كل المراد منكم تسيبوني ف القالب غايب ف ذكراكم حاضر لكن غايب

لقيتكوا وش لقوهتي فحلفت مش شارب ❤

(وحداني في اللمّة)

من نظرتي للجاي بحدد وِحدتي
وبقابل اللمّة على إنّي مش منهم
كان كل شيء واضح وباين شِدتي
مع إنّي والله كان نِفسي أقابِلهم

كان نِفسي أعيش لمّا
كانت هِناك لمّة
ولمّا كانوا هِناك
أنا كنت واقِف هِنا
ويسألوني اللمّة: إنت ليه لوحدك؟
ولا إنت مش زيّنا؟

ملقيتش رد ساعتها يكفي إنّي أقنعهم
غير إنّي واقِف هِنا ومُحاط بشيء مـ الهَم
يمكن فيه شيء مُختلف خلاني مش بينهم
زي إختلاف الألف عن أي حرف سِواه
أو زي مثلاً مُخدّر بيجري جوّة الدَم
خلاني وَحداني وبحِس بالمُعاناة
وهي دي المأساة..

إنّك تكون وَحدك مع إن حواليك
فيه خَلق بيحبّوك
وإن إنت تِنساهم ، وهمّ فاكرينك
أو بس يفتكروك أول ما بيقابلوك

مَلعون أبوك يا حُزن خليتني
أكرَه سِنين العِز في شَبابي
مَلعون أبوك يا حُزن ذليتني
هو إنت مش لاقي مكان
غير عند بابي؟

سيب إكتئابي في حالُه مش ناقِص
والوِحدة دي خُدها مش عاوزها
الوِحدة خلتني أعيش ناقِص
واللمّة أهي بعيدة ، وأنا مش شايفها

وبمشي في إتجاه اللا إتجاه وأنا تايه
ومستني الطريق هو اللي يلقاني
وكإني بقنع نَفسِي إن أنا لمّة
مع إنّي كنت ساعِتها وحداني

والوِحدة كانت واضحة من صوتي
أو بردو ممكن تشوفها في خطوتي
والوِحدة ليها جزء في سكوتي
وهي عامِل أساسي في إنتهاك قوتي

واللمّة كانت سُكّر قهوتي
ف القهوة صَبَحِت سادة كالعادة
وأديني قاعد وَحدي بتألم
يقاطعني صوت جرسون بيتكلم
ويقولي: تشرب إيه؟
ف أنسى إن أنا لوَحدي
وأقوله: أكيد قهوة
خليها قهوة زيادة
مع إن وِحدتي بتتلخّص
في قهوتي السادة

وأديني يا سادة بكتبلكوا لأنّي
كان نِفسي أعيش وِسطكم لكنّي
عايش مابين الوِحدة وإتعوّدت
مستنيين إبداع إيه منّي؟
وأنا كل ما أكتب نَص ألاقيني فيه جوّدت
لكنّي إتعودت..
ومابقاش بيفرق شيء
ولا حتى مستني طريق
ولا حتى مستني صديق
والوِحدة عادي يعني شارياني

لكنّي تاني للأسف بكدب
ده لأن أنا حقيقي بعاني
ولهذا السبب قررت إنّي أكتب
إنّ الوِحدة قاتلاني
وإنّ الوِحدة بايعاني
وإن الوِحدة خلتني
أعيش بينكم ووحداني
وسلبت كل شيء منّي
وخلتني حزين جداً
وحتى الحُزن ده عماني

وبطلب منكوا يا لمّة
تخلوني أكون بينكم
لأن الوِحدة دي لمّا
تزيد ع الحد أنا بعاني

لأن الوِحدة دي (لمّة)
(زادت) ع الحد وأنا بعاني

#مؤمن_بسيوني

(وحداني في اللمّة) - مؤمن بسيوني

إتنين بنات ☣️ محمد الكافوري

انها - en7a

مش عمرو حسن - محمد خالد (ميجو)

انا مش حزين | محمد عبدالفتاح

علي حسن | عشوائي

السماء الأولي - elsama2el2ola

زي النهارده من سنين

follow Mohamed abdelfatah on Facebook : 
 https://m.facebook.com/mohmad.abdelfatah.35?ref=bookmarks


محمد عبد الفتاح | السنين السلف - Mohamed abdelfatah | elsenin elsalaf

سامحني مش بإيدي امشي - المشهد الاخير

مهواش سند لـ ( تولين ادم )

facebook account 
https://www.facebook.com/mohmad.abdelfatah.35

محمد عبد الفتاح | السنين السلف - Mohamed abdelfatah | elsenin elsalaf

Mohamed Abdelftah l محمد عبدالفتاح

Recent comments

asmaa hasan

محمود محمد

عبدالرحمن محمد زكى

Related tracks