Name: مطلوب حبيب / فيه أمل by Mohammed Ibrahim official in ua
Duration: 12 min 24 s
Description: مشاعر كتير متلخبطه .. حاولت ألخص جزء منها فـ الدقايق دى .. غمضوا عنيكوا و اسرحوا .. الكنز فـ الرحله

عايزة ورد يا ابراهيم 💔

ربنا يكون في عونك يا إبراهيم...

"هَلْ من رفيقٌ للعُمر يُشبه الروح والقلب💔"
يُصلح كُسُر بداخلنا يمحي غُيوم وآلام تسرق الباقي من العُمر ونحنُ على أعتاب فقدان الآمل 😔

ازيك يا ابراهيم :)

أغنية الأسد الملك   : دايرة الحياة 
الباب المفتوح : فاتن حمامة وصالح سليم 
أهواك بلا أمل -فيروز 
يا أبانا -تامر ابو غزالة 
فساتين -مشروع ليلى 
ع بالى  
تراه -فيروز 
مفترق الطريق - ماجدة الرومى 
الف الشوارع - محمد منير
حرف جر -المغنى خانة 
هوّن يا ليل - محمد منير 
يوما ما -جوليا بطرس 
الأطلال -غالية بن على 
كلمات -ماجدة الرومى 
يا زمان - مايك ماسى 
تبص فى مرايتك -المغنى خانة 
تاكسى -مشروع ليلى 
يابىّ مريم من التراث الفلسطينى 
الشارع الحر - المغنى خانة 


تجميعة اغانى فى دماغى مش عميقة ومش مزيج

إلـى البنت اللى سهرانة - حنان ماضي و على الألفي

هو التراك ده طويل ؟ ولا التراك طوّل!

احمد الطحان لـ زينب + موسيقي

عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم 


_________________________________________________________

كان يوم عادي

سبتها من ست سنين فاتو ..	
_دلوقتى انا متجوّز غيرها _ 

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى  
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
 ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد " 

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب   و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها  
و تعيد فـ كلام معناه مفهوم 
و تقول " معلش  انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
 الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
 ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى 
 
" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير  
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول  
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف


كان يوم عادى _  محمد ابراهيم

كلمات: مصطفي عبد الشافي
الحان: آية حمدان
توزيع: اسلام الشوربجي
هندسة صوتية: نادر احمد
كمان: احمد عبد الفتاح
جيتار: محمود محي
عود: محمد عبد السلام
كيبورد: اسلام الشوربجي

Salsabely - 7alet Ezdwag سلسبيلي - حالة إزدواج

مشاعر كتير متلخبطه .. حاولت ألخص جزء منها فـ الدقايق دى .. غمضوا عنيكوا و اسرحوا .. الكنز فـ الرحله 

مطلوب حبيب / فيه أمل

متعتذريش القصيده الكامله
من ديوان لما كنا 
معرض الكتاب 
2017

الكلمات 

متعتذريش .. لا حبك آخر الدنيا ..
ولا وجودك سبب لحياه 
انا فـ " مآساه " .. 
بحاول أجمل المشهد 
و أمثل انى مش مهزوز 
" شبح أراجوز "
مركب وش على وشه 
عشان ميبانش ايه جواه
 
لا هشحت إهتمام تانى ..
ولا هطلب حنان لله 
انا كويس ..  كده أحسن
ومش هنكر ساعات بحزن
و أحن لكلمه متقاله ..
وذكرى و صوره ورساله 
فمتحاوليش .. تكونى ضحيه 
فـ القصه ..
و إوعى تصدقى الحاله
ده زى ما فيه بنات إتكسروا بسببنا 
فـ ياما بنات كتير حاولوا و نجحوا
فـ كسر رجاله 
وياما بشوف من الدنيا 
حاجات اغرب من السيما 
وربك برضه ليه حكمه
و ليه حسبه و تقسيمه 
و انا اللى مشيت و انا مآمن 
وسبت مشاعرى و اطمنت 
نسيت ان البلاء وارد
وقد يأتى فـ هيئة  "بنت "
انا يا حبيبتى مش تمثال
و ليا شعور و بعرف احس 
و اتأثر 
و قلبى ازاز .. 
يعور لما يتكسر 
متتخدعيش فـ كام ضحكه 
بخبى الحزن جواهم 
ده لو بصيتى جوايا 
هتلقى الحزن متفسر 
و تلقى الجرح ساب فيا 
علامه الوقت ممسحهاش 
وممسحكيش 
متعتذريش ! 
متعتذريش .. 
و صلى جنازتى وياهم ..
قصاد القلبه حطى الدبله و إدعيلى 
و قولى كان مريض و إرتاح 
كفايه نواح .. 
على القلب اللى شافك ورد 
فـ وطى لجل ما يشمك 
قتلتى قتيل ؟! .. و ايه يعنى 
فداكى .. خلاص و لا يهمك 
مسير اللى إتكسر 
يتلم .. مسير اللى اتقتل هيعيش 
متعتذريش .. 
ساعات الإعتذار بيهين 
ويجرح قبل ما يداوى ..
سلالمك كلها تعابين ..
و انا معرفش أكون حاوى ..
يا حبل إتلف بالتدريج على رقبتى 
و انا من طيبتى سبت الحبل عـ الغارب 
بنبعد مهما نتقارب .. و أشوفك غلطه و أستمتع 
بطعم الغلطه فـ بعيدك ..
يشاء ربك .. بإن الطيب الغلبان 
يبطل طيبه على إيدك ..
 
برائتك .. شكل من بره 
ديكور بيدارى سوء طبعك 
و انا مقلبش أكون تابع 
و خاتم تلبسيه فـ صابعك
انا راجل .. و ليا كرامه لو راحت 
حياتى تروح 
 وبابى لا عاد لا متوارب ولا مفتوح 
ومهما تحنى و تنادى 
خلاص باب الرجوع اتسد
بكيت بعد الفراق ؟! .. عادى
بكيت على نفسى مش على حد
معدش ما بينا شئ فاضل 
عشان نرجع نقول يا حنين 
ده لو نزلت دموع راجل 
ينضرب الوجع فـ اتنين  
مفيش راجل مبيعيطش لو فارق 
الفكره بس ان احنا بنخبى 
معرفش ببكى عليكى ليه و إزاى 
معرفش ليه وعلى ايه بتتحبى 
يوماتى عـ الله بسأل نفسى ..
ليه انتى ؟!
و ليه بالذات  
و كان فين قلبى  و انا مسحوب 
لتيارك 
و كان فين عقلى و انا بغلط 
و بختارك
وداخل جنتك عشمان ..
أتارى جنتك .. نارك
مخدتش بالى انك " وهم " 
مشيت عكس اتجاه السهم 
و قلبى اتذل و إتعلق بأكتر حبل كان دايب 
انا اللى اتسابت طول الوقت 
عشان مرضيتش أكون سايب 
رضيت أطلع فـ حدوتك بدور الحاضر الغايب 
 و أحبك من طرف تايه 
وراكب قطر مبيمشيش 
متعتذريش .. عشان و الله مش فاهمك 
و مش قادر أحدد موقفك بالظبط ..
براجع كل تفصيله .. 
مفيش فـ القصه حلقة ربط ..
مفيش حبكه .. مفيش ربكه 
مفيش فـ القصه دمعة عين 
 و قبضة قلب أو قهره 
أكيد فيه حاجه مش ظاهره 
تعالى نبص عـ المشهد .. 
نراجعه من الألف للياء ..
نشوف مين فينا كان مشتاق 
و مين قصر .. ومين إهتم 
و مين نايم بكل برود 
ومين سهران يعيط دم 
أكيد حبك مهم .. أكيد 
لكن يعنى كرامتى أهم 
فـ كان من حقى أقول همشى ..
و أقول سبتك لكل الناس 
و انا كداب ..
صحيح سبتك انا لكن 
انا المتساب ..
انا المتساب بأفعالك .. 
و إهمالك .. 
و إحساسى ان فى حياتك 
مجرد طيف ..
و ساكن جوا منك ضيف 
لا ليا حقوق ولا كرامه 
و عايش بس من غير صوت 
وطول الوقت بتذلل 
و بشحت كلمتين حلوين 
فـ آخر اليوم ..
عشان أعرف انام مبسوط 
بقول سبتك لكل الناس و برضى غرورى 
وسطيهم .. و انا جوايا نار قايده 
" مفيش فايده " .. بكابر قد ما بكابر 
و قلبى من الحنين مفضوح 
قريب وغريب .. يبص فـ عينى 
فيشوفك بكل وضوح ..
و لسه انا تحت تأثيرك .. 
ومش شايف بنات غيرك 
لكن أصبحت مبشوفكيش 
متعتذريش

أشعار : محمد ابراهيم 
رؤيه فنيه و توزيع : الموسيقار محمد معانى 
تسجيل و ميكساج  و ماستر : كريم حسن
فوكال : محمد الشبينى _هاله حسن 
ناى : أحمد أبو المجد 
باص جيتار : باسم معانى 
اليكتريك جيتار : أحمد طارق

شكر خاص 
" آيه عماد الدين فؤاد "

متعتذريش

محمد ابراهيم _  "متعتذريش " من ديوان لما كُنا

.٤- من أين تأتى السعادة

أغرب مما تتخيل وأسوأ مما قد تتحمل
                                                     -----------------------
Mixed by : Abdelrhman Samir
cover by : Mahmoud Soliman
Tracks:
مشهد عايزة ورد ي ابراهيم - فيلم احلي الأوقات
مايك ماسي - يا عاشقة الورد
مسّيك بالخير - تريز سليمان
مشهد حب فارس و سارة - مسلسل الأب الروحي
شعرك دهب - فرقة تراب
مشهد أية تعترف بحبها ل شادي - مسلس لا تطفيئ الشمس
انا هويت - مسار اجباري
انا هويت - غادة شبير
مشهد لما أقولك بحبك - مسلسل ابو العروسة
في قَهْوة عَ الـمفرق - فـيـروز
لا بالحكي - أدونيس
مشهد نوح - مسلسل الأب الروحي
طريق عيتيت - تيريز سليمان

مزيج لم تسمعه من قبل

(قد فقدت نفسي ووجدني الحزن)
                                                    -----------------
cover by : Mahmoud Soliman
Tracks:
أعطوا منديلاً للكلارينيت - غسان أبو حلتم
محمد الشرنوبي - هو صحيح الهوى غلاب
فويس نوت 11  لِما قررنا نبقي أصحاب -  فيلم اعذ صحاب
مشهد أنا لا منتمي - فيلم بنتين من مصر
محدش مرتاح - حسين الجسمي
 لينا شاماميان - شوي و بيهدا العمر
فويس نوت 8,9  لِما قررنا نبقي أصحاب -  فيلم اعذ صحاب
مين اللى بيختار - هبه الطوجى 
مرسال - اوتوستراد
مشهد الحُب بيحلِّي - مسلسل الأب الروحي
 مين قالك - عزيز مرقة 
مشهد الحُب سِحر -  مسلسل الأب الروحي
 جفنه علم الغزل - جاهدة وهبى 
  أمتي أبتدت الحكاية - كوكتيل مشاهد
هالأسمر اللون - عبير نعمة

مزيج من فقدان النفس

- أنا كُل اللي تَحبُه نادرة حبيبي.

(Voice Record - Aho Da Eli Sar) | إيه هو الحب يا بَحر ؟

حكايات علي بحر - مسلسل أهو ده اللي صار

فاضي ننزل نتقابل صدفه ؟

شاعر مصرى .. السن ده رقم ملناش دعوه بيه .. بدرس حاجه مش حاببها زى كل الناس فـ مصر .. بكتب عشان مش عارف أبطل أكتب بصراحه .. بحب الناس بس مش على طول .. عندى فوبيا من كل حاجه ليها علاقه بالفرحه .. الزعل حلو مفيش كلام

مطلوب حبيب / فيه أمل

Mohammed Ibrahim official

Recent comments

.

Abdelrahman Hassan

Madame Butterfly

♪♪فــࢪح الشافــعــي♪♪

Related tracks