mhrgan

بموت انا فيك _أحمد زعيم

كان باين من سلامها . عمر دياب

Enty El Kayan

Lyrics: Mohab
Vocals: Mohab
Music: Free Beat
Master and mix: El Joker

Enty El Kayan

جـــــــــرابــي مليـــــــــان

مفيش امل

T7t bet.ha

Artist: Mohab Hassan
Lyrics: Mohab Hassan
Music: Free beat
Rec.&Master: El Joker

© 2014 Mohab Hassan

تحت بيتها

كلمات : محمد ابراهيم
لحن : أمير يوسف
توزيع موسيقي و هندسه صوتيه : أحمد حبيب
عود : مروان أنور 
كمان : أحمد مختار
ناي : محمد رمضان
جيتار : أحمد حبيب

Ameer Youssef & Zahra Mohammed ::  علمني أشتاق

كلمات الأغنيه :
يعنى لو ما كنتش اتكلمت كنتى اكيد سكتى 
بتدارى عليا خيبتى ولا مستنيه تهدى 
متحبكهاش مهى مش هتعيش تمثال فى متحف ! 
محدش فهم المسرحيه و لسه الناس بتسقف 
اعاده حسابات للافضل مشكوك اصلاً فـ حصولها 
بتشوفها الناس تسكنها لكن شياطينها بتفضل حره 
جرب تدى فرصه ! متخافش لتموت بكره ! 
فكر فـ اللحظه اللى عايشها و اللى عليها هتبعث يومها 
انا متكلمتش من زمان عشان مبتفهموش 
ازاى بحط السم لنفسى و اقول ياريت مخدوش 
انسان مغشوش بيغير فى الوشوش ! 
ايام حياتو بتتلخص فـ ورق و كلام منقوش 
كَتٍمت اللى اتعلمتو جوه منى عشان مفيدش حد !
وكلو اتهد لما حلمت و حلمى عليا ارتد 
بقيت مش عارف انا اللى صح ولا العيب فـ مين .؟
تفكير سنين مش عايزه لو هنبقى مرتاحين !
ياما اتمنيت كتير انى ابقى منكو و فوسطيكو
فبقيتو فـ كفه وانا بقيت الشاعر اللى قاويكو ..
مش قدوه مش مثل اعلى للأخلاق والادب
و برضو مفتكرش فيوم دخل سبق و اتغلب

يعنى اتمسك بالفكر اللى بحقق فيه من زمن ولا اتخلى عنه و اطور من ابحاث اعطاء الامل .. 
فوق المحتمل انى اتخيل وقف الزمن بس التمن دفعتو بايدى بغزل خيوط الكفن

و فضلت اتخيل فيكى فسرحت و بصيت ما لاقيتك 
بصيت فكل ركن جوه الاوضه فـ شوفته بيتك

ازاى مش عارف اشوف ملامحك زى مكان فى الصوره شايف ضلمه و عيله مكسوره بقيت شايف قدامى شبوره بالبطئ
بتتلاشى و مش شايف اثر للى كانت قدام عينى و سامع كلمه ايه اللى حصل !
هوه انا كل اما اقول مجنون هتقول اكيد و تسرح !! و مين هى اللى قالتلك مره بضحك الشجره بتدبل !
فاكرها !
دنا فاكر حتى مكان الدكه !
ساعتها !
قالتلى بضحك الشجره بتدبل
وفضلت ارسم ملامحها فورقه بيضه فـ خاننى قلمى و رسم حاجات من طولة الغيبه كانت بس فـ دمى
فبيقت كما الضرير اللى مشافش بعينو كتير فاكر جزء بسيط من حياتو و سايب الدليل
على ان خوفه من تقدير ظروفه قوى شوكته
بقى يهرب مـ اللى حبه و يمسك فـ اللى شبيه لـ صورته
مهو فاق متأخر لما حسبها و عدل الايه و لقاها بتفسر جزء كبير حصل معايا ! 
انا الحاجه اللى يحق ليها تستحوذ على فكرك انا نفسك اللى لما الكل بينساك بتفتكرك

يعنى اتمسك بالفكر اللى بحقق فيه من زمن ولا اتخلى عنه و اطور من ابحاث اعطاء الامل .. 
فوق المحتمل انى اتخيل وقف الزمن بس التمن دفعتو بايدى بغزل خيوط الكفن

و فضلت اتخيل فيكى فسرحت و بصيت ما لاقيتك 
بصيت فكل ركن جوه الاوضه فـ شوفته بيتك
https://www.facebook.com/sup4zero

فاق علي الشاعر _Fa2 Aly El sha3er

منة هانى - بتلوم عليا

Bar Wahmi
Lyrics: Amr Sa'eed
Vocals: Amr Sa'eed
Music: Free Beat
Master&Mix: El Joker

الكلمات :

.. تذوقت منذ فراقها شتى أنواع العذاب ''
 .. سأبقى فى انتظارها مهما طال الغياب 
.. أملا لقائها حتى وإن اغلقت كل الابواب
.. ستظل دوما أفضل صفحة بين كل صفحات الكتاب

_______________________________________

.. مدوقتش طعمـ الألمـ غير لما غابت عنى شمسك
 مقدرش حتى القلمـ .. يوصف قساوة بعدى عنك
.. عشت راضى بعذابى .. راضى بأى مكان فى قلبك
مش هتلاقى فى غيابى .. حد فى حياتك قدى حبك 
سنين بقدف يمكن الاقى جوا قلبك مرساه
قلب عاش عشانك .. عمرك بيه ما كنتى حاسه
قلبى اتحمل عذابك علشان غيابك عنه أقسى
.. ورغمـ كل حاجه زيك برضه قدرت أنسى
أيوه قدرت أنساكى .. قدرت أقول لـ قلبى لأ
أيوه القلب اللى اتمناكى من غيرك ولغيرك دق
قدرت اعيش من بعدك والمركب على شطك مر ..
موصلش لمرسى قلبك .. بس قدر يوصل للبر
رسيت على بر الواقع .. سيبتك على شاطئ اوهامى 
.. طوق نجاتى مكنش فى ايدك .. طوق نجاتى كان قدامى
قدرت اداوى كل ألمـ وأعدى كل موجه 
كل ذكرى دفنها الزمن .. مش هرجع من بعد توبه 
مستنى لسه بفارغ الصبر مشهد النهايه 
عاوز بإيدى أكتب اخر سطر فى الروايه 
مستنى قبل ما تنزل الستاره تيجى تقولى
" ملقتش اللى يحبنى الحب اللى انت حبيتهولى "

_______________________________________

رسمت اللوحه ولونتها .. بس ألوانها باهته 
.. كدبتك صدقتها علشان تخلى الناس تصدق
.. بعدت عن الحقيقه فـ كل ما تبعد تبقى ابعد
قاصد تختار ألوان قادره تطفى وضوح المشهد 

_______________________________________

كنت عارف انك عمرك ما هتنسى مهما الوقت عدى
وهمت نفسك ان دموعك فى يوم هتنشف ع المخده 
مقدرتش ع الحقيقه فـ حبيت العيشه كـ أعمى 
مهما تغمى عينك هتفضل ودنك برضه سامعه

_______________________________________

.. اهرب اكتر مـ الحقيقه وعيش فى كدبه مريحاك
ازاى بتعلن توبتك وسط ذنوب مغرقاك ؟
ازاى بتقول نسيتها .. وقلمك لسه عنها بيكتب 
خايف تبص فى عينهمـ " ليه !! " هيبان انك بتكدب 
تغمى عينك قرب مشهد النهايه .. فـ يفوتك ؟
مـاهو انت علشان تكمل لازم تمنتج لحظة موتك
!! خلص خلاص العرض وفضلت لوحدك ع الاستيدج
.. ابقى اكتب اخر سطر لو اخر كلمه متكتبتش
من زاويه واحده بس .. خليتنا نشوف اللوحه
زاويه تبين جسمك بس متبينش روحك 
راسم قدامك طوق نجاتك مع انه كان فى ايدها
الغرق مش انك تغرق - كان - الغرق انك تسيبها
عديت بجسمك كل موجه سيبت روحك على شطها
حبك ليها مكنش وهمـ فـ كل ذكرى ضلمتها
.. لوحتك بينتها بكل نقطة حبر فى دمى
 "مش هتنجى من الغرق لما ترسم " بر وهمى

_______________________________________

رسمت اللوحه ولونتها .. بس ألوانها باهته 
.. كدبتك صدقتها علشان تخلى الناس تصدق
.. بعدت عن الحقيقه فـ كل ما تبعد تبقى ابعد
قاصد تختار ألوان قادره تطفى وضوح المشهد

Bar Wahmi

انضموا لصفحة مادو عل فيسبوك 
fb.com/mado4music

موسيقي تصويرية ولحن محمد عبدالعال مادو 
شعر عمرو حسن 

‪#‎Freindzone‬
خلينا صحاب 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

موسيقي تصويرية وغنا محمد عبدالعال مادو شعر عمرو حسن

جديد محمد فاروق في اغنيه جديده
  #لحظه_رجوعي 
كلمات واللحان : محمد مصطفي 

توزيع : مينا منجي 

كلمات الاغنيه : 

لحظه رجوعي ف يوم لقانا مكنش ضعف منني .. دي لهفتي لما اتقابلنا بعد الفراق 
كنتي سعتها جوه قلبي و فبالي وحشاني ودي صدفه حتي مجتش بينا بالاتفاق 
 
انتي واحشاني ف كل لحظه بفتكرك .. بقول ياريت ترجع تاني ومتسبنيش .. مش هاروح تاني ف اي مكان بعيد عنك ولا يشغل حياتي غير وياكي اعيش 

عرفت انك هتسمعيني مغلطش احساسي ف النظرة اللي من عنيكي وقت السلام .. شوفت فيهم كلمه واحدة عايزة تقوليلهالي وحشتني اللي فهمتها من غير كلام

#MohamedFaroukKhedive  #الخديوى_فاروق#لحظه_رجوعي #music 
#song #new #single #egypt #romance 

facebook : mohamed farouk official 
twitter : @mohamedfarooouk
instagram : @mohamedfaroouk


Mohamed Farouk -محمد فاروق -  لحظه رجوعي - La7zet Rogo3y

عيش الكلمات وسافر الى عالم اخر

عمرو دياب تقدر تتكلم عن روحك

متعتذريش القصيده الكامله
من ديوان لما كنا 
معرض الكتاب 
2017

الكلمات 

متعتذريش .. لا حبك آخر الدنيا ..
ولا وجودك سبب لحياه 
انا فـ " مآساه " .. 
بحاول أجمل المشهد 
و أمثل انى مش مهزوز 
" شبح أراجوز "
مركب وش على وشه 
عشان ميبانش ايه جواه
 
لا هشحت إهتمام تانى ..
ولا هطلب حنان لله 
انا كويس ..  كده أحسن
ومش هنكر ساعات بحزن
و أحن لكلمه متقاله ..
وذكرى و صوره ورساله 
فمتحاوليش .. تكونى ضحيه 
فـ القصه ..
و إوعى تصدقى الحاله
ده زى ما فيه بنات إتكسروا بسببنا 
فـ ياما بنات كتير حاولوا و نجحوا
فـ كسر رجاله 
وياما بشوف من الدنيا 
حاجات اغرب من السيما 
وربك برضه ليه حكمه
و ليه حسبه و تقسيمه 
و انا اللى مشيت و انا مآمن 
وسبت مشاعرى و اطمنت 
نسيت ان البلاء وارد
وقد يأتى فـ هيئة  "بنت "
انا يا حبيبتى مش تمثال
و ليا شعور و بعرف احس 
و اتأثر 
و قلبى ازاز .. 
يعور لما يتكسر 
متتخدعيش فـ كام ضحكه 
بخبى الحزن جواهم 
ده لو بصيتى جوايا 
هتلقى الحزن متفسر 
و تلقى الجرح ساب فيا 
علامه الوقت ممسحهاش 
وممسحكيش 
متعتذريش ! 
متعتذريش .. 
و صلى جنازتى وياهم ..
قصاد القلبه حطى الدبله و إدعيلى 
و قولى كان مريض و إرتاح 
كفايه نواح .. 
على القلب اللى شافك ورد 
فـ وطى لجل ما يشمك 
قتلتى قتيل ؟! .. و ايه يعنى 
فداكى .. خلاص و لا يهمك 
مسير اللى إتكسر 
يتلم .. مسير اللى اتقتل هيعيش 
متعتذريش .. 
ساعات الإعتذار بيهين 
ويجرح قبل ما يداوى ..
سلالمك كلها تعابين ..
و انا معرفش أكون حاوى ..
يا حبل إتلف بالتدريج على رقبتى 
و انا من طيبتى سبت الحبل عـ الغارب 
بنبعد مهما نتقارب .. و أشوفك غلطه و أستمتع 
بطعم الغلطه فـ بعيدك ..
يشاء ربك .. بإن الطيب الغلبان 
يبطل طيبه على إيدك ..
 
برائتك .. شكل من بره 
ديكور بيدارى سوء طبعك 
و انا مقلبش أكون تابع 
و خاتم تلبسيه فـ صابعك
انا راجل .. و ليا كرامه لو راحت 
حياتى تروح 
 وبابى لا عاد لا متوارب ولا مفتوح 
ومهما تحنى و تنادى 
خلاص باب الرجوع اتسد
بكيت بعد الفراق ؟! .. عادى
بكيت على نفسى مش على حد
معدش ما بينا شئ فاضل 
عشان نرجع نقول يا حنين 
ده لو نزلت دموع راجل 
ينضرب الوجع فـ اتنين  
مفيش راجل مبيعيطش لو فارق 
الفكره بس ان احنا بنخبى 
معرفش ببكى عليكى ليه و إزاى 
معرفش ليه وعلى ايه بتتحبى 
يوماتى عـ الله بسأل نفسى ..
ليه انتى ؟!
و ليه بالذات  
و كان فين قلبى  و انا مسحوب 
لتيارك 
و كان فين عقلى و انا بغلط 
و بختارك
وداخل جنتك عشمان ..
أتارى جنتك .. نارك
مخدتش بالى انك " وهم " 
مشيت عكس اتجاه السهم 
و قلبى اتذل و إتعلق بأكتر حبل كان دايب 
انا اللى اتسابت طول الوقت 
عشان مرضيتش أكون سايب 
رضيت أطلع فـ حدوتك بدور الحاضر الغايب 
 و أحبك من طرف تايه 
وراكب قطر مبيمشيش 
متعتذريش .. عشان و الله مش فاهمك 
و مش قادر أحدد موقفك بالظبط ..
براجع كل تفصيله .. 
مفيش فـ القصه حلقة ربط ..
مفيش حبكه .. مفيش ربكه 
مفيش فـ القصه دمعة عين 
 و قبضة قلب أو قهره 
أكيد فيه حاجه مش ظاهره 
تعالى نبص عـ المشهد .. 
نراجعه من الألف للياء ..
نشوف مين فينا كان مشتاق 
و مين قصر .. ومين إهتم 
و مين نايم بكل برود 
ومين سهران يعيط دم 
أكيد حبك مهم .. أكيد 
لكن يعنى كرامتى أهم 
فـ كان من حقى أقول همشى ..
و أقول سبتك لكل الناس 
و انا كداب ..
صحيح سبتك انا لكن 
انا المتساب ..
انا المتساب بأفعالك .. 
و إهمالك .. 
و إحساسى ان فى حياتك 
مجرد طيف ..
و ساكن جوا منك ضيف 
لا ليا حقوق ولا كرامه 
و عايش بس من غير صوت 
وطول الوقت بتذلل 
و بشحت كلمتين حلوين 
فـ آخر اليوم ..
عشان أعرف انام مبسوط 
بقول سبتك لكل الناس و برضى غرورى 
وسطيهم .. و انا جوايا نار قايده 
" مفيش فايده " .. بكابر قد ما بكابر 
و قلبى من الحنين مفضوح 
قريب وغريب .. يبص فـ عينى 
فيشوفك بكل وضوح ..
و لسه انا تحت تأثيرك .. 
ومش شايف بنات غيرك 
لكن أصبحت مبشوفكيش 
متعتذريش

أشعار : محمد ابراهيم 
رؤيه فنيه و توزيع : الموسيقار محمد معانى 
تسجيل و ميكساج  و ماستر : كريم حسن
فوكال : محمد الشبينى _هاله حسن 
ناى : أحمد أبو المجد 
باص جيتار : باسم معانى 
اليكتريك جيتار : أحمد طارق

شكر خاص 
" آيه عماد الدين فؤاد "

mhrgan

Mohmad Esmail