محمد محسن - كل ده كان ليه

Mikke Massy - ياعاشقة الورد

مابين حب وحب

MBCTheVoice - هدير يوسف  الصدفة خلتنا نحب - مرحلة الصوت وبس

حُب ولا في الأفلام 
كلمات و آداء : إيهاب البهنساوي 
إهداء خاص لنجوم زمن الحب الجميل
الراحل الرائع : نور الشريف والجميلة بوسي
الفنان محمود يس والفاتنة نجلاء فتحي 
ولصديقي : عماد عبد المقصود
--
نفسي أحب و أتحب 
زي الكلام
اللي بنسمعه في الأفلام والأغاني
ايه يعني قلبي لو يغرق في الحُب 
بس 
لا ينجرح ولا يعاني
-
زي قصة حُب في فيلم
وأدوق من العشق كاس
وأعيش الحقيقة شبه الحلم
أو حتي يعني زي الناس
-
نفسي ألاقي ضحكة صابحة
فوق شفايف حبيب مالكني
و في الطريق الخطوة واضحة
و حبيبي فيها مشاركني
-
و العيون بتفيض أمل
و القلب فرحان وطاير
و مـ الهم قلبي اتغسل
لا فيه عليك
ولا عليا 
ولا فيه خساير
-
أحضن إيديها وأقولها  
متخافيش مني ولا أخاف
إتطمني بيا وطمنيني
والحب  جوا القلوب ، شفاف
إحيّي عشاني واحيني 
ولا نعيش تاني فـ يوم
- ولا لحظة -
حُب عجاف
-
ما قلبي داء المُر عُمْر
وبالدموع ، إتحَنّت جفوني
بيقولولي بالهزار :  
راحت فين ياواد عيونك السُمْر
أقولهم : 
من الهم ، 
خدوا الضحكة وسابوني
-
نفسي أبدأ قصيدة حُب 
وأختمها مرة بسعادة
معرفش يعني عليا ذنب
أكتب بس
أتمني بس
وبكل يأس
أعيش الحزن زي عادة
-
إنتي فين يا مراودة أحلامي
إنتي فين يا واقفة قدامي
ومش شايفك
غيوم عنيا مشبّرة إزاز الـ وحدة
وأنا مستنيكي من مُدة
ولسه يا روح قلبي مش عارفك
-
وأنا كبرت والشعرتين شابوا
وخط الزمان بان علي قورتي
شديت حبال الصبر لحد ما دابو
بجيب اجوان بكورة مش كورتي
-
كل القصايد عليكي بألفها
العين تبيع للقلب دمعة
وترجع من تاني تستلفها
و أنا خايف
وأنا شايف
سنين العُمر بتعدي
وروحي ـ مـ الفكر ـ بتجيب وتودي
والفرحة عمري ما بشوفها

نفسي أحب و أتحب 
زي الكلام
اللي بنسمعه في الأفلام
 تم 

إيهاب البهنساوي - حُب ولا في الأفلام

بيتي أنا بيتك

سلاما على قمرين يدوران حولك

لجسمك عطرا - بيانو

القصيدة الدمشقيّة «نزار قبّاني» - عبّود برمدا

تحرمني منك ليه؟

مزيج ملحم بركات | بصوت رنين شعار

بحبك ما بعرف

لجسمك عطرا - بيانو

Mohammed Abu Ali