حَلّو المراكب
كلمات: نجيب سرور
ألحان وغناء: الشيخ إمام

حَلّوا المراكب مع المغرب وفاتوني
على الشط واقف بلا مركب وفاتوني
ساعتها قلبي شهق
يشهد عليه الشفق
بيني و بينك بحور الغربة يا داري
يا ناري يا ناري ماتت في البحور ناري
الطير ده من هَشه؟
على الريح بنى عِشه؟
يا عود ريحان أخضر والغربة بتحشه
صعبان علي يا قلب الورد يا صغير
و الله ده كان بدري تتلوع وتتحير
لفيت أنا لفيت في الغربة ما خليت
بلد تشيلني و بلد ترميني تاني لبلد
عواف عليكي يا نخلة مضللة على الباب
راخية الضفاير وحاضنة الأهل والأحباب
مسا التماسي يا ناسي
ما تصدقوش إني ناسي يا سهرانيين في القمر
ليل الغريب ضلمة
يا عيني يا ليلي
لا قنديل ولا نجمة
مناديل دي ولّا قلوع؟
وده بحر و لّا دموع؟
خدوني يا راجعين
فايتني ليه ولمين حلّوا المراكب مع المغرب وفاتوني
على الشط واقف بلا مركب وفاتوني

الشيخ إمام - نجيب سرور - حَلّوا المراكب

راجل عنده صداع مزمن بس بيحب الحياة والمزيكا والأدب


وحين أحبّ سيدةً أحوّلها لموسيقى 

الشيخ إمام - نجيب سرور - حَلّوا المراكب

Mohammed Ehab