كلمات الشيخ حياتي (1871-1943م) عليه الرحمة
****
اللهم صل علي النبي الأواب
يــــا رب
يا واسع الكرم اسعنا بالاحلام
بالعفو والرضا ذوينا فى الاسلام
واكفينا الخطوب فى الدنيا والآلام
بالكلمة التكون نكتب كلامنا كلام

عمرى بالاسف فى الطاعه ما بدر
فى الطغى والملاهى والمفسدات ودر
انتحل الجسم من الذنوب جدر
و العيش الهني بعد الصفى اتكدر
ارجوك يا كريم ظل الكيان قدر
النفس المسيئة الطامحة تتفجر
واعمالى التطيب من قبل ما اتحدر
اشرب من كؤوس اهل الفيهو اتقدر

يا محي الرفات يا دافع الافات
ادعوك بالقلاقل ثم و القافات
بالكرسي ويس ثم بالصافات
بعين الرضا انظرني وامحو الفات
يا قوم الرسول جيد لى و جيد ليكم
من الله المغفرة صاد للغضب ليكم
ذو الفضل العظيم محل نظر ليكم
كرماً من حبيب اخد الرضا ليكم

حبا فى الرسول ذاك اكرم الكرما
اب كفا غني الايتام والصرما
الخامد عقب نار ام دحين ظلما
الجاب الخلق جايهو من جرما
يا قوم الرسول احمد مكفيكم
واهوال القيامة الطامة تافيكم
و انواع المتع بالراحه تاتيكم
كرما من الذى على معاليكم

صلاتى على الرسول صلاتى على النبى

عاجبنى الصحابة الصادقين وعدا
اوفو مع نبيهم ايهما عهدا
لله جاهدو ابا على جدا
سل عنهم حنين سل بدر سل احدا

يا نعم الصحابة الطيبه اعمالم
لله انفقو نفوسم واموالم
الدين عززو اسيادي النصر فالم
فى وسط المحاص معروفه هم حالم

يا قوم الرسول مغفورة ذلتكم
يا قوم الرسول دامت مسرتكم
يا قوم الرسول امن مخافتكم
يا قوم الرسول ضامن كفايتكم

مين متل الرسول كل المراد نايل
مين متل الرسول حمل الامم شايل
مين متل الرسول حسنو البديع هايل
مين متل الرسول له الحياة خايل

اللهم صلى على النبى الاواب
ما مثل الرسول بشرا ولا ملكا
اب خلقا عظيم السرج الحلكن
والاثر العروج فخر الذى سمكا
والشاكي الالم الشاكى روعو سكن
يا نعم الرسول اعلى الرسل شرفا
اوصاف الرسول فى الرسل متصفا
راحات الرسول كفارة وشفا
حين شار للسما بس سحبو ما وقفا

بي فخر الرسول الكائنات فخرا
لو لام السما و الارض انفطرا
قطعا فى الرمال ما بان له اثرا
حين شار للسما اسبوع سقط مطرا
يا نعم الرسول يا نعم قوم انتم
يا بشراكم خير العباد كنتم
بسبق الرضا يا الطيبين طبتم
فوتو القبلكم والخير جميع حزتم

غيرو منو الذى جابتهو بت وهبا
غيرو منو الذى خامد داوت لهبا
غيرو منو الذى اتى الجبال ذهبا
غيرو منو الذى كان للوجود سببا

عقد الجلاد| (المبشرات) النبي الاواب

منو القال ليك بنتحمل فراق عينيك😭💔

عقد الجلاد| (المبشرات) النبي الاواب

Mohammed Abdelrahman