أجملها

mostafa ibrahim

Moustafa ibrahem

اشعار

مفضل

شعر

انا و انتى عشنا سوا...
أيام يمكن ما تتعوضش من تانى..
شفنا التاريخ...و هو بيتكتب ع الهوا...
و سبنا الهوى يضربنا ف الخلاط...
معرفش بكتبلك من الإحباط... 
ولّا الأمل...
معرفش إيه العمل....
ف ريحتك اللى مغرقة ورق النتيجة...
و ف الأيام المتعلّمة بمزيكا...
و ف الشال اللى شال دخنة و شياط و عياط
و فوارغ المطاط...
و الحى....و الدخان....
أكدب عليكى لو قلتلك ندمان..
لاكن انا عيّان بحب الوطن...
و بذكريات المعركة الدايرة...
و بخوفى م النسيان ...
و بحُبِك إنتى كمان...

ورق النتيجة | مصطفى إبراهيم‬

"مريم صالح  وحدى "عندي طول الوقت وحده

الكوتشي اللي باش .. بصوت مصطفى إبراهيم .. ويسترن يونيون فرع الهرم ... :)

الكوتشي اللي باش - مصطفى إبراهيم

مصطفى ابراهيم المولويه

- مسعود كُرتِس - تبسّم

نعم لا بد من حب - حمود الخضر

أنا الإنسان - حمود الخضر

قصيدة تفرانيل 100 لــ مصطفى إبراهيم

mix:zabadymusic
Zabady ♫ | SoundCloud : https://soundcloud.com/ahmed-hamdy-2-1


تفرانيل 100

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

lyric : Amr hassan 
composer : Karim Gohar 
--------------------------------
vocals : amr gamal - ahmed abd el azim 
drummer : alaa mohsen 
bass : bobo 
Nay : ahmed abo el magd 
keyboard : mohamed nabil

3al Selem - vodka - ع السلم باند فودكا

مصطفي ابراهيم ft مزيج شعر العامية عمرو حسن
https://soundcloud.com/dr-mahmoud-amer/ft-1

مزيج الفيلسوف المشاكس مصطفى ابراهيم
https://www.facebook.com/dr.3amer07

مزيج الفيلسوف المشاكس مصطفى ابراهيم

شد حيلك / تلغراف - مصطفى إبراهيم

تتر برنامج (ذكرى وعبره) للداعيه : فاضل سليمان

كلمات : محمود السراج
ألحان: صهيب شكري
توزيع: أحمد العسال
جيتار: مصطفى أصلان
مكساج: عمار خاطر

Ya Rehlty - Mohamed Abbas | يا رحلتي - محمد عباس

Black Theama - Hat Albak | بلاك تيما - هات قلبك
YouTube : https://youtu.be/tN1G59sn2NI 
Lyrics : Ahmed Haddad | كلمات : أحمد حداد
Melody & Music Arrangement : Sherif El Wesseimy | الحان و توزيع : شريف الوسيمي
Sound Engineering : Shady Crash | هندسة صوتية : شادي كراش
Cello : Abd ALLAH Samir | شيللو : عبد الله سمير

Black Theama - Hat Albak | بلاك تيما - هات قلبك

شريف مصطفى feat.  كوكاكولا... لسه فيها كتير... امير عيد و روبى

Cocacola summer tune

كوكاكولا...لسة فيها كتير

نهاكَ عنِ الغواية ِ ما نهاكا 	وَذُقْتَ منَ الصّبابَة ِ ما كَفاكَا
وطالَ سُرَاكَ في لَيلِ التّصَابي 	وقد أصبحتَ لم تحمدْ سراكا
فَلا تَجزَعْ لحادِثَة ِ اللّيالي 	وَقُل لي إن جزِعتَ فما عَساكَا
وكيفَ تلومُ حادثة ً وفيها 	تبينَ منْ أحبكَ أوْ قلاكا
برُوحي مَنْ تَذوبُ عليهِ رُوحي 	وَذُقْ يا قلبُ ما صَنَعَتْ يداكَا
لعمري كنتَ عن هذا غنياً 	ولم تعرفْ ضلالكَ من هداكا
ضنيتُ منَ الهوى وشقيتُ منهُ 	وأنتَ تجيبُ كلَّ هوى ً دعاكا
فدعْ يا قلبُ ما قد كنتَ فيهِ 	ألَستَ ترَى حَبيبَكَ قد جَفاكَا
لقد بلغتْ بهِ روحي التراقي 	وَقد نَظَرَتْ بهِ عَيني الهَلاكَا
فيا مَنْ غابَ عني وَهوَ رُوحي 	وكيفَ أُطيقُ مِنْ رُوحي انفِكاكا
حبيبي كيفَ حتى غبتَ عني 	أتَعْلَمُ أنّ لي أحَداً سِوَاكَا
أراكَ هجرتني هجراً طويلاً 	وَما عَوّدْتَني منْ قَبلُ ذاكَا
عَهِدْتُكَ لا تُطيقُ الصّبرَ عني 	وَتَعصي في وَدادِي مَنْ نَهاكَا
فكَيفَ تَغَيّرَتْ تِلكَ السّجايَا 	وَمَن هذا الذي عني ثَنَاكَا
فلا واللهِ ما حاولتَ عذراً 	فكُلّ النّاسِ يُعذَرُ ما خَلاكَا
وما فارقتني طوعاً ولكنْ 	دَهاكَ منَ المَنيّة ِ ما دَهَاكَا
لقد حكمتْ بفرقتنا الليالي 	ولم يكُ عن رضايَ ولا رضاكا
فلَيتَكَ لوْ بَقيتَ لضُعْفِ حالي 	وكانَ الناسُ كلهمُ فداكا
يعزّ عليّ حينَ أديرُ عيني 	أفتشُ في مكانكَ لا أراكا
وَلم أرَ في سِوَاكَ وَلا أرَاهُ 	شمائلكَ المليحة َ أو حلاكا
خَتَمْتُ على وَدادِكَ في ضَميري 	وليسَ يزالُ مختوماً هناكا
لقد عجلتْ عليكَ يدُ المنايا 	وما استوفيتَ حظك من صباكا
فواأسَفي لجِسمِكَ كَيفَ يَبلى 	ويذهبُ بعدَ بهجتهِ سناكا
وما لي أدعي أني وفيٌّ 	ولستُ مشاركاً لكَ في بلاكا
تموتُ وما أموتُ عليكَ حزناً 	وَحق هوَاكَ خُنتُكَ في هوَاكَا
ويا خجلي إذا قالوا محبٌّ 	ولم أنفعكَ في خطبٍ أتاكا
أرَى الباكينَ فيكَ مَعي كَثيراً 	وليسَ كمنْ بكى من قد تباكى
فيا مَن قد نَوَى سَفَراً بَعيداً 	متى قُلْ لي رجوعُكَ من نَوَاكَا
جزاكَ اللهُ عني كلّ خيرٍ 	وَأعْلَمُ أنّهُ عني جَزَاكَا
فيا قبرَ الحبيبِ وددتُ أني 	حملتُ ولوْ على عيني ثراكا
سقاكَ الغيثُ هتاناً وإلاّ 	فحسبكَ من دموعي ما سقاكا
وَلا زَالَ السّلامُ عَلَيكَ مني 	يرفّ مع النسيمِ على ذراكا

نهاكَ عنِ الغواية ِ ما نهاكا

حديقة الغروب

Watch video on Youtube:
https://youtu.be/RB3rxjodSyE
...... 

Lyrics & Composed by : Marwan Fawzi 
Recording & Mixing : Mahmoud Waly
Video by Fady Galal
.........

حاولي تناديلي 
من جوه بير وجع.. جنب بيتي 
بعدّي وأشرب منه 
كل ما أقول نسيتي 

حاولي تناديلي 
واضحكي في سرّك .. قولي عادي
مانا عادي بضحك
عادي بنادي 

قوليلي.. آه يا مجنون بس عاقل
ياللي برج عقلك منصوب بس مايل
كسّري برواز مقامك
باني صورة.. صورة مهزوزة بس باني

حاولي تقوليلي.. إستنّى أو خلاص
استعجلي الرحمة .. أو الخلاص
حاولي تناديلي

Hawly Tinadeely | حاولي تناديلي

الأبنودى   أحزان عادية

عبدالرحمن الابنودى رساله الى الأخوان المسلمين

سلك السماعه - مصطفى ابراهيم

من غير مناهده - مصطفى ابراهيم

ندرت الندر - مصطفى ابراهيم

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم / شعر

 أحداث كربلاء - ديوان المانيفستو

مصطفى إبراهيم - قصيدة إنى رأيت اليوم | من ديوان المانيفستو



أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت


المولوية | مصطفى إبراهيم

انا بتكلم عن الحب المثالي ♥ بعذريته ورومانسيته , بلمسة الطُهر اللي فيه , بروح الشاعرية اللي جواه
زمـان كنا نحب زي ما نقرا الشعر أو نسمع مزيكا ، كانت لمسة من الإيد , مجرد لمسة تغيبنا عن الوجدان ونظرة من العين تسهرنا للفجر وكانت رعشة الكلمة الحلوة على الشفايف تبكينا 
♥ تصوري إن احنا كنا بنخاف من القرب أكتر ما بنخاف من البعد ..  وفي البعد طبعا نرجع نحن للقرب تاني  


مسلسل ابو العلا البشرى 
اسامة انور عكاشة - عمار الشريعى - محمود مرسى 


انا بتكلم عن الحب المثالى ♥  ابو العلا البشرى

كانت حتفرق ف الوداع - مصطفى إبراهيم -ديوان ويسترن يونيون فرع الهرم
الصفحة الرسمية لمصطفى إبراهيم على الفيس بوك: https://www.facebook.com/Mostfa.Ibrahim

لو بس كنت ساعتها عارف....
إن دي المره الأخيرة....
مية مية كات حتفرق ف الوداع …..
كنت هحضن سندس اللي ف تانية تالت ع المشاع...
وإحنا طالعين م اللجان...
بعد اخر إمتحان...
واسألها لو بتشوف فلان.....
طب فاهمه مادة ميس إيمان ؟....
طب ينفع ابقي أجيلكوا عادي ؟....
قصدي يعني البيت يساع ؟...
لو بس كنت ساعتها عارف....
إن دي المرة الأخيرة....
مية مية كات حتفرق ف الوداع …..
كنت يومها أكيد حبيّت...
عند جدي ف شقته...
نلعب ورق....
نسهر سوا....
ومش حسيبه عشان ينام ليلتها من بعد الدوا...
أو يرد الشيش عشان ضهره بيتعب م الهوا....
واقوله يعني بذمتك....
أخر نفس ساقع أخدته ف صحتك....
بقي مايساويش حبة وجع ؟
بطّل دلع …
جدي اللي مات دفيان ليلتها بـاللحاف …
لو كان عرف....
إن الليلادي وداع لأنفاس الهوا....
مكنش رد الشيش ف أخر ليلة له....
ومكنش خاف …
كل الشوارع والمباني...
اللي مش حدخلها تاني …
والأغاني....
اللي لما سمعتها...دندنتها...
من مرة واحدة بالسماع …
مية مية...
كات حتفرق ف الوداع....
يا كل حاجة كسبتها  ...
أو سبتها....
و ملحقتش اشبع منّها …
إكمنّها...
قالت “حنروح من بعض فين؟ "
يا ناس يا عبط يا عشمانين...
ف فرصة تانيه للقا...
بطّلوا أوهام بقي....
وكفايه أحلام وأسمعوا....
عيشوا بذمة و ودعوا...
كل حاجة بتعملوها...
وكل حد بتشوفوه...
وكل كلمه بتقولوها...
وكل لحن بتسمعوه...
عيشوا المشاهد... كل مشهد....
زي مايكون الأخير...
وإشبعوا ساعة الوداع ….
وأحضنوا الحاجة بـضمير....
دا اللي فاضل مش كتير ….
اللي فاضل....
مش كتير …

شد حيلك / تلغراف - مصطفى إبراهيم

Mohamed Zaid