Egyptian Project - Soufi

قالولي زمان وانا صغير مفيش انسان بيتغير
وقالوا الوش والماسكات تملي عمرها قصير
مدام الطبع كالعادة تملي بيغلب التطبيع
هتفرق تربية زيادة فـ واحد بالجينات هيصيع !
انا صايع على الفطرة ولا بكيفي ولا بيدي
وكل مقول اكيد فترة الاقي العمر بيعدي
ولسة السنكحة كيفي
ولسة الصرمحة فدمي
ولسة ببوسها فالسيما... وتضحك اقولها اتلمي
ولسة بلف فالشارع وانا معرفش رايح فين
وفـ الفجرية عالكوبري مفيش غيري مع الاسدين
بدندن لحن اغنية وتيجي انتي على بالي
فصوتي يبتدي يقطع... ودمعة فعيني تتلالي
فاطلع نوتة الاشعار واقطع كل اورقها وافرقها
وتيجي الريح تبعزقها على الاسفلت فالشارع
ياست الكل انا واقع فـ عرضك لجل تقريهم
وبعد ماتقري ... ارميهم او انسيهم
بحكم الطبع والعادة هتيجي قصيدي متعادة
مدام كار الكلام كاري ومفيش غيرك فـ افكاري
هتفضل كل اشعاري مفيش غيرك بنات فيهم

قالولي زمان | مصطفى إبراهيم‬

من كلماتي : حسين أحمد 
غناء و ألحان صديقي : محمد سرور
[تسجيل]

أدين بدين حبك و أكفر بباقي القلوب
و عينيكي قبلة لصلاتي و لقلبي أنا المكروب
قصاد منهم بقف خاشع كما الصوفي كما المجذوب 

يدعي في صلاته لجل يدخل جنتك و يختفي مـ الدروب
و أستغفر بإسمك لتغفري ذنب الفراق المكتوب
و أسكن بمحرابك لأهرب مـ الغربة و الغروب

خايف لأكفر بدينك و أتوه بين القلوب !

محمد سرور - أدين بدين حبك

مزيج - مصطفى ابراهيم ، عن الروح والحب والثورة

Sorour Project - Live - أنا سبحة في رقبة درويش By SOROUR سرور

الخواجة لامبو - عبد الرحمن الأبنودي

Massar Egbari - Hawi (Acoustic Version At Cairo Opera House) / مسار إجباري - حاوي

زينب لأحمد الطحان بصوت سلمى سمير

إهداء للسجاير و الشاي و القهوة و أيام الحظر و لأمي و منال و عمرو و مش إهداء ليا

"بعض الموسيقى و الحب و اللا شيء"

رممت شرخي..
وبمنتهى الفخر اللي نابع من إيمان شاعر بقضية الإنسان
بكيت.
أنا ما انتهاش حزني..
رممت شرخي بابتسامة وحزني مدفون تحت منه
وبقيت باقول وشفايفي مرسومة: حزني انتهي
مع إني مدرك إن أنا لوحدي يا حزني إللي انتهيت

تعرفني؟
مريت بشيء عدّى في خيالي وجعلي قلبي؟
جربت تهرب من مكان فوصلتله؟
وكرهت شيء أهلك مشاعرك كلها واستنزفك..
ومرّ بيك العمر وبقيت تعمله؟

(أهملت قلبي..
وأنا قلبي أجمل من قلوبهم كلهم..
ما كانش -أبدًا- يستحق إني اهمله)

الدنيا غير الدنيا دلوقتي
حواليا ناس غير اللي انا اختارتهم
كل اللي أنا اختارتهم ناسيين ملامحهم في قلبي
بيعيشوا دلوقتي بملامح غير
وحقيقي كتّر خير الدنيا على شرّها
علّمني شر الدنيا فعل الخير

بين إللي كنته وإللي لسه هاكونه
بيبص عقلي لقلبي في عيونه
ويقول له: شوفت!

(نظرة واحدة في عيني تفضح حجم خوفي)

وأنا قلبي شاف..
أكتر كتير م إللي أنت هتشوفه في عينيا

صعبان عليك؟
أقولّك الأقسى..
أنا كل يوم باصعب عليّا



#أحمد_الراوي





رممت شرخي

مات اللي كان مستني موته وهو ساير
جثمان فلان ابن الفلان ابن الفلان 
هذا الذي 
موقفش على باب الخليفة رغم جوعه 
خابز لصاحبه رغيف أمل من بين ضلوعه 
ملهوش مباديء
 بس كان صاحب قضية 
ملهوش قضية
 بس كان صاحب وطن 
ملهوش وطن غير المساحة اللي ف غناة
كات ايده عُليا رغم انه مش معاه 
كان عنده عزة تغني عن مال ال قارون 
ومنفعتوش 
اهو مات جعان علشان مركّبش القرون
ومركبهوش 



زينب لأحمد الطحان بصوت سلمى سمير

Mohamed Tawfike