رُكن انفصالي عن العالم💙."

هنا أجد عالمي الخاص بعيدًا عن ضجيج العالم♥. 

عبثياتي ✨🖤

راحت يا خال_mohamed gaber(acoustic version)

الكلمات :- 
أمي العزيزة 
نقطتين و شَرطة             :- 

سايبلك عمري فـ الفيزا
و فـ الأقلام
و قصايدي
و الأفلام

سايبك بحنيتك
تحاربي قساوة الأيام 

و أبوس إيدك
أوعي الدموع تطول عينك 
عليا يا عيني مـ الحسرة

نقطة و فاصلة                     .،

أنّي رأيتك يمّا بتلعني أنك
مش عارفة نجهزي بنتك
أني رأيتك يمّا خايفة من أنك
لحد يمد إيده فـ سيّالتك

يكتشف أن مافيش سيالة
طول عمرك قلم رصاص
و الدنيا براية

و أنتِ عرفاني 
ماليش في الدنيا شيئ خالص
و معرفلهاش قفا من وش

الدنيا مَنجل 
و أنا برسيم 
و أبويا يحِش

المرة دي مش جي أعيطلك 
ولا أشكيلك 
ولا 100 معلش هتوصلي
الخوف توب متفصلي

آخر مرة و أنتِ بتصلي 
شوفتك و سمعتك

فاصلة                  ،
شوفت
نقطتين و شَرطة

إيدك و هي مرفوعة 
كان من منها لسقف ربنا

دموعك 
و هي نازلة حفر فـ خدودك
و جلود كعوبك الميّتين

و هدمتين فوق السرير 
و كعبة المصلية غرقانة
كأن الكعبة فوق البير 

و الأوضة حواليكي بتموت
المِلايات دابت
مولل السرير شابت 
من سوس الخشب و العُمر

و الدولاب أبو ضرفة واحدة اللي مسنداه ع الطوب
هو كمان السوس كله 
أصبح مخرم زي الجيوب

إحساسك ساعتها وصلي
الشكوة أطول مـ بتصلي
كنت خايف حاجة تحصلي
و أنا شايف المشهد من بعيد

فاصلة                 ،
وراها فاصلة         ،،
سمعت
نقطتين و شَرطة     :- 

سمعتك و أنتِ بتناجي
كنجمة صبح بتلالي في السما تايهه
كأنك طير و رابطينه 
علشان يدوّر الساقية

كأن الدنيا دي ملأَ
و مافيش غيرك بشر فيها

سمعتك و أنتِ عمالة ترددي || محمد ||
و بتوصيه يراضيه
و يعينه يجهز إخواته
و يقدره ع مين يعاديه

ساعتها يمّا خانتني رجلي
و وقعت في الصالة
الدنيا حصالة 
و إحنا معناش حاجة تتحوش

و أنا قررت أدفع عمري
لأجل أمي 
و اتنين بنات

نقطة                   .

اللي فات
كان جواب سيبته فـ البيت 
قبل م أسافر 

|| 29أكتوبر2021 ||
|| عزبة شماعة ، قنطرة النعناعية - أشمون - المنوفية ||
|| أنتهت في السابعة صباحًا ||

مش جاي أعيطلك - محمد بن عادل | mesh gay a3yatlek - Mohamed bn adel

هتلاقي  جزء من قصتك الحزينه هنا

مزيج  ما بعد النهاية

لرفيقي الذي شاركني العُمر.:""

وأني أحبك حبًا أنت تجهله ما بال قلبك لا يعرف حبي له؟ هل تعلم أني عندما أحادثك يرفرف قلبي منبسط ومبتهج رباه إني أحبه حبًا كأنما لم أحب أحدًا مثلما أحببته☆'. 

كل العالم يهون بس الدنيا بينا تصفي||'.

مشهد شعري إهداء إلي شيماء الصباغ 💙

ما لم تراه الثوره

مصطفىى ناصر - إتجاه المرج

كلمات و القاء : مصطفى ناصر 
Facebook Account : www.facebok.com/disha.ua

Master : Mostafa El-Mallawani

أسف على المواعيد / كلمات و القاء : مصطفى ناصر

قَصيدة من غير معاد سابق - من حفل القاهرة بمركز الربع بالمعز 

كلمات : مصطفى ناصر
https://www.facebook.com/disha.ua

من غير معاد سابق / مصطفى ناصر

مشاهد تصويرية للحب و الفراق .

٢_ارجوك متمشيش

تفاصيل سرية جدا

مقدرش أخون راجل

A voice note - كل دة كان ليه؟

مزيج ما لم يمكن مزجُه:''

غنيلي شِويّ شِويّ:')) By | AHMED ELSHEIKH

نفسي ابطل اموت من ذكري سمَاع صُوتك .

عينك حَشيش وانا عيني ولاعتي :".

مَزيج الفن يُواسي ..♥️

#الحُصري
https://www.facebook.com/profile.php?id=100006750258523

ما لم تراه الثوره

Mohamed Zayed_الحُصري