ويسترن يونيون

يارب 
ياللي سايبلي الحبل ع الغارب 
أنا غرقان بدون قارب 
ومعرفتش أعوم وحدي 
وكل ما امدلك يدي
وتنشلني 
وأعوم شبرين 
إديا يفلفصوا الاتنين 
وأقولك سيبلي انا الباقي
تسيبلي الحبل ع الغارب 
تخش المية حلقي .. اشرق
فاصرخلك .. وأقول بغرق 
وأقولك عمري ما حسيبك 
فتنشلني 
أعوم شبرين 
إديا يفلفصوا الاتنين 
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه 
بسيب إيدك !

قصيدة ع الغارب - مصطفى إبراهيم

مين فينا عارفك يارب ومين فينا لأ ..
مين اللى فينا لو قال باحبك قالها بحق ..
واحد بدقن بيقول حلال ويقول حرام ..
ولا فواعلى أرزقى شادد الحزام ..
ولا خمورجى استسمحك قبل اما نام ..
ولا عيل .. لسه ماعرفش الكلام ..
ولا حاطلع أنا اللى عارفك ..
أنا اللى تايه فى الزحام ..

قصيدة تايه في الزحام - مصطفى إبراهيم

إهداء ويسترن يونيون...mp3

الاولة ارزاق ، التانية اسماء ، التالتة بشتاق

من غير مناهده - مصطفى ابراهيم

من ديوان "ويسترن يونيون فرع الهرم" ل مصطفي إبراهيم 

الاولة ارزاق ، التانية اسماء ، التالتة بشتاق

Mohammed Khaled