لا تتعجَّب إنها إرادة الله :D

كلمات : محمد هشام رجب 
موسيقى : مش عارف الصراحه

---------------------------------------
و ماتحبّيش فـ يوم شاعر
هيبني البيت من الكلمات 
و عفشِك شعر متزوّق 
لا يوم هـ يفِن فـ المطبخ 
ولا للشقه هـ يروّق 
هيعمل للعتاب قافيه 
فـ يوم ماتكوني سايبه البيت 
يصالحِك بالكلام عادي 
ما بلنسبالُه أمر بسيط 
هيكدب كدب يتصدق 
هيلعَب بالمشاعر لعِب 
هيوعِد وعد متحقق 
يخلي السهل أصعب صعب 
مفلس صعب يغنيكي 
كلامو كتير ما بيكفِش 
غداكي هيبقى تفعيله 
و مرضِك بيه ما بيخفِش 
كلامُه بيسحِر الساحر 
يا ريت تنتبهي مـ الإدمان 
بيبقى بعيد أوي عنِك 
و بيبانلِك فـ كُل مكان 
هيكتِب فيكي شعر كتير
بنات غيرِك كتب فيهُم 
 ولو حبّاه عشان شاعر 
يا ريت أشعارُه تنسيهُم 
فـ يا تحبيه عشان حبِّك
يا إما بلاش تعيشي عذاب 
عشان الشعر من أصلُه 
مكوّن من كلام كدّاب  
-------------------------------------
My Page : https://www.facebook.com/MohamedHeshamRagab
Account : https://www.facebook.com/lllHlll
-----------------------------------
لو عجبَك " أعمل شير " و إدعم العمل :)

إدمان - محمد هشام رجب

Mohammed Hesham Ragab