قربك بفرحني بعدك بجرحني
حبك بسمحني صدك بقمحني
إن شاء الله دايم لي قربك وحبك لي
إن شاء الله لينا تدوم المودة والريدة
ننسى السهر والنوم نحضن أغاريدا
ننسج سوا الأحلام نتفانى شوق وهيام
وهواك يحلق بي وارعاك بضي عيني
الله العليم بالريد جافانا صداً ليه 
قسمة ما بالأيد وهواك هد الحيل
وهواك شال البال ياغاية الآمال
سآل الكريم الحي يحميك ويلطف بي
مالينا غير الريد غير الهوى الغلاب
غير رحمتك يالسيد يامجمع الألباب
يجمعنا رغم البين ونعيش سوا الإتنين
أرضيك وتبسم لي يالبي هواك أنا حي

محمود عبد العزيز - قربك

تسمح اقولك _ ابراهيم الكاشف .

سلاف الياس - عزة في هواك - توزيع الموسيقار حسام عبدالسلام (128 Kbps)

حامد أب سبح - أيامنا

قِطار الشوق - رشا شيخ الدين

مرسال الغيم- معزة التهامي

ســــــــــــــــواة العــــاصفة - وردي توزيع جديد - FATHE_SD@YAHOO.CO.UK

اشكو ليك يا ربي_ عمر الامين حفلة قراند اكسيليسور ديرة

ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
نحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
كنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى لالوبة مصلبة البنيات
النسيمات الهفيف
وانت فى لالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى

رائعة القدال # أمــونة # ماضهبت أقول لقيتك # عقد الجلاد

في بعدك يا غالي _ محمود عبدالعزيز و معتز صباحي

معتز_صباحي - باب أحلامك.mp3

اشكو ليك يا ربي_ عمر الامين حفلة قراند اكسيليسور ديرة

mohammedalkhatim Elawad