إهداء : 

لكل الحاجات اللى فرطنا فيها .. 
وكل الحاجات اللى خلصت قوام
لنظره فـ وداع اللى كانوا فـ حياتنا
ودخلوها صدفه و خرجوا بسلام
لكل اللى كان نص تانى و شاركنا
فـ جد و هزار و انتظار و اشتياق
لكل اللى قالوا " هنفضل معاكوا "
وغابوا وسابوا الحنين و الفراق 
لكل اللى عايش عشان حد تانى 
لكل اللى كان نفسه اصلا يعيش
لكل اللى ساكت ولو قولت مالك 
يكون فيه ولكن يقولك " مفيش "
لكل اللى تبتنا فيهم بذمه 
وكل اللى حطونا بين " أو و إما "
وكل الحاجات اللى كانت مهمه
لكن بعد فتره بقت متساويش


تأليف : شادى ابراهيم 
هندسه صوتيه و ميكساج : محمد صقر

موسيقى ديوان زي الأفلام

شاعر مصرى .. السن ده رقم ملناش دعوه بيه .. بدرس حاجه مش حاببها زى كل الناس فـ مصر .. بكتب عشان مش عارف أبطل أكتب بصراحه .. بحب الناس بس مش على طول .. عندى فوبيا من كل حاجه ليها علاقه بالفرحه .. الزعل حلو مفيش كلام

موسيقى ديوان زي الأفلام

Mohammed Ibrahim official