كوكتيل من اغاني وطنيه لــ منير
شبابيك .. في حب مصر .. اتكلمي .. قلب الوطن مجروح ..ياما مويلي الهوا .. بلاد طيبه .. جندي في جنودك .. شمس المغيب .. هيلا هيلا .. يا عروسة النيل .. بحبك يامصر

Mounir .. Sout Masr .. منير .. صوت مصر

مقطع من سهرة اليوم مع اخويا خالد الاشقر في كافـيه فَـلَـكْ (: 

اعتذر عن جودة الصوت ..

مقطع من اغنية ابعتلي جواب - أحْمَـدْ الهَاشِـمِيّ

أقــوى مشاهد فيلم سـاعــة و نــص ... وموسيقى ياسر عبد الرحمن


مشهد انساني من فيلم ساعة ونص

فكروني
محمود سرور عازف الكمان المصري
الحان محمد عبد الوهاب

فكروني

الهوا غلاب بصوت أحمد محفوظ من حفلة Mansoura Got Talent

Share it , if u like

and You Can Find Me on FB & Twitter as :
www.facebook.com/MahfouzOfficial
www.twitter.com/MahfouzOfficial

الهوا غلاب أغنية ام كلثوم بصوت أحمد محفوظ / El-Hawa Ghalab (Covered By Ahmed Mahfouz)

إذا اهتزت الأرواح - ياسين التهامي

قصدت باب الرجاء - منير سامى

المولوية المصرية (عامر التونى) - هامت الأرواح

من مسلسل "شيخ العرب همام"
أشعار عبد الرحمن الأبنودي

مع السلامة يا رفقاتي

فكم لله من لطف خفي يدق خفاه عن فهم الذكي؛
 وكم يسر أتى من بعد عسر ففرج كربة القلب الشجي؛ 
وكم أمر تساءُ به صباحاً فتأتيك المـسرة بالعشي؛ 
إذا ضاقت بك الأحوال يوماً فثق بالواحد الفرد العلي؛ 
ولا تجزع إذا ما ناب خطبٌ فكم لله من لطفي خفي

نسخة معدلة 




فكم لله من لطف خفى - بهاء سلطان - صاحبة السعادة - نسخة معدلة

 سعاد.. لـمُجـرد الحزن
شعر/ مصطفى حسان 	 

إهـــداء

سعاد ..خالتي 
الموت ما ادلهاش فرصة 
تسلم علينا قبل ما تمشي

 
1
عـنـهــــا
طعم الكلام ملح فْ لسان مدبوح..
أبدأ بإيه 
وانتي الطريقة الممكنة للبوح.. 
انتي البداية والنهاية المُرْبِكَه 
كان نفسي ما ابدأش القصيدة   
ما انتي عارفه البوح بداية منطقية للبكا 

حتى البكا مش مدِّي للمعنى اتزان .. 
المرتبك في الشعر من فرط البكا أصدق كتير م المفتعل ..
سيب المعاني تتولد من أي حاجة تشوفها بتولّد معاني حتى لو كانت مجرد حكمة فارغة من المشاعر والألم ..

البوح ميلاد للحزن
والحزن اتكاء ع الجرح 
والجرح امتداد انسان 
..
يا مهَوِّن الأحزان 
إلهمني شيء م الصبر 
كل الجراح تنكشف 
لحظة خشوع ع القبر 
...
تمتم بِسُورْةِ الفاتحَة .. حَاول تبقى زي الناس وتتهجى تفاصيل الألم بهدوء .. وسلم ع المكان – مترين وإسم وآية تحتيهم تاريخ- حاول تكون أهدى ولِمّ جراحك المتبعتره.. يمكن ما تعجبهاش دموعك وانتوا أول مره تتقابلوا هنا..
صعب اللقا في اللامكان ..

أهلاً.. صباح الخير.. مساء الـ 
إيه؟! 
هنا بيقولوا إيه؟! 

..
تتخيلي؟! 
لسه النهارده الصبح شايفك وانتي قال 
طالعه من الأبيض وللأبيض 
وانا ما افهمش في الرؤيا ولا التأويل..
آخري..
أخطي مع الجراح بشويشْ.. 
أرسم ملامحي ع الملوحة 
يبتدي معنى الدراما في الظهور 
فنعيش.. 
إلا المكان ده - في الحقيقة - شيء غريب 
جيت اكتبه.. 
مارضيش..
      أوقات بيضطر الفقير 
-	طبعاً فقير النور وعمق التجربة- 
يخلق حاجات مالهاش أساس 
زيي كتير وانا بحكي عن صورتك في جيبي 
-	هي طبعا مش في جيبي- 
عن براويز الإزاز/ اصغر علاقة بين مرورك من هنا والريح 
ملاحظه صغيرة: فعلاً أنا ما اعرفش إيه هي العلاقة 

كلنا كدبة 
وكل الفرق فرق المنْطَقَةْ في الكدب..
يمكن كل ده خلاني احس اني 
حقيقي هابقى بايخ 
لو حاولت استنزفِك معنى حقيقي .. 
بجد كل المفردات أصلاً مجاز 
حتى المُشابه للحقيقي 
مالوش وجود.. 

فاكرة زمان.. 
عيل عليه الْقِيمة؟ 
واقف يصب المَيَّه في البراد
ومستنيكي تيجي تحطي تلئيمة.. 
وماكانش شيء قده.. 
بيفصّل الأحلام على قده.. 
صار استيعابه للزمن واقف 
أصل الزمن هدُّه.. 

ما اعرفش ليه دايماً مُصِر يْكَتّف المعنى بإقحام القوافي ويّا تقسيم السطور في الصفحَة.. فَرضاً لو بدأت اكتب كده بالعشوائية المفرطة.. يفرق معاكي في التلقي؟! 
كلنا مساكين كتابة مفكرين ان الوصول للشعر أسهل م الوقوف ع المعنى لو حتى وقوف عن بُعد.

تايه أنا ما بين وشوش كل العباد
واصرخ لوحدي في الكتب 
كان في كتير اتعلمه في الشعر 
غير...  
"بانت سعاد"

فكرِك .. كده صادقه المعاني بدون جناس؟! 
كان في كتير للمعنى أوضح م التناص 

كان يعني لازم ترحلي م الحي
وتخبي منه الصوت؟!
الحزن تعويذة أمل للحي
يمكن يدوق الموت

صدقني مش صادق .. في تعريفك لمعنى الحزن/ حتى محاولة الفهم السخيفة.. "يعني لازم ترحلي؟"
ايه الدليل ع الحزن.. ومنين المعاني تتولد.. والشعر هل هوَّ صياغة للحياة.. واللا مجرد نقش ممكن يتمحي؟! 

الصبر دايماً ع البلا بيطُول
والعمر ليه أَطْوَل؟!
انتي الدليل ان الحياة
لو مره كات سهله
الموت يكون أسْهَل

إزاي يكون الموت كده من غير ألم؟! 
هو الألم مرئي؟! 
واللا الألم محسوس؟! 
ما بلاش تخلي دهشة الصورة طريق للمفتعل في اللفظ والمعنى

بعدِك بدينا نحس 
إن الحياة بتميل 
إنتي الغموض في النص
والمتعة في التأويل
..
إنتي البساطة المدهشة للمستحيل.. 
بتعلمي شهور السنة
إن اكتمال البدر 
بيكون المؤشر للرحيل.. 

صوتِك طبيعي يتولد مع تقسيمات النقشبندي ع الصبا.. يِكْفي عشان اوصل لريحتك في المكان ارسم ملامحك ع الجدار يمكن توصل للتلاقي شخبطة صادقة .. ويمكن قهوة سادة تمنع الروح المسافرة م الوصول..
بالرغم من كل البراح في الروح لِبِسْت اسود

الليل بيفرد سطوته 
من غير صِفَهْ.. 
واحنا اللي ما حسِّينَا قيمتك في الحياة   
دلوقتي ليه
فاضية 
الشوارع والحارات والارصفه؟!

حاول ماتستسلمش للتقليدي في الألفاظ، وجرَّب ترسم الصورة ببراعة عشان تكون أكتر وجع..
مثلاً.. تضيع منك غنائية سخيفة مبوظه المعنى
مايجراشي ..
تسيب نفسك وتتحول لرمز سخيف
وإيه يعني!
المهم انك تكون صادق وبس..

إنتي الدليل على كل شيء جامد يسيل..
وان الفوايد للدموع مالهاش مثيل.. 
ما اعرفش إيه ممكن يكون
لما ابقى وحدي اتأملِكْ 
ساعة عصاري في امتداد حبل الغسيل؟!  

"أتأملِكْ"؟! 
صدقني بايخة الكلمة حتى مش صريحة في الدلالة ع الوجع.. خطي برجليك اليمين واعرف بقى الفرق الكبير بين التأمل والمناجاة بعد مايفصل مابينكوا حاجز اسمه الموت.. 

بستنى منك رنة التليفون 
بتاعة الصبح.. 
واتأمل في ساعْةِ الحيط.. 
يمكن تخيل مشهدي 
يخلق لأرواحنا الوجود في البيت.. 

ممكن شوية أصدقَكْ 
بس انت ليه خايف تسلم ع المكان 
ارمي السلام على 
"دار قومٍ مؤمنين" 
برضه .. دخولَك مش مطمن قلبهم 
وانت الغريب .. 
هاتنول معاني الموعظة والصبر 
هُمَّا مش لازمهم جايِّتَكْ 
وانت البراجماتي الوحيد .. 

إنتي المسافة المدهشة 
وقت اختلاط المعجزة بالسحر.. 
لسه العباية رافضة تتعلق
وجدي لسه في الكرسي 
مافيش من يومها حد يسنده
علشان يصلي ركعتين الفجر..

الشعر أكبر من مجرد ندب صدقني .. 
ما تستسهلش في المعنى 
وتسرف في الغنائية 
مقاطعك مش دليل ع الحزن .. 
ممكن تبقى باب للبوح وتفريغ الطاقات .. 
والشعر أكبر من مجرد بوح وتفريغ للطاقات .. 

إزاي نشوفِك بس وِنْشَقَّرْ عليكي
من بعيد من غير كلام
ما يا إما اجي لِك في الكفن
يا انتي اللي تيجي في المنام؟!



مشهد انساني من فيلم ساعة ونص

Khodroj