

اسف ياعم فلانتاين
عدى السنادى كمان وسجلنى غياب
السنجله
مش مشكله
بصرحه بقى مش طالبه عك
ولا ناقصه شك و غيره او حتى عتاب
منكرش ان انا نفسى حقيقى اخرج مع بنت واغير جو
وبقولك لو
انا كنت لقيت حد بيفهم
مانا كنت ساعنها بقيت جنبو
لكن انا كل ماكون مع حد يبعد ويقول انا مش ذنبو
انا قلبى ده مش فندق يعنى
انا ابسط حاجه بتوجعنى
واهو عادى مجتش على اليوم ده
انا اصلا عايش من مده
ومسستم نفسى على الوحده
وحياتى عايشها يا عم تمام
لا انا بشحن زى الناس عطول
ولا برغى كتير فى التليفون
ولا بقعد اسب لفودافون
ولا اضيع وقتى فى اى كلام
ولا قاعد مجروح من الصدمه
بسمع مش زى الافلام
انا زى الفل وقشطه وبيس
مش بفتح شات بلليل عالفيس
ولا بسهر اكتب اغنيه
لا باس ببعض الحنيه
ولا اعشم نفسى اعيش مع حد
والاقيه بيسبنى بدون اسباب

وحياه ابوك يا عم فلانتاين
السنادى سجلنى غياب


اسف ياعم فلانتاين - الشاعر محمد ابراهيم

تروحى بعيد-نوران وليد

عن الوحده - محمد عبدالفتاح

Darweesh | درويش

Lyrics | كلمات : 
هادي محم

Composing | ألحان :
شريف البهي

Arrangement | توزيع :
محمد سامي - VEGA studio

Lead guitar | جيتار : 
تيتو  طارق

Special thanks for :
هيثم محفوظ 
محمود عمارة 
شركة IAMY 


Lyrics | الكلمات :

أراجوز في سيرك كبير 
بكون بيلياتشو كله عيوب 
بكون كاره أعيش ع الشط 
بخيط دايب و كله كروب 

بكون كاره لكون الكارو مابتمشيش 
و كاره لكوني "البغل"  بالتهميش 
و اكون كاره لكون الكون يادوب كام لون 
بزق العجلة بوتر دايب بشوق ميت و نفسه يعيش

أنا أبسط شخص في رواية تملي بتخلف المكتوب 
 أنا راضي ،  بقلم فاضي ع المسرح وبمسح دور أصلا في الاساس ملعوب 
أنا أبسط منايا يعدي عليا فيبراير 
و قبل نصه بيوم يهاديني البشر دبدوب 

أنا محروم من الضلة و ضي الشمس جوا الشيش
يزود رغبتي في كوني أكون درويش 
بيسرح في الفضا و يسبح بعين داعية 
يا رب ،، أنا ميت بلا روحي و حابب عيش 

و حابب ضلمة في غروبك و مش عارف أحب الضي 
و كاره كوني بتنفس و بكره إني لسه حي 
بتوه في اللحظة 100 مرة و أحس بخوف 
يطمني و خوف يستقبل النور اللي جايز ،، جي

لا يجوز انك تكون شيء غير انك عبد لكلامنا 
فتسمعنا و تستنى لحد ماندي أوامرنا 
فتمشي بين جدور نفسك بتمحي شيء مش " احنا"
فتصبح مسخ في الدنيا 
عروسه خيوطها في سطوحنا
نحركها ، نبهدلها ، ، نفصص روحها بجناحنا 
يحرم عليك يكونلك رأي يخالفنا 
يحرم عليك تكون نفسك 
طلاما رضيت بشروطنا 
فتفضل مسخ في الدنيا 
وتفضل شيئ بيشبهنا
،

فتعالى نقول ،، و نعيد و نزيد في كلام مقفول 
و نعيش بنعالج حيط معلول 
و نعيش على طول بنداري حلول 
جوفي البائس يسكنه قلب أبأس 
عايش يهاتي ، يوماتي بالوحده بيتونس 
و بيشكي من كتر قوالة (لا)
و بيبعد كل خضوع ل(اه) عن طريقه بزق 

#درويش

Morphin

Darweesh

درويش - Darweesh | Hady mohamed FT sherief elbahey

اليوم بدأ
والناس بتصحي تروح لأشغالها
و أنا روحي لسه بتسعي بالفطرة مبسوط بترحالها
بتنفس الأشياء مش أكسجين خالص
بتنفسك / صورك / او كل شئ ايدك
خبطت بخفه عليه
بتنفسك و اشتاق
مريض بنفس الداء
دايما بميل للوحدة مش قاصد
و في وسط أصحابي العيل الفاسد
اللي اترمي في القهر من صغره
متكتريش وجعي و تقولي مكتوبله
عارفه الزمان قاسي
بيعلم الانسان
طب ليه مبتعلمش
كل اما كنت العب في الحارة بالاحجار
و ارميها عني بعيد
دايما بروح و اتعب علشان الاقيها
دلوقتي لما كبرت
بقيت بعيط ليه علي حاجة برميها
صاحبي اللي ياما سألني عن قرارات
دايما باخدها في عز من انا خايف
قالي النهاردة عن الفراق حكمه
"قالي النصيب أعمي انت اللـ مش شايف "
انت الغريب فينا
مش كنت قولت زمان
ان البكا للناس والحزن مش لينا
دلوقتي كل الناس شايفه الوجع فينا
الوقت سكينه و مكتفه دراعي
كل الوجع في الناس
من بعض اوجاعي
كان نفسي افضفضلك
و احكيلك المعاناه
من وجعي بكتبلك
كل اللـ بتمناه
ياللي انتي ساكنة العين
و مجمله جفوني
حطيت عياط قلبي
رنات لتليفوني
كل اما حد يرن
بيزيد في قلبي الشوق
صوتي اللي زي الجرس
بقي زي شريط خلصان
و بقيت بحن عشان
مقدرش اعيش دونك
ليه الدموع المربكة
بتحلو في عيونك 
ازاي فارقتي بدون
تنهيدة في وداعنا
و اصحابك الاندال
بيغنوا لـ وجعنا
قربتي ليه من ناس
حالفين ما يجمعنا 
لو حتي حضن مجاز

البيت حيطانه ازاز
متحدفوش الظلط 
صدقنا ليه الغلط
كدبنا ليه الصح
متكدبيش علشان 
انا و انتي مش عايشين
بنموت بنفس الجرح 
مبلومش غير نفسي
ازاي اخون واببرر الاخطاء
و ازاي رميتي في حضني برفانك
انا جوه مني حاجات حبيت اقولهالك
بس انتي مش فاضيه
خدتي اللي فاضل بينا و مشيتي
خدتي الحاجات الحلوة من بيتي
كان نفسي بس احضنك
و اقسم معاكي الهوا
اقصد نفس خدتيه
بعد الفراق سيبتيه
و انا خدته في الرئتين
لكن بفعل الوقت
والحرق في الاعصاب
مبقاش نفس في الرئه
بقي دمع نوعه تقيل
ينفعني وقت البكا
مبلومش غير نفسي
كل اما تيجي
فـ لحظة علي بالي
بستني يوم ينتهي
وأبدأ في ترحالي
وأتنفسك وأشتاق
مزيكا اه مـ الفراق
هي اللي باقيالي
كان نفسي تبقي
زي ما اتمنيت
"ام لعيالي"
كام نفسي لكن منطقي
مش اي شئ نتمني انه يكون
يكون
ولا اي طير اتكسر
يقدر يعيش مسجون
انا زي هذا الطير
مكسور و مستني
تليفوني لما يرن
مكتوب عليه اسمك
يمكن ساعتها افوق
دلوقتي رايح انام
بتمني من ربنا
نتلاقي من تاني
لو حتي ف الاحلام ..

مبلومش غير نفسي | محمد عبدالفتاح

قصيدة 6رسايل للشاعر محمد عنتر  ميكساج محمد الفقي.mp3

" علشان الليلة انا راح امشي .." _هاجر حسن

قصيده"من غير مناسبه موت" (رحمه ناصر)

( Obit ) موسيقى : محمد عادل 

نخاف الشئ فا بنريدوا
نمِل الشئ فا بيرِدنا
نسِب الَدهر و نعيدوا
يلف الَدهر ويعدنا ..
نخاف الشيشه فا نجرب
نخاف القرب فا نقرب !
في الحقيقه كلانا متغرب
والغربه وجعها بان في العضم ..
رفعنا كفوف .. و نحينا جبين
واتعشمنا في أمال اللَضم
وقولنا نستنىَ ..
عدىَ وقت وعرفنا
إن أبليس كان اقرب للجنه
فا بطلنا ..
وزدنا البَعاد في القُرب
وزدنا الوجع والشُرب
ومشينا في الطريق أياه
وانتهينا بأننا
بقينا اتنين غُرب
-
الوضع شِبه مُعاد
ومفيش أمل بعدين
الشعر الأبيض زااد
الصبغه راحت فين!؟
حبينا ناس اوغاد..
فا كرهنا ناس تانيين
لسا الفراق بمعاد ..
لسا الضُعاف شاريين!
امتا اللي فات يتعاد
ونبقي مش خايفين
امتا اللي فات يتعاد
ونبقي مش رايدين :') !
#كريم_أبوعيد

نخاف الشئ - كريم أبوعيد / Kareem abo eid - Nkhaf el shea'

قصيده:الحياه كات كدبه فعلآ..كلمات والقاء "رحمه ناصر "

إني وحيد _ هاجر حسن

facebook
 https://www.facebook.com/mohmad.abdelfatah.35

عن الوحده - محمد عبدالفتاح

الشاعر محمد عبدالفتاح