" عز الله إني بعد فرقاها فقدت الإتزان 💔*.

‎⁨ودعتني تضحك وانا رحت مقهور.⁩

اوصافي ما تكفي

عهود الشهري - خذ لك بجنب البدر صوره ( جلسة 2023 )

اي والله اهوجس ولاني بمرتاح والحزن في حوش الحنايا بفاروع - محمّد بن فطيس

يا يزيد أوضاع صاحبك الغريبة ما تسرّه
كل ما يبني قصر حلمه يطمّه سيل جارف

باب قلبه غير طيفٍ لاح ما حدٍ يمرّه
من عقب ما كان قلبه للبشر ظلٍ موارف

راحوا الأحباب ما باقي لهم بالقاع جرة
من دفناه بشعور ومن دفناه بمجارف

ما عرفت أشيل حقد ولا اعرف كن المضرة
لو إني اللي عايشٍ ما بين داب وبين هارف

غايصٍ بحر الصعايب في رجاء حلمٍ ودرة
وخانتي في خالد الأمجاد في روس المشارف

ويوم غيري ماله المعدود بحسابه يصرّه
ما عرفت امسك وكفّي من خلقه الله صارف

يا يزيد وصاحبك ما عادت الدنيا تغرّه
قانعٍ من لذة الدنيا نساها والمصارف

بالعيون دموع والصدر الشمالي فيه حرّة
لا قدرت أبرد غليل ولا استهلن المذارف

ما خسرت إلا الحبايب والأماني والمسرّة
ولا كسبت إلا من اغناني عن عموم المعارف

يا يزيد العادل أنت الطيب وأجدادك مقره
وترفع البيضاء باسمك في عوالي كل شارف

يوم نجدٍ ما بها ما يغنى عْن الجوع ذرّة
كان جدّك للسمن من فوق يدّ الضيف غارف

يجذب الطرقي بنجرٍ كل موالٍ يجرّه
وسط بيتٍ ممتلي ضيفان ما هو بيت طارف

وانت يوم إن الظروف تشد عالعنق الازرّة
درع جنب وحد سيف وشوف عين وظل وارف

العمر مرة ولو عشت العمر تسعين مرة
كل مرة بعرفك واختار قربك وأنت عارف

ولو خسرت أغلى الحبايب والأماني والمسرّة
ما علي دامي كسبتك يا عوض كل المعارف
فهد السعد

اي والله اهوجس ولاني بمرتاح والحزن في حوش الحنايا بفاروع - محمّد بن فطيس

MR.HANAYA