنْ بَعْد هَيْبَةً وَ وَزْنُ .. 
كَبيّ الْمَرَّار فِيْ الْعَسَلِ .. وَامَلِي الْفَرَحِ بِالْحُزْنِ .. 
يَعْنِيْ انِتي أَوَّلِهِمْ ؟؟؟ وَلَا انِتي اوَّلَ هَمَّ ؟؟؟ 
وَلَا انِتي اوَّلَ سَهْمٌ إتسنّ لِيَ وَاتَّسَمَّ ؟ 
لَوْ تَكْشِفِيْ ضَهْرِي تِلْقِيَ الْسِّهَامِ عَلَامَاتِ .. 
وَانَا زَيّ زَرْعٍ ف هَوَا وَطَّى حِيِـي وَعَلَّا مَاتَ .. 
مَوْتِ الْعَلَالِيْ شَرَف.. بَسّ اسْمُهَا مُوْتَةُ .. 
مُشْ عَدْل تِبْقِيَ ف تَرَف وَانَا بَاطْفّحُ الَكُوتّةً .. 
مَا يَا إِمَّا نَقَسْمِهُمْ وَخْزَةٌ قُصَّادُ وَخْزَةٌ .. 
يَا إِمَّا لَا مُوَاخَذَةُ .. تُوْتَة يَا حَدُّوْتَةَ .. 

وَابْقِيَ اكَدَبيّ بِرَاحَتِكَ .. واتِدلِعيِ بِرَاحَتِكَ .. 
طَعِمْ الْهَزِيْمَةِ جِزَا لُلِيْ يَزُوْرُ سَاحَتِكَ .. 
وَانَا قَلْبِيْ يَا مَا غَلَبَ .. مُشْ عَيْب يِّبَاتِ مَغْلُوْب .. 
اهُوْ بَرْضُهْ فَّدَتَيْنا وَكَفَّـرَنَا بِيْكْيْ ذُنُوْب
وَلَـحَسْـنَا مِنْ شَهْدِكِ وَشِرِبْـنَا مِنْ رِيْقِكْ .. 
وَسَكْرْنا مِنْ كَاسِكْ وَكَسَرْنَا إِبِرِيقِكِ .. 
وطْعَمْنا مِنْ حُسْنِكِ وَشْبَعْنا بِـبَـرِيْقِكِ .. 
وِمْشِيْنَا فِيْ طَرِيْقِكَ .. 
وِرْجِعْنَا مَـلْـوِ الْيَدّ .. 
جَرْحِيَ قُصَّادُ جَرْحِكْ .. وَلَا حَدَّ ظَالِمٌ حَدَّ .. 
وَلَا انُتُيُ فَاكْرَانَا رِجَّالَة خَيْبَانَةً ؟ 
نَبْكِيْ عَلَىَ الْنِّسْوَانِ ونَسَحُ فِيْ بُكَانَا ؟ 
كُنْتِيٌ اسْأَلِّيْ "نَانَا" 
الْلِيْ اسْمهَا "نَانَا" 
يَا دُوَبْ زِعَلْنا يَوْمَيْنِ وَاهِيِ دُنْيَا لَاهْيَانَا 

مَا تِكَدبَيش عَ الْنَّاسْ .. الْنَّاسِ دَيَّ عَارْفَانِيّ 
قَلْبِيْ خَشَب لَوْ غَطَسَ بيْقّب مِنْ تَانِّي 
فَماتَحَرجَيش رُوْحِكَ وَتَقُوْلِيْ دَهْ عِشَقْنِيْ 
بِدَالٍّ مَا صَاحِبَاتِكَ يِقُولَّك آدُيّ دَقّنِيْ 
حِبِّيَّ عَلَىَ قَدِّكَ وَاحْكِي عَلَىَ قَّدَّكْ 
وَانْ جَتَّ سِيْرَتَنَا ف يَوْمَ ابْقَيْ الْزَّمِّي حَدِّكَ 
تَتِدلِعيِ مَاشِيَ .. تَتَبَغَدَديّ مَاشِيَ 
وَتَقُوْلِيْ حَبَّنِيٍّ مَوْتِ بَرْضُهْ مَا يَـجَرَاشِيّ 
بَسّ انِتي مِنْ جَوَا فَاهْمِةَ انّ زَمَنكِ مَاتَ 
وَبَقِيَتِيْ زَيّ امَيَّرْةُ قَلْبِهَا شحَّاتٍ 

لِفِّي عَلَىَ صَحَابِيّ .. سِبِّـيِنّي فِيْ غِيَابِيِ 
قَوْلِيْ انّ عُمُرِكَ يَوْمُ مَا وَقْفَتِي عَلَىَ بَابِيْ 
لَا كَويَّتِيّ قُمَصَانِيّ وَلَا جِيْتِـيُ زُرْتِيْنِيّ 
وَلْلا تِعْرِفِيْ مَكَانِيَ وَلَا تَعْرِفِيْ تِجَيْنِيّ 

وَانّي يَا دُوَبْ وَاحِدٌ دَايِبَ فً دَبَادِيَبكِ 
عَامِل كَمَا عَيِّل شَابِطُ فِيْ جَلَالْيَبكِ 
وَانْتِيْ يَا عِيْنِيْ أُفٍّ 
زَهْقَانَةً مِنِّيْ خَلَاصَ 
عَمْلَتَيْ زَارَ بِالْدُّفِّ 
وَسِقَتِيّ كُلِّ الْنَّاسِ 
وَانَا بَرْضُهْ لازْقْلكِ 
مَعَلِشْ حَظِّكَ كِدَةْ رَبِّكَ وَرَّازقلَـك 

رُوْحِيْ يَا شَاطَرَةُ هُنَاكَ انْضَمَّيْ للَالبُوْمْ 
انَا كُلِّ عِشْرَتِيَّ بِيْكْيْ ٢٢ يَوْمَ 
عمْلَتَيْ نَفْسَكَ حِكَايَةُ ؟؟ 
وَمَحَبَّةُ فَيَّـاضةً وَمَخَدَّةٍ بَكايَةً ؟ 
وَسَهَرِ وَسُهْدُ وَوَيْلٌ ؟ 
وَبُكَا وَ غِنَا وَ مَوَاوِيْلَ ؟ 
فِيْ ٢٢ لَيْلٍ !! 
عَلَىَ اي حَال 
شُكْرَاً وَشُكْرَاً ثُمَّ شُكْراً لِلْقَصِيْدَةِ 
قَلَّمَا تَأْتِيْنِيْ امْرَأَةٌ بِأَفْكَارٍ جَدِيْدَة 
لَقَدْ بَنَيْتُ لَحُبِّنَا قَصْرَا جَمِيْلَا رَائِعَاً 
...وَظَلَلْتِ فِيْهِ بِجَانِبِيْ وَمَسَحَتْ أَقْدَامِيْ سَعِيْدَة 
وَخَشِيْتِ انّ يَتَسَلَّلُ الْحُسَّادُ مِنْ جَنبَاتِهِ 
فَبُنِيَتِ أَسْوَارَاً مِنْ الْصُّلْبِ الْمُسَلَّحَ حَوْلَهُ وَاخْتَرْتِ مِنْطَقَةِ بَعِيْدَة 
الْيَوْم
أَخْرَجُ تَارِكَاً إِيَاكِيّ فِيْ يَأْسِ وَحِيْدَةُ 
فَلَطَالَمَا أَحْبَبْتَ هَذَاالسُّوّرِ قَبْلَ فِرَاقِنَا 
الْيَوم تَرْتَعِدِينَ خَوْفاً؟ 
تَضْرِبيَن الْأَرْضِ كَالْطِّفْلِ الْصَّغِيْرِ 
تُحَاوِلِيْنَ لِتَنَفِذِيّ وَتُكَسِريّ وَهُمَاً حَدِيْدِه 
وَنَسِيْتِ أَنِّيْ شَاعرٌ 
فَنّ الْنِّسَاءِ هُوَ الْوَحِيدَ مِنْ الْفُنُونِ عَشِقَتْهُ 
وَحَلَفْتُ إِمَّا هَالِكٌ مِنْ دُوْنِهِ 
أَوْ أَنْ أُجِيْدَهُ


٢٤ شارع الحجاز - هشام الجخ


الكلمة نور وبعض الكلمات قبور
#عبدالرحمن_الشرقاوي 

قصيدة مكنتش هناك لهشام الجخ ساقيه الصاوى

mohamed nassar