مزيج كان كل شيء بيقول هنتفارق

للتواصل مع الباند ::
www.facebook.com/ahmed.mousa.sandoo
كلمات :: محمد اسماعيل 

انا كلمه فى معنى الكون انا بكره اللى مش هايكون
انا عاقل ومش موزون انا مجروح اوى بحزنى عشان فرحى طلع مجنون
انا فى العتمه اكون شايف ومش خايف لكن مرعوب 
انا فى نهارى م شطايق لكن فايق عشان مغلوب 
ومش لازم ابيع للكل انا نفسى عشان اكون مرغوب 
وقالوا تهون مابين ليله شروق وغروب 
انا قلت ماهيش فارقه كده سودا وكده زرقا 
لاموت حر لاعيش مصلوب 


انا كلمه فى معنى الكون | Mousa Project - live

سيجارة و شط بحر

تبقي معايا من البوم طاقة مكبوتة
 كلمات : محمد إبراهيم (جاكسون)
 ألحان : أحمد فرغل
 توزيع : محمود العتال
 انيميشن بوست بروداكشن و اخراج عهدي صالح
 روكسي 
أحمد فرغل (غناء)
 عبد الرحمن الكومي (كيبورد)
 محمد صلاح (ليد جيتار)
 عمر مصطفى (درامز وايقاع)
Teb'ey Mayaa
 Song writer : Mohamed Ibrahem (Jackson)
composer : Ahmed Farghal 
Arranger, Mixing & Mastering : Mahmoud El-Attal 
Animation, post production & creative director Ahdy Saleh Rocksea 
Ahmed Farghal (Lead Vocal, Songwriter, Music Composer, Guitar ) Abd El-Rahman EL-Komy (Keyboard, Back vocal, Music Composer) Mohamed Salah(Lead Guitar)  
Omar Mostafa (Percussion)
كلمات
أنا عايزك تبقي معايا ساكنه قلبي وجوايا وحدك انت وكفايا
"ونعشق السنين ونسهر الليالي وتصبري على حالي وعمري مابقي حزين"

أنا عايزك في سمايا وتكوني القمر وانا جمبك اكون نجم من وسط البشر
"صورتك دايما في بالي في حقيقتي وفي خيالي يامغيره لي حالي من اول نظرتين"

"دي قصة حب جميله هنعيشها في يوم وليله وليالي الشوق طويله ولا نبقى مجروحين "
"ونعشق السنين ونسهر الليالي وتصبري على حالي وعمري مابقي حزين"
"صورتك دايما في بالي في حقيقتي وفي خيالي يامغيره لي حالي من اول نظرتين"

follow us
https://www.facebook.com/rockseaband
https://play.anghami.com/artist/4832103
https://www.youtube.com/channel/UCJRPRHd8SORirmiSzbhYX2g
https://www.instagram.com/rockseaband/
https://twitter.com/rockseaband

Teb'ey Maaya - تبقي معايا

تبادلنا الموسيقى..  ثم كل شي

يومًا ما كانَت المُوسيقَى تجمَعنَا

لو تسألي ..
أنا مش ولي 
صاحب بالين
و حَنبَلّي 
شهم وشقي 
مُسلم تَقي 
بَصَلّي الجمعة
للجمعة 
عفيف وسيء السُمعة 
صعلوك أوي
مُلتوي
بشرب سجاير فرط
بخسر و ادوس ستارت
معاييش تذاكر للنعيم 
قلبي الغشيم ..
غفلني/ و عدى عتب الباب
مليش أحباب ..
حقيقي أنا لسه مش ولابد
لا عايز أعرف حد
ولا حد يعرفني 
 لو شوفتني ماشي/ بلاش توقفني
منطوي .. لأن الباقة خلصانة 
الدمع على قدي / لو كنتي عطشانة
المَلّح سَوانّي
الغنوة فـ وداني
" وأقولك ع اللي سهرني 
وأقولك ع اللي بكاني "
الحُفر ياما 
الطريق واعر
نفسي لوامة 
مهنتي شاعر
خُلقي مش ضيق 
صدري بيزيق
شكلي شب عجوز
من عنيا الجوز
الهالات طارحة 
بالنسبة للفرحة
فـ أنا على لحم بطني 
الحزن هَبْطنّي 
لو دوخِت .. ضُميني 
الحالة بتجيني ..
كل أما أحس بشوق
يومين تلاتة وأفوق 
ونكمل الأسئلة ..
دا لو مفيش مشكلة 
وحابة نتعرف ..
والله ما بخرف ..
أنا كنت ناوي مقولكيش
لو عايزة القصة دي تكمل
فـ نصيحة مني متسأليش !!

كلمات و إلقاء : أحمد سعد 
موسيقى : أرماند آمر

C.V - Ahmed Saad III سي ڤي - أحمد سعد

مد ايدك يا صديق انتشلني من الوحل
عنيك تراقب موت جسمي الكهل .
ببطئ!
زي السم في الوريد يشلك ويتمكن
كان لينا اراء دلوقتي مش فارق
السواد م البياض
مش احباط
اتهلكنا في البحث عن هويه
الطرق محكومه بالدواير
والبدايه في الاصل منتهيه
اتغرينا بخبلنا وقلنا نقدر
نصبح عرايا من البحر للمحيط
انت مش الوحش ده
انت اقل من الوحش ده
زئيرك بسيط ميوشش علي صخب المدينه
بنحارب الحيطان والحيطان مش لينا
بنحارب التحرر والقيود تقيله
بنحارب الفاشيه والفاشيه فينا
بنحارب زي ما قالوا واللي قالوا هربوا وغرقت بينا .
في كام متر مربع نصبنا العده واكتفينا
معدتش تكفينا اهرب
السؤال بقا!
هل هنقدر ؟! ولا القدر لعب بينا ؟!
هل هنقدر نندمج والعشره تداوينا ؟!
ولا المستقبل معملش حساب لينا ؟!
ما احنا لسه بنتنفس يا حبيبي
وعالمنا الموازي اكتشفنا انه هش يا حبيبي
معدش يساع، خيالنا بدون دراع
يومنا افتراضي هل هنقدر ندوق التفاصيل ؟!
ولا مخزون الشغف معدش كافي ؟!
انصاف احياء، انصاف اموات
والواحد عروقه جفت
يوم ما اتطرح، طرح احتقار للذات
معدش يساع .
طب ايه بعد البؤس ده ؟!!
هنعيش بايه جوه الفخ ده ؟!
بعد ما اكتشفت اني .
انا مش الوحش ده
انا اقل من الوحش ده!
هتواسيني بايه ؟!
حكاوي الامل كنت ليها راوي ،
مش لطيف!!
بؤسك مش لطيف
طب ايه بعد البؤس ده ؟!
لينا باقي .
كفي نفسك عطفك ملوش داعي
قدمنا الكل قبل النفس فايه اللي باقي
لا شئ!
لا شئ!
لا شئ!
انت مش الوحش ده!!
انت اقل من الوحش
انت مش الوحش ده!!
انت اقل من الوحش

إيه بعد البؤس ده ؟ - علي طالباب في الدي كاف

طب إيه بعد البؤس ده؟

رضا محمد. 24 ساعة.mp3

تعرف؟




من فوق الكوبري انا شُفت حاجات
الناس من تحته مابتشُفهاش
فوق سُطح قديم كنبة بقلاب
تلاجة قديمة ناقصها موتور
بنرات وكراسي ونُص دولاب
عفش وكراكيب وصور باسبور


شايف مواكب م الجراد
بتنضف الموقف
شايف كمان

زاهد بيوصف بار لعربيد سُكر

شيشة بتوصف نار لكييف قديم

قروي بيوصف تار لقاتل مُحترف

مُلحد بيوصف غار لطالب ازهري

عابر بيوصف غربته لشجرة

زاني بيوصف ذنبه للتوبة



في مكان مُعين اسفل الكوبري
فيه الحكاوي كتير
وفات عليها زمان
شابة يتيمة ووحيدة
وعندها سرطان
ساكنة في عشة قريبة
من سلم الكوبري
كان عرضها مُغري
وماكانش في مُشتري
عرضت تكون زوجة
لشخص م الاغنيا
يصرف على مرضها
ويغيتها م الاغبيا
بشوفها دايمًا من ورا الشباك
بتصلي لله وبتدعي وبتكي
ومن قهرة مرضها بطلت تشكي
معظم جيرانها
مايعرفوش عنها المرض
وانا كنت بتمني اكون م الاغنيا
عشان انجدها من ذل السؤال والعيا
لاكن مفيش في ايديا شئ
غير اني ادعيلها
ارجوك يارب
يارب هي تعيش والمرض يخفي
يارب اسيب الحي دا واخفي
يارب نفسي اشوفها
عروسة منورة بجمالها في الزفة
يارب حاسس اننا في منفي


الركن دا من الاهانه اسفل الكوبري
له قانون غريب عدي قانون الغاب
عجل التكاتك هنا شرس وله انياب
صوت بايعين الكيف يخوف
لذلك كل ما انوي اتوب بسوف
الجار هنا بيشوف مراة جارة
فـَ بيرمي عينة ويرمي إيدة ساعات
كل التعالب هنا مالهاش عدد لفات
هنا العيال مابيلعبوش كورة
ولا بلي ولا مساكة ولا بالطوب
هنا العيال بيلعبوا رفة
والحفلة ع المغلوب
عربية الكبدة
بتدبح كلب قدامك
ولو دكر اعترض
مش عاجبك امشي
هنا اللي بيلموا البلاستيك
ممكن يفكوا جتتك ويطبقوها
البنت ممكن تتزنق فـَ تبيع ابوها
الميكروباص والتاكس والميني باص
والسواقين والتباعين والحدادين
مابيصوموش رمضان
غرض التحرش هنا
مش بس للنسوان
كفاية ولاَّ اقول كمان
ارجوك يارب
ارحمها من الم الكيمياوي
دا حتي جيبها الضعيف
مابيحتويش حقه
افتح بيبان رحمتك
واقبل دخول إنسان
يادوب صلب عوده
جاله المرض زقة

اذا كان ع القصص ياما
لكين الرك ع الحبكة
يا غُلب وسابلنا علامة
فـ جعلت قلبنا شبكة
لو زُرت تحت الكوبري
ارجوك احترس
وإياك تبين اي احسان او مودة
انت مش عيش يتجرح فايخُر رده
انت مش صاج يتخبط ومالوش رده
انت مش غربال جديد فـَ مالكش شدة

24 سبتمبر 2018                  6:00pm

تحت الكوبرى/علي سليم

عزيزي البشري .. أهلاً بيك في جمجمتي

طب إيه بعد البؤس ده؟

Mxhamed