العلاقة المثالية - مسلسل الغفران

ما بين أغنيّتين، تنزلق كلماتي لك، لا مناص من التّعبير، هذه فُسحة لإبقاء شعورٍ ما على قيد الذّكرى المنقضية..

وجدانيّات: في بعض الغياب حضورٌ أكبر.

الخوف
رفيق حياتك الأبدي 
أو ممكن تقول عدوك الأبدي
من إنسان الكهوف وإنت كبشري بتخاف ،كمان ما شرط تكون بشري
الخوف غريزة بتتحكم فيك
الخوف بيصير سلاح بأغلب الأوقات لحدا تاني حتى يتحكم فيك
وهو تطور مع تطورك إنت كبشري
بوقت كنت تخاف من الحيوانات المفترسة أو غضب الطبيعة
اليوم انت كمان بتخاف من الحيوانات المفترسة ولا تنسى إنه صارت أشكالها متعددة.
وكمان بتخاف من إنه تكبر وتكون وحيد
ومن إنه تكون بلا فايدة بالحياة
بتخاف من العنوسة ، بتخاف عأولادك
بتخاف إنه ما ييجيك اولاد ،وبتخاف إزا إجاك اولاد
بتخاف إنه تنشلّ ،بتخاف من العجز ، من الطفر
من إنك تحكي رأيك بأي شي ، بجوز بأبوك ، برفيقك ، بمديرك بالشغل ، بالسياسة
الخوف من الموت
وأحياناً بتخاف من اللي بعد الموت
الخوف....
انت هلأ عم بتفكر إنك انت عبارة عن كتلة من الخوف....مو أكتر .

#قلم حمرة.....الخوف

الزواج....
الراعي الرسمي للوحدة
بالأخير بتوصل لإحساس إنه حتكون أقل وِحدة بكتير في حال كنت لحالك
في حال كنت مو متزوج صعب تفهم هاي الجملة
وكمان مو كل المتزوجين رح يفهموها
أكيد في جْوازات ما بتدخل بهاد التصنيف
بس بعد عدة سنين بتقضيها بمراعاة مشاعر الآخرين
بتوصل لمرحلة بتبطل تعرف شعورك الخاص 
وقت توصل لهاي المرحلة بيكون صار الوقت إنك لازم تدور على حالك
عحياتك الشخصية
ببساطة وقت بتتعب من كونك ميت
رح تكون على استعداد 
إنك 
ترجع
 للحياة مرة تانية....

الزواج.....قلم حمرة

اكتئاب - الحلقة 2 - قلم حمرة

انا مت - الحلقة 6 - قلم حمرة

الكان وياما كان - الحلقة 6 - قلم حمرة

بيخبروك انو تجرب احسن من انك تخمن- الحلقة 14 - قلم حمرة

كتير بارد انت - الحلقة 19 - قلم حمرة

صَمَدوا وْغَلَبوا ( بصوت ريم البنا وفرقة سكندريلا) 

تجّار المال هَرَبوا 
وحَرَسْ السلطان انسَحَبوا 
بِقيوا جَماعة بُسَطا وْطَيّْبين 
على نِيّاتُن صَمَدوا وْغَلَبوا 
■ ■ ■ 
أصلاً هَوْ ناس ما عادْ في شي يِخْسَروه 
جَنى عُمْرُن كِلّو طَيّاراتُن دَمَّروه 
حفْظوا العِدْوان
 عِسْيوا عا غَدْرو وْغَضَبو 
■ ■ ■ 
لَوْما هالناس ما كان في وَطَن وْلا بْلادْ
 وْلادُن ماتوا حتّى يِبْقى عِنّا وْلادْ 
زَهِّر يا شَوْكْ غَطّيهُن وَيْن ما قَلَبُوا
■ ■ ■
كلمات و ألحان : زياد الرحباني

انا مت - الحلقة 6 - قلم حمرة

Mohamed Yousry