The Upload

قصيدة العمة يامنة / عبد الرحمن الأبنودي

والله وشبت يا عبد الرُّحمن ..
عجّزت يا واد .؟
مُسْرَعْ؟
متى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمن.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية ..
وباين حاحيا كمان وكمان .
عشت كتير .
عشت لحد ماشفتك عجّزت يا عبد الرحمن.
وقالولي قال خَلَّفت
وانت عجوز خلَّفت يا اخوي ؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت ؟
وجايبهم دِلْوكْ تعمل بيهم إيه ؟
على كلٍّ ..
أهي ريحة من ريحتك ع الأرض
يونسُّوا بعض .
ماشي يا عبد الرحمن .
أهو عشنا وطلنا منك بصة وشمة .
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان
حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!


 

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.
طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!
كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب
أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.
الورث تراب
وحيطان الأيام طين
وعيالك بيك مش بيك عايشين..!!
يو…..ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.
مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!
بناتي رضية ونجية ماتوا وراحوا
وأنا اللي قعدت.
طيِّب يا زمان..!!



 

إوعى تعيش يوم واحد بعد عيالك
إوعى يا عبد الرحمان.
في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.
ساعتها بس ..
حاتعرف إيه هوّه الموت.!!
أول مايجي لك .. نط
لسه بتحكي لهم بحرى حكاية
فاطنة وحراجي القط..؟
آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.
زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب ..!!
قِدِم البيت.
اتهدت قبله بيوت وبيوت.
وأصيل هوه ..
مستنيني لما أموت ..!!
حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟
حاجي ياعمة وجيت ..
لالقيت يامنة ولا البيت ..!!

قصيدةيامنة ( مع الكلمات ) -عبد الرحمن الأبنودي

إبتهال صوفى(قل لمن يفهم عنى ما أقول) - على الهلباوى

فى برنامج البرنامج مع باسم يوسف

إبتهال صوفى ( قل لمن يفهم عنى ما أقول ) - على الهلباوى

(قواعد العشق الاربعون)MIX الحب الصوفي   Zig Zag - زجزاج

عبد الرحمن الأبنودي ؛ العمه يامنه ... حاله

مولاى إنى ببابك - حازم إيهاب

احنا ولاد الكلب الشعب - عبد الرحمن الأبنودى

اول يوم في البعد/ رمضان احمد

From this year's Christmas concert.  Had fun rearranging and exploring new sounds with the magical Christmas carols and tunes together with Tarek Abdelkawi

Santa Baby is a 1953 Christmas song written Joan Javits and Philip Springes

Santa Baby - Noha Fekry & Tarek Abdelkawi

زي الشتا

كيف للإنسان أن يقول وداعًا للأشياء التي يُحبها بدون أن تكون بطريقةٍ مأساوية، بلا بكاءٍ ملموس لثلاث ساعات بلا بكاءٍ محسوس في القلب يمتدّ العمر كلّه.

والنفوس الطيبه تميل لكل طيب مثلها يا طيب ..💙 @ahmedsalllah
_________________________________________________
insta >> www.instagram.com/mido.sallah886
twitter > twitter.com/mido_salah886
Fb > www.facebook.com/mo.salllah
------

سَكِينة التَخلي عن العَالم

ابتهال فكم لله من لطف خفي - بهاء سلطان 2020

too much love will kill you

لحن غير مشهور لسيد درويش يقدم بطريقة جديدة عن طريق المزج بين اللحن الاصلي و توزيع عصري لكريم عبد الوهاب  غناء حمزة نمرة     سيد درويش يصور باللهجة الصعيدية عن حال أبناء الصعيد اللذين كانو يعملوا بالسخرة في مالطة في الحرب العالمية الاولي و تصور الاغنية شوقهم لبلدهم و فرحتهم بالعودة

Hamza Namira - Remix 3 - Ya Wild 3ammiحمزة نمرة - ريمكس الموسم الثالث - يا ولد عمي


قل لمن ...

قل لمن يفهم ما اقول . فَسّر القولَ فسر القول فذا شرحُ يَطول 

انت لا تعرفُ اياكَ ولا تدري من انتَ ولا كيفَ الوصول

كيفَ تدري من علىَ العرشِ استوى لا تقل كيف استوى كيف النضول

كيفَ تجلَ الله ام كيفَ يُري ؟ فلَعَمّري ليسَ ذا إلّا فَضول
 
هو لا اينَ ولا كيفَ لهُ وهوَ في كلِ النواحي لا يزول
 
جلّ ذاتاً وصفاتٍ وسما وتعالى قدرهُ عما نقول 

***************************
 
سُبحانَه 
سبحانةُ كُلُ ما في الكونِ صنعُتهُ فإن ارادَ فلا تسأل عن السببِ 

بَل سلمِ الامر .. بَل سلمِ الامرَ تِظفر بالُمراد وما فوقَ المُرادِ فبابُ الخيرِ في الادبِ

إلىَ الملكْ .. إلىَ الملكِ القَويّ شًكوتُ ضًعفي 

إلى المُحصي لما اُبدي واُخفي .. إلى التواّبِ قد يمّمتُ وجهي وفي ندمٍ رفعتُ لهُ اكُفّي 

إلهي قوي بالايمانِ قلبي .. إلهي وامّحوا بالغفرانِ ذَنبي 

إلهي قد دعوتُكَ يا كريما لتًهديَني صراطاَ مستقيماَ 

وتنزلني فسيح جِنانِ عدنِ وتجَعلًني وتجَعلًني بروضَتِها مُقيماُ

ابتهال فكم لله من لطف خفي - بهاء سلطان 2020

Mohamed Fadel Buffon

Recent comments

محمد رمضان

Mostafa Sindbad

Mohamed Hamed 52

Related tracks