قلم حمره

تدور أحداث المسلسل على مدار خمس سنوات حول ورد (سلافة معمار)، كاتبة النصوص السينمائية التي تعيش في العاصمة السورية دمشق، والتي ينتهي بها الأمر في إحدى المعتقلات السياسية؛ مما يؤدي إلى أن تتضرر حياتها على كافة الأصعدة، كما يتعرض المسلسل لما قبل الثورة السورية و اثناء حدوثها، والأثر الذي تركته على حياة البشر في سوريا

قلم حمرة

شوية حكي

قلم حمرة ..

الخوف
رفيق حياتك الأبدي 
أو ممكن تقول عدوك الأبدي
من إنسان الكهوف وإنت كبشري بتخاف ،كمان ما شرط تكون بشري
الخوف غريزة بتتحكم فيك
الخوف بيصير سلاح بأغلب الأوقات لحدا تاني حتى يتحكم فيك
وهو تطور مع تطورك إنت كبشري
بوقت كنت تخاف من الحيوانات المفترسة أو غضب الطبيعة
اليوم انت كمان بتخاف من الحيوانات المفترسة ولا تنسى إنه صارت أشكالها متعددة.
وكمان بتخاف من إنه تكبر وتكون وحيد
ومن إنه تكون بلا فايدة بالحياة
بتخاف من العنوسة ، بتخاف عأولادك
بتخاف إنه ما ييجيك اولاد ،وبتخاف إزا إجاك اولاد
بتخاف إنه تنشلّ ،بتخاف من العجز ، من الطفر
من إنك تحكي رأيك بأي شي ، بجوز بأبوك ، برفيقك ، بمديرك بالشغل ، بالسياسة
الخوف من الموت
وأحياناً بتخاف من اللي بعد الموت
الخوف....
انت هلأ عم بتفكر إنك انت عبارة عن كتلة من الخوف....مو أكتر .

#قلم حمرة.....الخوف

هون .. وبس هون .. 
بتشتاق لكلمات بتكون مفكر بحياتك ما رح تشتاق الها... 
بهل المكان ما بتضطر تستخدمها فـ بتشتاق لـ كلمة أنا آسف ... 
بتشتاق لتعتذر من حدا ... 
هون ... 
كيف وليش بدك تعتذر وأنت ما عم تعمل أي شي ... 
ولا شي ... 
لهيك بيجوز بتحب تستخدمها ... 
لانو هي من الكلمات القليلة يلي بتأكدلك أنك عايش
 وعم تشتغل بـأي شي ... 
حتى لو بحالك ... 
عم تعمل شي صح غلط ما كتير مهم، 

......المهم تضلك عايش 


قلم حمرة....بس هون

متاهة...
وإنت راكض ،ماشي ،واقف...
بس انت فيها للمتاهة
بتحاول ....
بتفتح باب وبتنبسط بدون ما تعرف إنه لسا قدامك عشر ابواب 
مسكرة
بتحاول...
بيسكر بوجهك باب...بتزعل
بدون ما تعرف إنه لسا قدامك عشر ابواب مفتوحة
متاهة...
هي اللي بنعيشه كل يوم
وكل يوم بتعطيك فرصة جديدة إنك تفتح ابواب جديدة
بس ولا مرة رح تعطيك الفرصة إنك تطلع منها 
طالما انت فيها....

و أنت هيك هيك جواتها للمتاهة... وأنت هيك هيك بتعرف شو آخرتها... بالنهاية كلنا رح نسقط .... بس فيك تستمتع بالرحلة... فيك تراقب، تشم، تدوق وتسمع وتحس ... 
وفيك تضل عم تعد كم باب مفتوح وكم باب مسكر ...
متل أي مشوار فيك تنبسط فيه وفيك تضل عيونك طايرة ع عداد البنزين و مخك عم يتقرش لـ سيارتك قديه عم تعمل بالتنكة ... 
ما دام طلعتو للـمشوار
 ... ليه عم تحسب !


متاهة _قلم حمرة

من أذكى الحوارات اللي صارت بهاد المسلسل وأكثرها ألما
حوار بين ورد وصِبا قبل موت صبا

من وين عم تيجي كل هالمي اللي بتروي دمعنا....قلم حمرة

بداية و نهاية - الحلقة 1 - قلم حمرة

كأنو ما في حديث - الحلقة 2 - قلم حمرة

كل يوم بندم - الحلقه 2 - قلم حمرة

النيروز - الحلقة 4 - قلم حمرة

الرغبة 2 - الحلقة 2 - قلم حمرة

اكتئاب - الحلقة 2 - قلم حمرة

حزب البعث-الحلقه 6-قلم حمرة

حكي - الحلقة 7 - قلم حمرة

كتير بسيط انا - الحلقة 7 - قلم حمرة

حياه الناس مملة - الحلقة 11 - قلم حمرة

تتمني احيانا لو انها ما بلشت (الثورة السورية) - الحلقة 11 - قلم حمرة

نحنا ناس غرقانين بماضينا - الحلقة 26 - قلم حمرة

ليش دايما بنتذكر الماضي ما دام مضي - الحلقة 26 - قلم حمرة

المستحيل - الحلقة 26 - قلم حمرة

الخوف و الرغبة - الحلقة 27 - قلم حمرة

طز بهيك شوفه اذا هيك راح تكون الحياة - الحلقة 27 - قلم حمرة

حزب البعث-الحلقه 6-قلم حمرة

Mohamed Yousry