خلاص عرفت
عملوا ثورة وشالوا زفت 
بس ما تقوليش خلاص مشوا حمارك !
أى واحد بعده هنخليه حمارنا ..
حتى لو ماكانش إسمه " .. حمارك " !

شعب مين يا جحش إنت ..
هيّ مصر إمتى حكمها شعب ..
مصر بتسلم ودانها لأى كلب ..
بس يتزوق شوية !
شرعية !
ديموقراطية
ليبرالية
عسكرية
أى كلمة فيها " إيّة "
أى كلمة تكون " طرية "

الشباب المصرى منظر ..
كله فاكر نفسه عنتر ..
إنفخوهم إنتوا بس وعظموهم !
فهموهم إن رأيه ده أمانة ..
و إن أى كلام يخالف رأيه أوبا .. يبقى بدأت الخيانة ..
وإفردوا إديكم شوية بالفلوس .. الناس جعانة .

فنانين ! .. فنانين و مثقفين دول عند خالتك ..
دول شحاتين !
يابنى كله قصاد فلوسك ..
راح يبوسك ..

فيه ولد شاعر كويس ..
شوفته مرة بيشتم الريّس ..
طلعوا الولد ده فى الاعلام كتير !
اشتروه حتى لو كان سعره غالى ..

هاتوا رجله واحدة واحدة و بالطريقة ..
و اكسروا عينه وودانه ..
بس إوعوا يحس بينا ..
إديه فلوس .. إدوه كتير !
واحدة واحدة هيبقى واحد م الحمير !

و الحمير واقفين طابور ..
و إحنا مالناش أى دور ..
إحنا بس يادوب بنديهم فلوس !
بس إحنا مش على المسرح يابابا ..
إحنا فين ؟ .. في الكالوس !

هما هيأدوا الوظيفة فرد فرد ..
إحنا هنجيب الديكور و نظبط إضاءة .. يبقى عرض .
هما ثورة و هما شعب .. ياكلوا بعض ..

أما إحنا ..
أحنا نسمة .. إحنا بلسم ..
وحلّنى على بال محد يفوق و يفهم ..

____

- ليه يا شيخنا ..
طب هنعمل إيه يا شيخنا ..
طول ماهو الإعلام فاشخنا .. ( سالخنا )
و إحنا برضو يعنى لسة مسيطرين !
طول ما الناس جعانة و مطحونين !

الجوع جهالة .. و الجهل جوع ..
و الجوامع تحت إيدنا فى البلاد و فى النجوع ..
هى الناس هتفهم " ليبرالية " و " مرقصية " ..
الناس هتفهم " إسلامية " ..

الغلابة فى القرى ما لهمش خلق للحوار ..
دول ناس غلابة !
يا إما " جنة " يا إما " نار " ..

و إحنا طبعاً طرح جنة ..
هى الناس هتاخد دينها عنهم ولا عنا ؟ ..
إحنا اللى بنقول الحرام و إحنا اللى بنقول الحلال !
إحنا اللى هنسوقهم يمين و إحنا اللى هنسوقهم شمال !

الفنانين ..
إن كان ممثل ولا مطرب ولا شاعر !
اللى يناصرنا هنمدحه بالخيرو نذكر اسمه ع المنابر !
و اللى يعادينا يكش ما يكون شيخ بعينا هنقول ده فاجر .. ولا كافر !

و الناس بتمشى ورا الخطب ..
و الجهل ناره قايدة قايدة !
إحنا بس يا دوب هنرميله الحطب ..

___________

- تمام يا فندم ..
كل متظبط و متشيك و متهندم يا فندم ..
هو بعد الناس ما شافت حد ليه وش يتكلم يا فندم ..

طبعا الإعلام بتاعنا وطنى حر ..
إحنا بس خايفين نفتح الخيط للعيال لا الخير يكر ..
دى سحابة صيف يا فندم هتاخد وقتها وعلى طول تمر ..

الرموز الإعلامية ..
الصراحة مية مية ..
و هى دى الديموقراطية ..
إحنا ما معناش مذيع يطلع على القنوات و ينقد ونشتم ..
أحنا بنقفل القنوات يا فندم

الشعب منحاز لينا طبعا ..
بالتمام ..
فنانين و ومثقفين و مطربين .. مفيش كلام ..
أيوة طبعا غنوا لينا !
أيوة غنوا لمصر طبعا يبقى طبعا غنوا لينا !

قالو إيه ؟ قالو :
" مصر يا أما يا سفينة ..
مصر عايشة فى بحر هايج و إحنا ربان السفينة ..
تسلم .. .. تسلم الإيد اللى ربت تسلم الكيكة العجينة "

إحنا مش فاضيين يا فندم للأغانى وللكلام ..
الكلاب هيّ اللى فاضية للنباح !
أما إحنا بتوع سلاح !
________

" الشعر مصلوبٌ على وتر الوريد ..
كفراشةٍ دامت بكل محاجر العهر استفاقت ..
نملة تشتم منسأةِ الرسولِ و ترفع الأحلام شعباً لا يريد ..
وجعٌ على الأباوب يكسر نابه ..
قل للسراب متى سيفتح بابه ..
ف أنا مللت من الحكايا كل ليلٍ دون أن يأتى جديد ..
النيل اّهاتٌ ورمزٌ للجياع ..
خذ كل ما يأتى لتهدأةِ الضباع ..
و أرقض على الأسفلت و أقطل طفلةً لا يعرف العشاق معنى عشقهم إلا بأوقات الوداع ..
الشعر مصلوبٌ على وتر الوريد ..
و أنا على المرسى الطويل ..
كماءِ بحر من حديد .. "

و أنا مياه من نيلك يا بلدى ..
و أنا مياه من طينك يا بلدى ..
أنا مش معهم كلهم !
ولانيش تبعهم كلهم !
لسانى فاكر مشية الكورنيش و إيدك ..
وحشنى رمضانك و الفطور على صوت ادان رفعت و عيدك ..

وسط البلد وحشتنى من غير الحواجز و الحجارة !
أنا كنت زمان بمشى ماكنتش أعرف إن في الشارع وزارة !
كنت بتحامى بعينيكى و بإيد حبيبتى و بالسيجارة !
كنت بدفى أما بركب ميكروباص ..
عملت كل حاجة تزعلك لكنى ما ضربتش رصاص ..

وسط البلد نسيت صوابعى اللى اتهروا ..
نسيت سجايرى الفرط و هدومى اللى دابوا واتبروا ..
يا عم يا بتاع الخطب يا عم يابتاع السلاح !
هو إحنا يعنى يا إما نبقى سداح بداح !
يا إما تضغوا وتفتروا ..
بزيادة لينا 3 سنين بتبيعوا فينا و تشتروا ..

إحنا البلد ..
إحنا السند و المستند ..
إحنا اللى قبل ما تبنى سدك كنا سند ..
و إحنا اللى علشان القنال كانت ضهورنا بتتجلد ..
إحنا البلد ..
ملعون أبو اللى ما ضاقش جوعى !
و إن كنت مش هصعب عليه و الله ما هوريه دموعى !

أنا أقوى منكم ..
أنا جدر ضارب فى البلد دى غصب عنكم ..
يا عم يابتاع السلاح . يا عم يا بتاع الخطب !
تركتوا أصلاً نخل شاخ ولا عاتش بينزل رطب !

أنا مش طرف في خناقة الحكم اللى قفلت قلبكم ..
أنا قلبى مؤمن إن ملك الله بيهبه لمن يهب !
بس إوعى تفتكر إنى هرضى بجوع عيالى ..
أو إنى أشوف بلدى قصادى بتتنهب !

و الله معمولك عمل ..
شعب اتنحس على نحس همى !
شعب اتوقف على حرق دمى !
أدب إيدى في غيط شعور ..
عشمان أنول بدر البدور ..
يطلعلى شال أمى !

لو حد زعلان إنى ثورت ..
أدينى غورت ..
بطلت ثورة و بطلت نيلة
و شلت على راسى التقيلة

ملناش يا عم نصيب نفرح بخلفتنا ..
ما يترضى بالمكتوب يا ترضى بالفتنة ..
يا دوب شافونى عريس
نصبوا الطريق متاريس
وحاصروا زفتنا ..

هندارى ليه و نلف و نداري فى الألاعيب ..
الاعتراف مش عيب ..
لو كنا شوفنا الغيب ..
لا كنا قندلنا ولا كنا زفتنا !

صعبان علية الحلم ..
شايفه بيتكسر ..
و عينيا طايلة المدى
بس الإيدين أقصر ..
أنا اللى عمره ما غاب
و عمره ما إتأخر ..
تطرح عينيكى عذاب
يزرع عينيه سكر ..
أنا اللى قال حاضر
لا شرط ولا إتأمر ..
ولا طمع ولا إتدانى
ولا بطش ولا إتجبر ..
أنا اللي كل ما أجوع
ببعينيكى بتصبّر ..
ما يغركيش العدد
و الله أنا أكتر ..

أنا اللى مش إخوان و أنا اللى مش عسكر


المكالمة‬

ضعيف وياك صلاح الرفاعى

هشام الجخ قصيدة نانا

ماتت قلوب الناس ماتت بينا النخوه?


السبحه والنبوت 
والقرش والسحتوت 
وحوارى حاضنه بيوت 
والبت بنت بنوت 
والليله دخلتنا 
..
الحنه والشمعات 
البوسطه والدمغات 
والحضره والنفحات 
والنخله والبلحات 
ساقطين فى حوش بيتنا 
..
الارض والاطيان 
قطرك مالوش قضبان
شعبك سنين غضبان 
والسقا مات عطشان 
اثيوبيا سهتنا 
..
السد جُم وبنوه 
الليله اخدوا النيل 
بكره الهرم ياخدوه 
بدلنا صبح بــ ليل
والشمس فارقتنا 
..
السبحه وانفرطت 
والقرش بيصدى
تلقى الجنيه ترميه 
باليورو هتعدى 
تبنى العمار بدولار 
بقيت فاتوحة نار 
والفُرقه هدتنا 
..
بدلنا ليه النبوت 
بعصاية السيلفى 
يا بلاد تباتى فى حال 
فى الصبح تختلفى 
وبيتقلب حالك 
الماضى كان ليكى 
ومستقبلك حالك 
والضلمه ممدوده 
شوف كام طريق نمشيه
والسكده مسدوده
..
لا البنت راح تفرح 
ولا هى بنت بنوت 
دخلوا بشرفها مزاد
علشان تجيب القوت 
وبينهشوها كلاب 
العسكر اللى اتساب 
غطى الجريمه بــ كاب 
واتحامى فى سيوفه 
بيسرق النخلات 
وبيطبع الدمغات
وبيعمل التوكيل 
ويقتل المقاتيل
وبفتوة البهاليل 
بيطهروا كفوفه 
..
ياما بكره هتشوفوا 
اقدم هرم خوفو 
هيحولوه عقارات 
كام عضو مجلس شعب 
هيعلقوا البانارات 
فوق واجهة الجامع 
اهتف ومين سامع 
الكل سمعه تقيل 
الكل مش بيشوف 
الماضى متشوه
إرث الوطن مخطوف 
..
هتفوقى امتى يا بلد
وتحنى برضاكى 
ليه بترمى توب التاريخ 
وبتلبسى الكاكى


#Belal_Bebo

#السبحه_والنبوت

السبحة و النبوت

البقاء لله يا صاحبي

عنها ... ! islam eleraky

Mawaly Reda-Elbahrawy 75633

تراك جديد
 ليا انا و مينا يوسف
اسمو ( كنتي )(مكونتيش) Part 1.. 
الفيرس 1 Mina Rap Foox
مستحيل تناسبى كيانى انا بعانى 
مستحيل تشيلى كل حاجه من قدامى 
كانت فكره شفت ورها الف حكايه 
كان الدمعه تنزل حرام كفايه 
شفت اى منك غير قسوه و جراح 
شفت اى غير خيانه و قلبى مش مرتاح 
كنتى بنزبالى كل حاجه و كلى راح 
كنت عايشه معايه احسااااسك جوايا 
نفسى افهم انتى بنزبالى اى 
نفسى افهم حبيبتى و ام عيالى ولاه اى 
فهمتى كلامى اتقال ليكى ليه 
فهمتى كل حاجه خرجت بنزبالى ليه
ازى بتحبينى و بتحبيه ازاى بتعشقينى بتعشقيه
ازاى هان عاليكى قلبى موتيه 
انا و انتى كنا ف حكم المخطوبين 
ابتسمتى ابتسامتك كنا بيهم معروفين 
اشارتى ليكى كانت من سنين 
اشارتك ليا كانت لعبه من صميم 
خفت منى لما قلت مش راجعين
..................................
#الكــــــورس
جوانا حجات مكسورة 
كنت بعيشها صورة بصورة
زي الملك والكتابه 
والدنيا بقت قلاابه
فا بعد منها بدئت كتابة وعاشت قصة فيها رواية 
كانت ف طريقها للسعاده وعاشت فيها بالابادة
زي حكم مؤبد مش مؤيد ف الاستجابة
خدو عهد وكدابين واساسا مش سالكين
فا احفظنا يارب من عيون الحاقدين
...........................................
الفيرس 2 Bo U Dy
كنت لي بعاني علي حد ف يوم نساني
 مهماا بيغلط اسامحه وهوا كان اناني كنا بنزعل بنتخانق بصفي لية من تاني 
بحبة بس كان جانى مقدرش يكون عشاني
 فا كنت بحبة وروحي فيه بس بجرحه راح رماني باع واستغني 
 وعنة كنت اغني كنت برسم صورة ليكي حلوة  ماهو بامكاني اني ابيعك واروح اشوفلي غيرك
 فا اصل مكانك لما سيبتي جيه مكانو حد مقبلش يكون اناني 
بقيت انا حد تاني
عشت بيها وبقيت ليها وهيا كانت عايشة عشاني
 لما بعدت وسبتك بعد مني مين غيري حماكي 
بقيتي علي كل لون تتشافي ومن كل الي شافك طمع فيكي عشان هواكي انسي الموضوع ده تاني
 مش هرجع ليكي من تاني 
دا يوم ما اشوفك ماشية هبعد عنك مش هتلقااني
..........................................................
هندسه صوتيه #مينــــــا فوكس 
استنو مننا كل جديد 🆕

كنتى(مكونتيش)1.mp3

مهرجان الملك للمالك فريق الاحلام الدخلاوية

احمد سعد بيغني لنزار قباني لا لا لا لا لا لا تشكو.mp3

لا أمتلك سوى حيّز صغير جداً من عالمكم.. حيّز في حجم جسدي.. مختبئ بداخله منذ عقدين تقريباً.. أما عن عالمي الخاص فهو تحت فروة رأسي.
عايش فى عالم موازى للواقع
فى مرحله البحث عن الذات
كلية هندسه قسم انتاج و لك ان تتخييل كمية الفشخ ^_^


المكالمة‬

TatOo ✪