هو انتي ليه بعيدة كده.. ومستحيلة بالشكل ده؟
فرحة حياتي ومرها.. أيامي بيكي عشتها
انتي الحقيقه في دنيا زيف.. وانتي اللي دبت في حبها
بقدر على الناس كلها.. وببقي قدامك ضعيف
وبتعندي وأنا ادوب ندا
***
قلبي على كفي افتحيه.. هتلاقي صورتك ساكنه فيه
حتى وانا ف قلبي المرار.. مبشوفش غيرك ليل نهار
ياوردة مغسوله بندى
***
صافية ورقيقة وطيبة.. وبعيدة وانتي قريبة
يا محيرة كل القلوب.. بكتب غرامك ع الدروب
وارسم ملامحك ع المدى
***
هو انتي ليه بعيده كده؟
بصحي على صورتك وانام.. والقاكي ينساني الكلام
أرسم أمل يبقي سراب.. وأحلم بفرح ألقاه عذاب
وانده يجاوبني الصدى
***
عاشق انا قلبي عنيد.. ومسيري هوصلك أكيد
والقاكي يا قمري البريء.. لو حتي راح يخلص طريق
والقى طريق غيره ابتدى

هو انتي ليه بعيده كدا

"And those who were seen dancing were thought to be insane by those who could not hear the music"
 Friedrich Nietzsche.

هو انتي ليه بعيده كدا

Mohamed Roshdy