
- إنت .. تعالى هنا .. أيوة إنت , مش مركّز و قاعد تنشزلي هنا !
_ أنا يا مايسترو !
- أبوة إنت يا بتاع مترو الأنفاق , أنا شُفتك بعينيا إنت و البيه اللي هناك ده .. يا خسارة يا زين قاعدين تقعوا واحد ورا التاني ..
_ يا خسارة يا مايسترو إنك ما تفهمنيش و تحس بيا , أنا خلاص يا مايسترو مش طايق نفسي بالشكل ده , مجرد نفر , واحد من ضمن خمسين واحد , أنا فنان برضُه يا مايسترو من حقي أتعرف و أشتهر , من حقي أغني و ألاقي حد يسمعني يعني ..
- في مترو الأنفاق !
_ أهو أحسن يا مايسترو من الملاهي الليلية و الضحك على السكرانين .. ولا إيه يا نونو !
- مالكش دعوة بسي زفت كلمني انا هنا ..
_ ما هو التليفزيون عايز فيديو كليب و عايز حد يقف ورا ضهرك و يسندك و عاوز جرنان أو مجلة تشاور عليك و تحط صورتك و بتوع الكاسيت مش عايزين أغاني كويسة , عايزين كوز المحبّة إتخرم و سيادتك سيد العارفين يعني .. و حتى يا مايسترو لو ما بعرفش أغني يعني , كفاية إن أنا بحب الغُنا , كفاية إني أفكر الناس باللحن الجميل و الكلام الجميل , و الأغاني اللي تخلي الناس تحب الدنيا و تموت فيها .. أنا ما وقعتش يا مايسترو .. أنا عايز أوصل للناس في الشارع من غير واسطة و من غير ضهر .
- و الأفراح يا زين , و وقوفك بالليل ورا العوالم , برضُه علشان توصل للناس !
_ لا ده بقى علشان المم يا مايسترو , علشان الفول و الطعمية و العيش , و ساعات الواحد بيبقى عايز ورك فرخة و شوية رز يعني ما هو أنا بني آدم بجوع 3 مرات في اليوم برضُه .. و ساعات ببقى عايز يعني في الأوكازيون أجيب قميص و بنطلون و جزمة .. بني آدم يا مايسترو , بني آدم , ولا قالولك عليا إن أنا بطل العالم في الجوع يعني ..

مشهد من فيلم هستيريا _ أحمد زكي

 ! دنيا حويطه..و انت بتاع    

خلال الشهور القليلة الماضية كان اتصالي الوحيد بالعالم من خلال جيراني المجهولين هؤلاء الذي يستجيبون لي دائماً بنفس الموسيقى.. من هم.. كيف شكلهم.. في صباحٍ ما, أردتُ الذهاب ومقابلتهم, لكنني غيرتُ رأيي, ربما من الأفضل أن لا أقابلهم وأتخيلهم

 " الأبديه ويوم أخر "

بحب اقرا الشعر والاسكتشات الشعبية 

هيفاء🌿
الحمدلله على الموسيقى.

مشهد من فيلم هستيريا _ أحمد زكي

Mohammad Abd El-Alim